प्रणिता कोदे यांना ‘सिटिझन रिपोर्टर ऑफ द मंथ’ म्हणून गौरवण्यात आले. समाजोपयोगी विविध विषय मांडणाऱ्या या नागरिकांना अधिक प्रोत्साहन मिळावे म्हणून हा उपक्रम सुरू करण्यात आला आहे. यावेळी प्रणिता यांना प्रमाणपत्रासह स्मार्टफोन देण्यात आला. महाराष्ट्र टाइम्सचे संपादक अशोक पानवलकर आणि निवासी संपादक श्रीकांत बोजेवार यांच्या हस्ते त्यांना गौरवण्यात आले. या उपक्रमाबद्दल त्या म्हणाल्या की, दैनंदिन जगण्यामध्ये सर्वसामान्य खूप गुंतलेले असतात. अनेकदा आजूबाजूला समस्या दिसत असतात, मात्र त्या संबंधित यंत्रणेपर्यंत जाऊन सांगायलाही वेळ नसतो. त्यासाठी हे अॅप खूपच सोयीचे आहे. एक फोटो क्लिक करायचा, थोडक्यात आपली तक्रार मांडायची आणि त्याला प्रतिसाद येणार हे नक्की. बधीर यंत्रणांपर्यंत सामान्यांचा आवाज पोहोचणेही महत्त्वाचे असते. तेच काम या माध्यमातून होत आहे.
प्रणिता कोदे 'सिटीझन रिपोर्टर ऑफ द मन्थ'
Maharashtra Times 10 May 2016, 8:55 pm