भूषण पत्की, कॉलेज क्लब रिपोर्टर
संगीताच्या क्षेत्रात नवनवे प्रयोग होताना नेहमी दिसतात. असाच एक वेगळा प्रयत्न केलाय मालाडच्या विनायक दाबके यांनी. त्यांनी ‘Chords and Swar’ या अॅपची निर्मिती केली आहे.
संगीताच्या क्षेत्रात नवनवे प्रयोग होताना नेहमी दिसतात. असाच एक वेगळा प्रयत्न केलाय मालाडच्या विनायक दाबके यांनी. त्यांनी ‘Chords and Swar’ या अॅपची निर्मिती केली आहे. कॉर्डस म्हणजे दोन वा अधिक सुरांचं एकत्रित वादन. भारतीय संगीतात सूरवाद्यांची साथसंगत करताना, विशेषतः हार्मोनियम, सिंथेसायझर आणि गिटार या वाद्यांची संगत करताना कॉर्डस वादनाला खूप महत्व असतं. हाच प्रमुख घटक या अॅपची निर्मिती करताना वापरला आहे. नव्यानं वाद्य वाजवायला शिकणाऱ्यांसाठी हे अॅप उपयुक्त ठरणार आहे. हा प्रकार मूलत: पाश्चात्य संगीत शैलीचा एक भाग आहे. परंतु आता जागतिक संगीताचाही तो एक अविभाज्य घटक बनला आहे. या अॅपची वैशिष्ट्यं म्हणजे १२ पट्टयांमधून कोणतीही एक पट्टी आणि २९ विविध कॉर्डसमधून कोणताही एक कॉर्ड निवडण्याची सुविधा यात आहे. तसंच निवडलेल्या पट्टीमध्ये निवडलेल्या कॉर्डचं पाश्चात्य नाव आणि त्यामधल्या स्वरांची भारतीय शास्त्रीय नावं ही माहिती स्क्रीनवर वाचण्याची सोय आहे. तो कॉर्ड लगेचच तिथल्या तिथे पियानोच्या आवाजात ऐकण्याची सुविधा यात आहे.
स्वर आणि कॉर्डस यात नेहमी गोंधळ उडालेला दिसतो. आणि हे कुणाकडे शिकायला जावं हे ज्याचं त्यानं शिकायचं असं म्हटलं जातं. त्यासाठी हे अॅप नक्की मार्गदर्शक ठरेल असं बोललं जातंय. विनायक दाबके स्वतः वादक, संगीत संयोजक आणि ध्वनी तंत्रज्ञ असून गेली २५ वर्ष या क्षेत्रात ते कार्यरत आहे. आत्तापर्यंत त्यांनी देश-विदेशात ६ हजारांहून अधिक कार्यक्रमांत सहभाग घेतला आहे. संगीत संयोजक म्हणून ५० हून अधिक अल्बम्ससाठी काम आणि १० वर्षे ध्वनिमुद्रक असा त्यांचा सांगीतिक प्रवास आहे.नुकत्याच सुरू झालेल्या या अॅपची कोणत्याही प्रकारे व्यावसायिक जाहिरातबाजी न करता, केवळ ५-६ दिवसांतच देश-विदेशातल्या जवळपास १३०० हून अधिक लोकांनी त्याचा लाभ घेतलाय. सध्या केवळ अँन्ड्रॉईड मोबाइल्सवर उपलब्ध असलेलं हे अॅप लवकरच अॅपल मोबाइल्सवरही उपलब्ध होणार आहे.
संगीताच्या क्षेत्रात नवनवे प्रयोग होताना नेहमी दिसतात. असाच एक वेगळा प्रयत्न केलाय मालाडच्या विनायक दाबके यांनी. त्यांनी ‘Chords and Swar’ या अॅपची निर्मिती केली आहे.
संगीताच्या क्षेत्रात नवनवे प्रयोग होताना नेहमी दिसतात. असाच एक वेगळा प्रयत्न केलाय मालाडच्या विनायक दाबके यांनी. त्यांनी ‘Chords and Swar’ या अॅपची निर्मिती केली आहे. कॉर्डस म्हणजे दोन वा अधिक सुरांचं एकत्रित वादन. भारतीय संगीतात सूरवाद्यांची साथसंगत करताना, विशेषतः हार्मोनियम, सिंथेसायझर आणि गिटार या वाद्यांची संगत करताना कॉर्डस वादनाला खूप महत्व असतं. हाच प्रमुख घटक या अॅपची निर्मिती करताना वापरला आहे. नव्यानं वाद्य वाजवायला शिकणाऱ्यांसाठी हे अॅप उपयुक्त ठरणार आहे. हा प्रकार मूलत: पाश्चात्य संगीत शैलीचा एक भाग आहे. परंतु आता जागतिक संगीताचाही तो एक अविभाज्य घटक बनला आहे. या अॅपची वैशिष्ट्यं म्हणजे १२ पट्टयांमधून कोणतीही एक पट्टी आणि २९ विविध कॉर्डसमधून कोणताही एक कॉर्ड निवडण्याची सुविधा यात आहे. तसंच निवडलेल्या पट्टीमध्ये निवडलेल्या कॉर्डचं पाश्चात्य नाव आणि त्यामधल्या स्वरांची भारतीय शास्त्रीय नावं ही माहिती स्क्रीनवर वाचण्याची सोय आहे. तो कॉर्ड लगेचच तिथल्या तिथे पियानोच्या आवाजात ऐकण्याची सुविधा यात आहे.
स्वर आणि कॉर्डस यात नेहमी गोंधळ उडालेला दिसतो. आणि हे कुणाकडे शिकायला जावं हे ज्याचं त्यानं शिकायचं असं म्हटलं जातं. त्यासाठी हे अॅप नक्की मार्गदर्शक ठरेल असं बोललं जातंय. विनायक दाबके स्वतः वादक, संगीत संयोजक आणि ध्वनी तंत्रज्ञ असून गेली २५ वर्ष या क्षेत्रात ते कार्यरत आहे. आत्तापर्यंत त्यांनी देश-विदेशात ६ हजारांहून अधिक कार्यक्रमांत सहभाग घेतला आहे. संगीत संयोजक म्हणून ५० हून अधिक अल्बम्ससाठी काम आणि १० वर्षे ध्वनिमुद्रक असा त्यांचा सांगीतिक प्रवास आहे.नुकत्याच सुरू झालेल्या या अॅपची कोणत्याही प्रकारे व्यावसायिक जाहिरातबाजी न करता, केवळ ५-६ दिवसांतच देश-विदेशातल्या जवळपास १३०० हून अधिक लोकांनी त्याचा लाभ घेतलाय. सध्या केवळ अँन्ड्रॉईड मोबाइल्सवर उपलब्ध असलेलं हे अॅप लवकरच अॅपल मोबाइल्सवरही उपलब्ध होणार आहे.