India Will Deploy Anti Drone System At Important Military Bases After Jammu Drone Attack
jammu drone attack : भारत प्रमुख लष्करी तळांवर अँटी ड्रोन यंत्रणा तैनात करणार, जम्मूतील हल्ल्यानंतर सतर्क
जम्मूत हवाई दलाच्या तळावर रविवारी पहाटेच्या सुमारास ड्रोनद्वारे दोन स्फोट घडवण्यात आले. या घटनेनंतर ड्रोन हल्ले परतवून लावण्यासाठी आणि अशा हल्ल्यांना सणसणीत प्रत्युत्तर देणासाठी आणखी तयारी सुरू केली आहे. तसंच सर्व प्रमुख लष्करी तळांवर अँटी ड्रोन यंत्रणा तैनात केली जाणार आहे.
महाराष्ट्र टाइम्स.कॉम30 Jun 2021, 7:19 pm
नवी दिल्लीः भारताने आता प्रमुख लष्करी ठिकाणांवर (anti drone system at important military bases) अँटी ड्रोन सिस्टीम तैनात करण्याचा निर्णय घेतला आहे. ड्रोनद्वारे असलेला हल्ल्याचा धोका लक्षात घेता लवकरच एक योजना राबवण्यात येणार आहे. जम्मूतील हवाई दलाच्या तळावर ड्रोनद्वारे झालेल्या हल्ल्याने ( jammu drone attack ) भारताच्या लष्करी ठिकाणांना किती धोका आहे? हे समोर आले आहे. जम्मू-काश्मीरमध्ये गेल्या तीन दिवसांत तीन वेळा ड्रोन दिसून आले आहेत. हे ड्रोन सिमेपलिकडून नियंत्रण केले जात असल्याचं सांगण्यात येत आहे. यामुळे सीमा भागात अलर्ट जारी करण्यात आला आहे. सर्व महत्त्वाच्या ठिकाणांना तंत्रज्ञानाच्या मदतीने सुरक्षित करण्याचे निर्देश केंद्र सरकारने दिले आहेत.
महाराष्ट्र टाइम्स.कॉमभारत सर्व प्रमुख लष्करी तळांवर अँटी ड्रोन यंत्रणा तैनात करणार, जम्मूतील हल्ल्यानंतर सतर्क
केंद्रीय गृह मंत्रालयाने एक टीम बनवली आहे. यात एनएसजी आणि सीआयएसएफच्या अधिकाऱ्यांचा समावेश आहे. यांनी जम्मूतील हवाई दलाच्या तळाची पाहणी करून काउंटर ड्रोन सिस्टीम उभारण्याचा निर्णय घेतला आहे. आर्टीफिशियल इंटेलिजन्स (Artificial Intelligence) या तंत्रज्ञानाने सुसज्ज असलेल्या ड्रोनचा उपयोग करण्यासाठी लष्कराला परवानगी देण्यात आली आहे. अशा प्रकारी शस्त्र आणि ड्रोन आणि त्यासंबंधीच्या अत्याधुनिक तंत्रज्ञानाची लष्कराला जाण आहे. आगामी काळात अशा प्रकारच्या हल्ल्यांचा धोका वाढू शकतो, असं लेफ्टनंट जनरल डी. पी. पांडे म्हणाले.
पुढील धोके पाहता केंद्र सरकार रणनीतीवर विचार करत आहे. तसंच देशाच्या सुरक्षेला आव्हान देणारे सर्व मुद्दे निर्माण होण्यापूर्वीच ते संपण्यासाठी त्यावर समाधान तोडगा काढला जात आहे. ड्रोन हल्ल्यांना प्रत्युत्तर देण्यासाठी भारत लवकरच लष्करी सामग्री जोडणार आहे. यात रेडिओ फ्रिक्वेन्सी डिटेक्टर, इलेक्ट्रो-ऑप्टिकल आणि इन्फ्रारेड कॅमेरे, रडार, आणि ड्रोन पकण्यासाठी असलेले जाळं, जीपीएस, लेजर आणि आरएफ जॅमर यासारख्या सुविधांचा समावेश आहे. सर्वात आधी उत्तर-पश्चिम ज्यात पंजाब आणि जम्मू-काश्मीर येते हा भाग सुरक्षित केला जाणार आहे. पंतप्रधान मोदींनी सुरक्षेसंबंधी घेतलेल्या आढावा बैठकीत हा निर्णय झाला.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.