आज काश्मिरी नववर्षाचा पहिला दिवस असून हा सण ‘नवरेह’ म्हणून साजरा केला जातो. पण काश्मिरी बांधवांना ‘नवरेह’च्या शुभेच्छा देण्याऐवजी प्रियांका गांधींनी चुकून ‘नवरोज’च्या शुभेच्छा दिल्यामुळे त्या सोशल मीडियावर प्रचंड ट्रोल झाल्या आहेत.
महाराष्ट्र टाइम्स.कॉम6 Apr 2019, 12:58 pm
दिल्ली:
महाराष्ट्र टाइम्स.कॉमPriyanka Gandhi: नवरेहच्या जागी दिल्या नवरोजच्या शुभेच्छा , सोशल मीडियावर ट्रोल
आज काश्मिरी नववर्षाचा पहिला दिवस असून हा सण ‘नवरेह’ म्हणून साजरा केला जातो. पण काश्मिरी बांधवांना ‘नवरेह’च्या शुभेच्छा देण्याऐवजी प्रियांका गांधींनी चुकून ‘नवरोज’च्या शुभेच्छा दिल्यामुळे त्या सोशल मीडियावर प्रचंड ट्रोल झाल्या आहेत.
चैत्र शुक्ल प्रतिपदेचा दिवस अत्यंत मंगलमय मानला जातो. देशातील अनेक राज्यांमध्ये हा सण नववर्षाचा पहिला दिवस म्हणून साजरा केला जातो. दक्षिण भारतात उगाधी, महाराष्ट्र- गोव्यात गुढी पाडवा तर उत्तर भारतात चैत्र नवरात्रीचा पहिला दिवस म्हणून हा सण साजरा होतो. हा दिवस काश्मिरी नववर्षाचाही पहिला दिवस असून काश्मिरी पंडीत त्याला नवरेह म्हणून साजरा करतात. यानिमित्त अनेक नेत्यांनी,कलाकारांनी काश्मिरी बांधवांना ट्विटरच्या माध्यमातून या सणाच्या शुभेच्छा दिल्या आहेत.
काश्मिरी पंडीत कुटुंबात जन्मलेल्या प्रियांका गांधींनीही या सणाच्या शुभेच्छा दिल्या आहेत. पण शुभेच्छा देताना ट्विटरवर नवरेहचा उल्लेख त्यांनी चुकून नवरोज असा केला. नवरोझ हा पारसी नववर्षाचा सण असून इराणमध्ये आजही मोठ्या प्रमाणात साजरा होतो. ‘माझ्या काश्मिरी बंधू भगिनींना नवरोजच्या हार्दिक शुभेच्छा. माझ्या आईने (नवरेहसाठी) थाळी बनवायला विसरू नकोस असं बजावलं असतानाही प्रचाराच्या धामधुमीत मी थाळी बनवायला विसरले. पण काल संध्याकाळी मी घरी आले तेव्हा माझी थाळी तयार होती. खरंच आई किती प्रेमळ असते ना? ‘ असं ट्विट प्रियांका गांधींनी केलं आहे.
या ट्विटमुळे नेटिझन्सनी त्यांची खिल्ली उडवली आहे. काही जणांनी नवरोज आणि नवरेहमधील फरक कळत नाही का? असा प्रश्न विचारला आहे. तर काहींनी नवरोज एका महिन्यापूर्वीच होऊन गेला अशी आठवण गांधींना करून दिली आहे. अनेकांनी प्रियांका गांधींच्या अज्ञानावर प्रश्नचिन्ह उपस्थित केलं आहे.
दरम्यान पंतप्रधान नरेंद्र मोदींनीही नवरेहच्या शुभेच्छा दिल्या असून काश्मिरी संस्कृतीचे कौतुक केलं आहे. यावर्षी सर्वांच्या इच्छा पूर्ण होवोत अशी आशाही त्यांनी व्यक्त केली आहे.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.