Google Rolls Out ‘nudge’ Feature In Gmail, Here’s What It Does
Nudge काय आहे जीमेलचं नवं 'नज' फिचर?
गुगलने अलीकडेच आपल्या जीमेल यूजर्ससाठी नवे आकर्षक फिचर्स उपलब्ध करून दिले आहेत. गुगलने आपल्या ईमेलला नव्या आकर्षक डिझाइनमध्ये तर सादर केलंच आहे शिवाय 'स्मार्ट कंपोज' फिचरही दिलं आहे. शिवाय कंपनीने जीमेलमध्ये एक नवं 'नज' फिचरही दिलं आहे. याद्वारे जीमेल वापरकर्त्यांना त्यांनी सांगितलेल्या वेळेत जीमेल त्यांना करायच्या ईमेलबद्दली आठवण करून देईल.
महाराष्ट्र टाइम्स.कॉम18 May 2018, 4:25 pm
नवी दिल्ली : गुगलने अलीकडेच आपल्या जीमेल यूजर्ससाठी नवे आकर्षक फिचर्स उपलब्ध करून दिले आहेत. गुगलने आपल्या ईमेलला नव्या आकर्षक डिझाइनमध्ये तर सादर केलंच आहे शिवाय 'स्मार्ट कंपोज' फिचरही दिलं आहे. शिवाय कंपनीने जीमेलमध्ये एक नवं 'नज' फिचरही दिलं आहे. याद्वारे जीमेल वापरकर्त्यांना त्यांनी सांगितलेल्या वेळेत जीमेल त्यांना करायच्या ईमेलबद्दली आठवण करून देईल.
महाराष्ट्र टाइम्स.कॉम
या नव्या 'नज' फिचरद्वारे यूजर्स एखाद्या विशिष्ट मेलकरिता विशिष्ट तारीख आणि वेळ सेट करून ठेवू शकतात. त्या तारखेस, त्या वेळेत ते मेल पुन्हा इनबॉक्समध्ये दिसू लागेल. हे फिचर आर्टिफिशल इंटेलिजन्सवर काम करतं अशी माहितीही गुगलनं हे फिचर लाँच करताना दिली. यासंदर्भातल्या आपल्या पोस्टमध्ये कंपनीनं लिहिलंय, 'तुम्ही कितीही प्रयत्न करा काही नको असलेले ईमेल तुमच्या मेलबॉक्समध्ये येऊन पडताताच आणि त्या गर्दीत तुमचे महत्त्वाचे मेल्स मिस होण्याची शक्यता अकते. म्हणूनच आता हे जीमेलचे नवं वैशिष्ट्य तुमची मदत करणार आहे. हे नवं नज फिचर मिस झालेल्या मेल्सना रिप्लाय करण्याची यूजर्सना आठवण करेल.'
नज फिचर उजव्या बाजुला अगदी वर दिसेल. काही खास मेल्स तुमच्या इनबॉक्सवर वर दिसतील. हे फिचर डिफॉल्ट ऑन राहते पण त्याला मॅन्युअली ऑफदेखील ठेवता येते. हे मॅन्युअली ऑफ ठेवण्यासाठी तुम्हाला जीमेलच्या सेटिंगमध्ये जावं लागतं.
जीमेलच्या नव्या ऑफलाइन व्हर्जनमध्ये युजर्स इंटरनेट कनेक्शन नसतानाही जीमेलमध्ये आपलं काम करू शकतात. इंटरनेट नसताना मेसेज सिंक होऊन कनेक्शन आल्यावर ते डाऊनलोड होतील.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.