Shatrughan Sinha Targeted Modi Jaitley And Smriti Said The Challenge For Bjp In Gujarat Elections
शत्रुघ्न सिन्हांचा मोदींवर हल्लाबोल
भाजपचे खासदार, अभिनेते शत्रुघ्न सिन्हा यांनी पुन्हा एकदा भाजपवर निशाना साधला आहे. 'एक वकील अर्थव्यवस्थेवर बोलू शकतो. एक टीव्ही अभिनेत्री मनुष्यबळ विकास मंत्री बनू शकते आणि एक चहावाला पंतप्रधान बनू शकतो, तर मी अर्थव्यवस्थेवर का बोलू शकत नाही?' असा बोचरा सवाल सिन्हा यांनी केला आहे.
Maharashtra Times2 Nov 2017, 3:14 pm
मटा ऑनलाइन वृत्त । नवी दिल्ली
महाराष्ट्र टाइम्स.कॉमशत्रुघ्न सिन्हांचा मोदींवर हल्लाबोल
भाजपचे खासदार, अभिनेते शत्रुघ्न सिन्हा यांनी पुन्हा एकदा भाजपवर निशाना साधला आहे. 'एक वकील अर्थव्यवस्थेवर बोलू शकतो. एक टीव्ही अभिनेत्री मनुष्यबळ विकास मंत्री बनू शकते आणि एक चहावाला पंतप्रधान बनू शकतो, तर मी अर्थव्यवस्थेवर का बोलू शकत नाही?' असा बोचरा सवाल सिन्हा यांनी केला आहे. 'मी भाजपवर टीका करत नाही. तर राष्ट्रहिताच्या दृष्टीने भाजपला आरसा दाखवतोय', असा टोलाही त्यांनी हाणला.
काँग्रेस नेते मनीष तिवारी यांच्या एका पुस्तकावरील परिसंवादात भाग घेतना ते बोलत होते. यावेळी कोणत्याही नेत्याचं नाव न घेता भाजपवर जोरदार हल्ला चढवला. ते म्हणाले, जीएसटी, नोटाबंदी आणि बेरोजगारीच्या मुद्द्यावरून लोकांमध्ये प्रचंड रोष आहे. गुजरातमध्ये भाजपला नेमक्या किती जागा मिळतील हे मला सांगायचे नाही, पण भाजपसाठी ही निवडणूक आव्हान ठरणार आहे, एवढं मात्र निश्चित. एकसंध राहूनच भाजप जागा वाढवू शकतो. त्यांनी ही निवडणूक सहज घेऊ नये.'
तुम्ही इतर कोणत्या पक्षात जाणार आहात का? असा सवाल करण्यात आला. तेव्हा त्यांनी त्यांच्या खास शैलीत 'खामोश' असं म्हणत हा प्रश्न टोलवून लावला. देश चालविण्यासाठी माजी पंतप्रधान मनमोहन सिंग यांच्यासारख्या तज्ज्ञांचा सल्ला घ्यायला हवा, असा सल्लाही त्यांनी पंतप्रधान नरेंद्र मोदी यांना नाव न घेता दिला. एका बड्या नेत्यानं मला फोन करून तुम्ही जीएसटी आणि नोटाबंदीच्या मुद्द्यावर विरोधकांसारखी भाषा का बोलत आहात? अशी विचारणा केल्याचं त्यांनी यावेळी सांगितलं. मात्र, या नेत्याला आपण केवळ राष्ट्रहितासाठीच तसं बोलत असल्याचं सांगितल्याचं ते म्हणाले.
आडवाणींनी इतरांचं करिअर घडवलं
भाजपचे ज्येष्ठ नेते लालकृष्ण अडवाणी हे देशासाठी आशेचा किरण असल्याचं त्यांनी सांगितलं. अडवाणींना कोणतंही पद दिलं गेलं नाही. त्यांची भूमिका मर्यादित केली गेली. त्यांना राष्ट्रपती बनवणं तर लांबच, पण मंत्रीही बनवलं नाही. त्यांनी अनेकांचं करिअर घडवलं आणि वाचवलं. त्यानंतरही त्यांना अशा अवस्थेत ठेवण्यात आलंय, याबद्दल त्यांनी खंत व्यक्त केली.
सोनिया, पवारांचा आदर
विरोधी पक्षातील नेत्यांची त्यांनी तोंडभरून स्तुती केली. 'काँग्रेसमध्ये अनेक प्रतिभावंत नेते आहेत, असं सांगतानाच, काँग्रेस अध्यक्षा सोनिया गांधी, उपाध्यक्ष राहुल गांधी आणि राष्ट्रवादी काँग्रेसचे अध्यक्ष शरद पवार यांच्याबद्दल मला आदर आहे,' असं ते म्हणाले.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.