Covid Vaccine States Asked To Vaccinate All School Teachers On Priority Before Teachers Day
covid vaccine : शिक्षक दिनापूर्वी शिक्षकांना प्राधान्याने लस द्या, केंद्रीय आरोग्यमंत्र्यांचे राज्यांना आवाहन
केंद्रीय आरोग्यमंत्र्यांनी सर्व राज्यांना आवाहन केलं आहे. शिक्षक दिनापूर्वी सर्व शाळांच्या शिक्षकांचं प्राधान्याने लसीकरण करावं, असं केंद्रीय आरोग्यमंत्री मनसुख मांडवीय यांनी म्हटलं आहे. यासाठी राज्यांना अतिरिक्त २ कोटी डोस उपलब्ध करून दिले जाणार, असल्याचं ते म्हणाले.
महाराष्ट्र टाइम्स.कॉम25 Aug 2021, 2:30 pm
नवी दिल्लीः देशात करोनावरील लसीकरण मोहीम सुरू आहे. आतापर्यंत जवळपास ६० कोटी नागरिकांनी करोनाच्या लसीचे एक किंवा दोन्ही डोस घेतले आहेत. आता केंद्रीय आरोग्य मंत्रालयाने सर्व राज्यांना लसीकरणाबाबत सूचना केली आहे. शिक्षक दिनापूर्वी सर्व शाळांच्या शिक्षकांना प्राधान्याने लस देण्यासाठी प्रयत्न करावं, असं केंद्रीय आरोग्यमंत्री मनसुख मांडवीय यांनी म्हटलं आहे. सरकारच्या यानिर्णयाचं अनेक स्तरातून स्वागत केलं जात आहे.
महाराष्ट्र टाइम्स.कॉमशिक्षक दिनाला शिक्षकांना प्राधान्याने लस द्या, केंद्रीय आरोग्यमंत्र्यांचे राज्यांना आवाहन
केंद्रीय आरोग्यमंत्री मनसुख मांडवीय यांनी करोनावरील लसीकरणाबाबत एक ट्वीट केलं आहे. या महिन्यात प्रत्येक राज्यांना लस उपलब्ध करण्याच्या योजनेअंतर्गत अतिरिक्त २ कोटींहून अधिक करोना लसीचे डोस उपलब्ध करून दिले जाणार आहेत, अशी माहिती मांडवीय यांनी ट्वीट करून दिली.
देशात दरवर्षी ५ सप्टेंबरला देशात शिक्षक दिन साजरा केला जातो. या पार्श्वभूमीवर मांडवीय यांनी ट्वीट करून राज्यांना आवाहन केलं आहे. या वर्षी शिक्षक दिनाला प्राधान्याने सर्व शाळांच्या शिक्षकांचं लसीकरण करण्याचा प्रयत्नन करावं, असं आवाहन मांडवीय यांनी केलं आहे.
देशात जवळपास ६० कोटी नागरिकांचे लसीकरण
देशात ५९ कोटी ५५ लाख, ४ हजार ५९३ नागरिकांनी करोनाची लस घेतली आहे. गेल्या २४ तासांत म्हणजे मंगळवारी संध्याकाळपर्यंत ६१ लाख, ९० हजार ९३० नागरिकांनी करोनाची लस घेतली.
देशात गेल्या २४ तासांत करोनाचे ३७, ५९३ नवीन रुग्ण आढळून आले आहेत. ६४८ जणांचा करोनाने मृत्यू झाला आहे. देशात गेल्या २४ तासांत सर्वाधिक नवीन रुग्ण हे केरळमध्ये आढळले आहेत. केरळमध्ये २४ हजार २९६ नवीन रुग्ण आढळून आले असून १७३ जणांचा मृत्यू झाला आहे.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.