नोएडा: आईच्या मृत्यूनंतर तिला जीवंत दाखवून २८५ कोटींची संपत्ती हडप केल्याचा धक्कादायक प्रकार उघडकीस आला आहे. याप्रकरणी कोर्टाच्या आदेशानंतर पोलिसांना तात्काळ गुन्हा दाखल करत आरोपीला त्याच्या पत्नी आणि मुलासह मुंबईतून अटक केली आहे.
सुनील गुप्ता असं या आरोपीचं नाव आहे. त्यांची मेणबत्ती बनविण्याची कंपनी असून नोएडा आणि मुंबईत त्याच्या शाखा आहे. सुनील आणि त्याचा भाऊ विजय गुप्ता दोघेही या कंपनीत संचालक पदावर आहेत. याच कंपनीत त्यांचे वडील केपी गुप्ता आणि आई कमलेश राणी गुप्ता या सुद्धा संचालक मंडळावर होत्या. मृत्यूपूर्वी कमलेश राणी यांनी सुनील आणि विजय यांच्या नावावर प्रत्येकी ४८.१७ टक्के प्रॉपर्टी केली होती. आईच्या मृत्यूनंतर विजयने सुनीलला कंपनीच्या बँक खात्याचं ज्वाईंट अकाऊंट उघडायला सांगितलं होतं. मात्र सुनील त्याला टाळाटाळ करत होता, असं पोलिसांनी सांगितलं.
१४ मार्च २०११ रोजी आईच्या मृत्यूनंतर सुनीलने बँक बॅलन्स, दागदागिने आणि वडिलोपर्जित मालमत्ता पत्नी राधा आणि मुलाच्या नावावर केली. त्यासाठी त्याने आई जीवंत असल्याचं प्रतिज्ञापत्र देऊन खोटे मृत्यूपत्र तयार केल्याचं विजयने पोलिसांना दिलेल्या तक्रारीत म्हटलं आहे. धक्कादायक बाब म्हणजे या मृत्यूपत्रात सुनीलने ज्या दोन लोकांना साक्षीदार बनविले आहे, ते दोघेही सुनीलच्या आईच्या अंतिम संस्काराला उपस्थित होते. हे प्रतिज्ञापत्र नोंदणी कार्यालयात जमा करण्यापूर्वीच एक आठवड्याआधी त्याच्या आईचा मृत्यू झाला होता. मात्र आईला जीवंत दाखवून त्याने २८५ कोटी रुपयांची संपत्ती हडपण्याचा प्रयत्न केला.
हा प्रकार कळल्यानंतर त्याला विरोध केला असता सुनीलने २२ ऑक्टोबर रोजी नोएडा येथील ऑफिसमध्ये काही गुंड पाठवून मला धमकावण्याचा प्रयत्न केला. या गुंडांनी मला मारहाण करत शिवीगाळ केली आणि जीवे मारण्याची धमकी दिली. त्यामुळेच सुनीलसह त्याची पत्नी आणि मुलांवर २८५ कोटी रुपयांची संपत्ती हडपल्याचा गुन्हा दाखल करावा लागल्याचं विजय यांनी सांगितलं. दरम्यान, कोर्टाच्या आदेशानंतर याप्रकरणी पोलिसांनी गुन्हा दाखल केला आहे. त्यानंतर सुनील गुप्ता आणि त्याची पत्नी राधा व मुलगा अभिषेक यांना अटक करण्यात आली आहे.
सुनील गुप्ता असं या आरोपीचं नाव आहे. त्यांची मेणबत्ती बनविण्याची कंपनी असून नोएडा आणि मुंबईत त्याच्या शाखा आहे. सुनील आणि त्याचा भाऊ विजय गुप्ता दोघेही या कंपनीत संचालक पदावर आहेत. याच कंपनीत त्यांचे वडील केपी गुप्ता आणि आई कमलेश राणी गुप्ता या सुद्धा संचालक मंडळावर होत्या. मृत्यूपूर्वी कमलेश राणी यांनी सुनील आणि विजय यांच्या नावावर प्रत्येकी ४८.१७ टक्के प्रॉपर्टी केली होती. आईच्या मृत्यूनंतर विजयने सुनीलला कंपनीच्या बँक खात्याचं ज्वाईंट अकाऊंट उघडायला सांगितलं होतं. मात्र सुनील त्याला टाळाटाळ करत होता, असं पोलिसांनी सांगितलं.
१४ मार्च २०११ रोजी आईच्या मृत्यूनंतर सुनीलने बँक बॅलन्स, दागदागिने आणि वडिलोपर्जित मालमत्ता पत्नी राधा आणि मुलाच्या नावावर केली. त्यासाठी त्याने आई जीवंत असल्याचं प्रतिज्ञापत्र देऊन खोटे मृत्यूपत्र तयार केल्याचं विजयने पोलिसांना दिलेल्या तक्रारीत म्हटलं आहे. धक्कादायक बाब म्हणजे या मृत्यूपत्रात सुनीलने ज्या दोन लोकांना साक्षीदार बनविले आहे, ते दोघेही सुनीलच्या आईच्या अंतिम संस्काराला उपस्थित होते. हे प्रतिज्ञापत्र नोंदणी कार्यालयात जमा करण्यापूर्वीच एक आठवड्याआधी त्याच्या आईचा मृत्यू झाला होता. मात्र आईला जीवंत दाखवून त्याने २८५ कोटी रुपयांची संपत्ती हडपण्याचा प्रयत्न केला.
हा प्रकार कळल्यानंतर त्याला विरोध केला असता सुनीलने २२ ऑक्टोबर रोजी नोएडा येथील ऑफिसमध्ये काही गुंड पाठवून मला धमकावण्याचा प्रयत्न केला. या गुंडांनी मला मारहाण करत शिवीगाळ केली आणि जीवे मारण्याची धमकी दिली. त्यामुळेच सुनीलसह त्याची पत्नी आणि मुलांवर २८५ कोटी रुपयांची संपत्ती हडपल्याचा गुन्हा दाखल करावा लागल्याचं विजय यांनी सांगितलं. दरम्यान, कोर्टाच्या आदेशानंतर याप्रकरणी पोलिसांनी गुन्हा दाखल केला आहे. त्यानंतर सुनील गुप्ता आणि त्याची पत्नी राधा व मुलगा अभिषेक यांना अटक करण्यात आली आहे.