मराठमोळ्या इन्फ्लुएन्सरचा अश्लिल व्हिडिओ व्हायरल, घाबरुन न जाता तिनं केलं असं काही की...

मुंबई: तंत्रज्ञानामुळं सगळी कामं सहज होत असली तरी, हेच तंत्रज्ञान एखाद्याचं आयुष्य उद्ध्वस्तही करू शकतं, हे अनेकदा आपण पाहिलंय. फोटो, व्हिडिओ एडिटिंगमुळं अनेकांचं आयुष्य बदललंय, काहींचं चांगल्यासाठी तर काहींच्या आयुष्यात नको ते दिवस पाहावे लागलेत. गेल्या काही वर्षात फोटो, व्हिडिओ मॉर्फ करण्याचं प्रमाण प्रचंड वाढलंय. तरुण-तरुणींचे मॉर्फ केलेले अश्लिल फोटो, व्हिडिओ तयार करून, त्यांना धमकी देणं, बदनामी करण्याचे प्रकार वाढले आहेत. सध्या सोशल मीडियावर स्टार , इन्फ्लुएन्सर असेलल्या तरुणींसोबत हे प्रकार वाढल्याचं दिसून येत आहे. मराठी सोशल मीडियावर इन्फ्लुएन्सर असेलली सोनाली गुरव हिच्यासोबत असाच धक्कादायक प्रकार घडला आहे.
खूप झाली नुसती चर्चा! आता अलका कुबल यांनीच सांगितलं 'माहेरची साडी २' मध्ये असणार की नाही
सोनालीनं या घटनेबद्दल सोशल मीडियावर माहिती दिली आहे. या घटनेमुळं अनेकदा मुली खचून जातात, घाबरतात... नको ते पाऊन उचलतात, पण सोनालीनं घाबरून न जाता थेट पोलिस स्टेशन गाठलंय. त्याबद्दल तिचं कौतुक होत आहे. यातून प्रत्येक मुलीनं हा धडा शिकायला हवा, सोशल मीडियावर सक्रिय असणं चुकीचं नाही, फोटो शेअर करणं चुकीचं नाही, पण अशा घटना घडल्यानंतर गप्प राहणं चुकीचं आहे.

काय आहे सोनालीची पोस्ट?
काही दिवसांपूर्वीचीच गोष्ट आहे. एखाद्या मुलीला ज्या गोष्टीचा नुसता विचारच असह्य होईल, नेमकी ती घटना माझ्या आयुष्यात घडली. काही मित्रांचा फोन आला की एक अश्लील मॉर्फ व्हिडिओ सध्या व्हायरल होतोय. पायाखालची जमीन सरकली. पटकन सगळं सोडून कुठेतरी निघून जावसं वाटलं. वाईट वाईट विचार येऊ लागले. ही घटना झाल्यापासून सतत माझ्या आई वडिलांचा चेहरा माझ्या समोर यायचा. कौतुकाने बघणाऱ्या नजरा हिणवू लागल्या. सगळं काही छान सुरु असताना एखाद वादळ येऊन सगळं उध्वस्त करून जातं. अगदी तसच वाटलं. आणि सगळ्यात जास्त वाईट तेव्हा वाटलं जेव्हा मला अश्लील मेसेज, इमेल्स आणि कमेंट्स येऊ लागल्या.
चौकट राजाचा महासन्मान! मित्राविषयी भरभरून बोलले अशोक सराफ; म्हणाले- 'जो रोल हा करेल...'
लोकांना चर्चेला, मजा मारायला नवीन विषय मिळाला. खरंच एवढा वेळ आहे लोकांकडे? ही वेळ आपल्या घरच्या मुलीवरही येऊ शकते आणि मग तेव्हा आपण असेच रिअॅक्ट करणार आहोत का? याची जाणीव कशी नाही होत. काही दिवस घाबरत कसेबसे दिवस ढकलू लागले पण नंतर घरच्यांनी आणि मित्र-मैत्रिणीनी मानसिक बळ दिलं. आणि मी पोलीस स्टेशन गाठलं. कोर्टाची आणि पोलीस स्टेशनची पायरी कधीच चढू नये असं मला नेहमी वाटत. पण त्याउलट पोलिसात गेल्या गेल्या पोलिसांनी मला सहकार्य केलं आणि लगेच हालचाली सुरु झाल्या. पोलीस झपाट्याने हे कृत्य करणाऱ्याना आणि ते पसरवायला मदत करणाऱ्या लोकांवर कारवाई करत आहेत. मला पोलीस आणि आपल्या न्यायव्यवस्थेवर विश्वास आहेय