नवी दिल्ली : महिला पोलीस अधिकारी बनून लॉकडाऊनच्या नियमांचे भंग केल्याच्या नावाखाली सर्वसामान्य नागरिकांकडून दंडवसुली करणाऱ्या महिलेला पोलिसांनी पश्चिम दिल्लीतील टिळक नगरमध्ये अटक केली आहे. गस्तीवर असलेल्या दोन पोलीस अधिकाऱ्यांच्या ही बाब लक्षात आल्यानंतर या तोतया महिला पोलीस अधिकाऱ्याला अटक करण्यात आली.
लॉकडाऊनच्या नियमांचे उल्लंघन केल्याचे सांगून ही महिला लुबाडणूक करायची. सहायक पोलीस निरीक्षक असल्याची बतावणी ती करायची. पश्चिम दिल्लीच्या टिळक नगर परिसरातून तिला अटक केली. गस्तीवरील पोलीस कर्मचाऱ्यांच्या सतर्कतेमुळे या तोतया महिला पोलीस अधिकाऱ्याला अटक करण्यात यश आले. या पोलीस कर्मचाऱ्यांना संशय आल्याने त्यांनी महिलेला पोलीस ठाण्याबाबत विचारणा केली. त्यावर ती समाधानकारक उत्तर देऊ शकली नाही.
तमन्ना जहाँ (वय २०) असं अटक केलेल्या तोतया महिला पोलीस अधिकाऱ्याचे नाव आहे. या काळात तिची आर्थिक परिस्थिती अतिशय बिकट झाली होती. त्यामुळे तिने हा मार्ग पत्करला, अशी माहिती तिने पोलिसांना दिली. तिने पोलीस अधिकाऱ्याचा गणवेश शिवून घेतला. त्यानंतर बनावट चालान तयार केले. कोविड १९च्या मार्गदर्शक सूचनांचे आणि नियमांचे उल्लंघन केल्याचे सांगून सर्वसामान्यांकडून दंडवसुली करायची. पोलिसांनी तिच्याकडून बनावट चालान, ८०० रुपयांची रोकड आणि पोलीस गणवेश जप्त केला आहे, अशी माहिती पोलीस उपायुक्त (पश्चिम) दीपक पुरोहित यांनी सांगितले.
या परिसरात गस्तीवर असलेल्या हेड कॉन्स्टेबल सुमेर सिंह यांनी या महिलेला पाहिले. टिळक नगरमधील ब्लॉक नंबर १२ मध्ये पोलीस अधिकाऱ्याच्या गणवेशात ती महिला बंदोबस्तावर होती. मास्क न घालणाऱ्या लोकांकडून ती दंडवसुली करत होती. सिंह यांनी सहकारी अशोक याला महिलेसमोर मास्क न घालता जाण्यास सांगितले. अशोक हे साध्या वेशात तिच्यासमोर गेले. तिने अशोक यांना मास्क घातला नाही म्हणून विचारणा केल्यानंतर त्यांनी तिला पोलीस ठाण्याचे नाव विचारले. तसेच ती कोणत्या पदावर काम करते, ओळखपत्र विचारले. त्यावर तिने कोणतेही समाधानकारक उत्तर दिले नाही. तोतया पोलीस असल्याचे समजताच त्यांनी तिला ताब्यात घेतले.
लॉकडाऊनच्या नियमांचे उल्लंघन केल्याचे सांगून ही महिला लुबाडणूक करायची. सहायक पोलीस निरीक्षक असल्याची बतावणी ती करायची. पश्चिम दिल्लीच्या टिळक नगर परिसरातून तिला अटक केली. गस्तीवरील पोलीस कर्मचाऱ्यांच्या सतर्कतेमुळे या तोतया महिला पोलीस अधिकाऱ्याला अटक करण्यात यश आले. या पोलीस कर्मचाऱ्यांना संशय आल्याने त्यांनी महिलेला पोलीस ठाण्याबाबत विचारणा केली. त्यावर ती समाधानकारक उत्तर देऊ शकली नाही.
तमन्ना जहाँ (वय २०) असं अटक केलेल्या तोतया महिला पोलीस अधिकाऱ्याचे नाव आहे. या काळात तिची आर्थिक परिस्थिती अतिशय बिकट झाली होती. त्यामुळे तिने हा मार्ग पत्करला, अशी माहिती तिने पोलिसांना दिली. तिने पोलीस अधिकाऱ्याचा गणवेश शिवून घेतला. त्यानंतर बनावट चालान तयार केले. कोविड १९च्या मार्गदर्शक सूचनांचे आणि नियमांचे उल्लंघन केल्याचे सांगून सर्वसामान्यांकडून दंडवसुली करायची. पोलिसांनी तिच्याकडून बनावट चालान, ८०० रुपयांची रोकड आणि पोलीस गणवेश जप्त केला आहे, अशी माहिती पोलीस उपायुक्त (पश्चिम) दीपक पुरोहित यांनी सांगितले.
या परिसरात गस्तीवर असलेल्या हेड कॉन्स्टेबल सुमेर सिंह यांनी या महिलेला पाहिले. टिळक नगरमधील ब्लॉक नंबर १२ मध्ये पोलीस अधिकाऱ्याच्या गणवेशात ती महिला बंदोबस्तावर होती. मास्क न घालणाऱ्या लोकांकडून ती दंडवसुली करत होती. सिंह यांनी सहकारी अशोक याला महिलेसमोर मास्क न घालता जाण्यास सांगितले. अशोक हे साध्या वेशात तिच्यासमोर गेले. तिने अशोक यांना मास्क घातला नाही म्हणून विचारणा केल्यानंतर त्यांनी तिला पोलीस ठाण्याचे नाव विचारले. तसेच ती कोणत्या पदावर काम करते, ओळखपत्र विचारले. त्यावर तिने कोणतेही समाधानकारक उत्तर दिले नाही. तोतया पोलीस असल्याचे समजताच त्यांनी तिला ताब्यात घेतले.