सगळे ऐश्वर्य लयास गेल्यामुळे भिकेकंगाल झालेल्या एखाद्या संस्थानिकासारखी एअर इंडियाची अवस्था झाली आहे...
Maharashtra Times21 Jun 2018, 4:00 am
सगळे ऐश्वर्य लयास गेल्यामुळे भिकेकंगाल झालेल्या एखाद्या संस्थानिकासारखी एअर इंडियाची अवस्था झाली आहे. एअर इंडियाचा महाराजा चित्रात आहे म्हणून त्याच्या अंगावर महाराजाची वस्त्रे दिसतात, प्रत्यक्षात त्याची लक्तरे केव्हाच चव्हाट्यावर आली आहेत.
महाराष्ट्र टाइम्स.कॉम
एअर इंडियाचा महाराजा भिकेला लागूनही आपल्या मायबाप सरकारची मिजास काही कमी होत नाही त्यामुळे तो अधिकाधिक खंक होत चालला आहे. पन्नास हजार कोटी रुपये कर्जाच्या गाळात रुतलेल्या एअर इंडियामधील ७६ टक्के सरकारी भांडवल खासगी कंपन्यांना विकण्याचा निर्णय सरकारने मार्चमध्ये घेतला होता, त्यानुसार १५ मेपर्यंत खासगी कंपन्यांकडून निविदा मागवल्या. मात्र एकाही नामांकित कंपनीने स्वारस्य दाखविले नाही. मुदतवाढ दिल्यानंतरही प्रतिसाद मिळाला नाही, त्यामुळे शेवटी सरकारला एअर इंडियाचे खासगीकरण करण्याचा प्रस्ताव रद्द करावा लागला. महाराजाला बाजारात गिऱ्हाईक न मिळाल्यामुळे नाईलाजास्तव पोसण्याचा निर्णय घ्यावा लागला आहे. एअर इंडियाला नफ्यात आणण्यासाठी पावले उचलण्याचे आता सरकारने ठरवले आहे. सरकार असो किंवा खासगी कंपनी, एखादा उद्योग फायद्यात कसा चालवायचा किंवा तोट्यात का चालतो हे सगळ्यांना कळत असते, परंतु जे कळते ते वळत नसल्यामुळे परिस्थिती बदलत नाही. यापूर्वीच्या अनेक सरकारांचे तसेच त्या सरकारांमध्ये हवाई वाहतूक खाते सांभाळणाऱ्या मंत्र्यांचे अपयशही त्यातून समोर येते. खासदारांना फुकट प्रवासाची सोय करणारी कंपनी यापलीकडे देशात एअर इंडियाचा ओळख बनू शकली नाही. त्यामुळेच प्रवासी संख्येची कमतरता नसतानाही एअर इंडियाची विमाने सतत तोट्याची नामुष्की मिरवत राहिली. आता सरकारकडून एअर इंडियाची बलस्थाने सांगितली जात असली तरी ती सरकारपुढील अपरिहार्यता आहे. होय महाराजा, हे… धोरण सोडून सरकारने खासगी कंपनीसारखे कठोर बनल्याशिवाय एअर इंडियाचा उद्धार होणार नाही, परंतु तीच गोष्ट आज कठीण आहे.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.