वॉशिंग्टन : अमेरिकेचे नवनिर्वाचित अध्यक्ष जो बायडन आधापासूनच भारत-अमेरिकेच्या सौहार्दपूर्ण संबंधांचे पुरस्कर्ते असून, आतादेखील त्यांचे सरकार उभय देशातील द्विपक्षीय संबंधांमध्ये सुरक्षा आणि संरक्षणाच्या मुद्द्यास प्राधान्य देईल, असे मत ओबामा सरकारच्या कार्यकाळात काम केलेल्या वरिष्ठ अधिकारी एलिसा आयरस यांनी सांगितले.
आयरस परराष्ट्र संबंध परिषदेत (सीएफआर) भारत, अमेरिका आणि दक्षिण आशियासाठी वरिष्ठ अधिकारी म्हणून काम करीत आहेत. त्यांनी सांगितले, की बायडन भारताबरोबरच्या परस्परसंबंधांत सुरक्षा व संरक्षणास प्राधान्य देतील. ट्रम्प यांच्या कार्यकाळातदेखील या क्षेत्रात काम झाले आहे. आयरस यांनी 'अवर टाइम हॅज कम : हाउ इंडिया इज मेकिंग इट्स प्लेस इन द वर्ल्ड,' या पुस्तकाचे लेखनदेखील केले आहे. त्या म्हणाल्या, 'करोनाचा सामना करण्यासाठी आणि त्यामुळे जागस्तिक स्तरावर निर्माण झालेल्या अडचणी दूर करण्यासाठी बायडन भारतासोबतचे परस्परसंबंध टिकवून ठेवण्यावर निश्चित भर देतील.
वाचा: बायडन इन अॅक्शन; सुरक्षेच्या मुद्यावर काम करण्यास सुरुवात
वाचा: लडाख तणाव: सैन्य माघारीबाबत आता चीनने घेतला 'हा' पवित्रा
पाकिस्तानबाबत कठोर भूमिका
अमेरिका पाकिस्तानला दहशतवादाशी संबंधित सर्व मुद्द्यांवर कारवाई करण्याच्या कठोर सूचना देऊन त्याबाबत आग्रही भूमिका घेऊ शकते; तसेच अफगाणिस्तानमध्ये शांततापूर्ण वातावरण निर्माण करण्यासाठीही पाकिस्तानला अमेरिकेची साथ द्यावी लागेल, असा अंदाज अमेरिकेतील पाकिस्तानचे माजी वरिष्ठ राजनैतिक अधिकारी हुसेन हक्कानी यांनी व्यक्त केला आहे. 'सुरक्षा साह्य निधीसाठीदेखील बायडन सरकार पाकिस्तानला आर्थिक मदत करणार नाही,' असेही त्यांनी सांगितले. अध्यक्षपदी जो बायडन यांची निवड झाल्याच्या पार्श्वभूमीवर हक्कानी यांनी ही शक्यता वर्तविली आहे.
वाचा: अमेरिकेच्या राष्ट्राध्यक्षपदी बायडन; 'असे' असेल परराष्ट्र धोरण?
विविध देशांच्या नेत्यांशी बायडन यांची चर्चा
अमेरिकेचे नवनिर्वाचित अध्यक्ष जो बायडन यांनी ऑस्ट्रेलिया, जपान आणि दक्षिण कोरियाच्या नेत्यांशी दूरध्वनीद्वारे संवाद साधला असून, हिंद-प्रशांत महासागर क्षेत्राची सुरक्षा व समृद्धी याबाबत चर्चादेखील केली. ऑस्ट्रेलियाचे पंतप्रधान स्कॉट मॉरिसन, जपानचे पंतप्रधान योशिहिदे सुगा आणि दक्षिण कोरियाचे अध्यक्ष मून जे-इन यांच्याशी बायडन यांनी बुधवारी चर्चा केली. संबंधित सर्वांनी बायडन यांचे अभिनंदन करण्यासाठी त्यांना दूरध्वनी केला होता. या वेळी बायडन यांनी त्यांच्याशी चर्चा केली.
आयरस परराष्ट्र संबंध परिषदेत (सीएफआर) भारत, अमेरिका आणि दक्षिण आशियासाठी वरिष्ठ अधिकारी म्हणून काम करीत आहेत. त्यांनी सांगितले, की बायडन भारताबरोबरच्या परस्परसंबंधांत सुरक्षा व संरक्षणास प्राधान्य देतील. ट्रम्प यांच्या कार्यकाळातदेखील या क्षेत्रात काम झाले आहे. आयरस यांनी 'अवर टाइम हॅज कम : हाउ इंडिया इज मेकिंग इट्स प्लेस इन द वर्ल्ड,' या पुस्तकाचे लेखनदेखील केले आहे. त्या म्हणाल्या, 'करोनाचा सामना करण्यासाठी आणि त्यामुळे जागस्तिक स्तरावर निर्माण झालेल्या अडचणी दूर करण्यासाठी बायडन भारतासोबतचे परस्परसंबंध टिकवून ठेवण्यावर निश्चित भर देतील.
वाचा: बायडन इन अॅक्शन; सुरक्षेच्या मुद्यावर काम करण्यास सुरुवात
वाचा: लडाख तणाव: सैन्य माघारीबाबत आता चीनने घेतला 'हा' पवित्रा
पाकिस्तानबाबत कठोर भूमिका
अमेरिका पाकिस्तानला दहशतवादाशी संबंधित सर्व मुद्द्यांवर कारवाई करण्याच्या कठोर सूचना देऊन त्याबाबत आग्रही भूमिका घेऊ शकते; तसेच अफगाणिस्तानमध्ये शांततापूर्ण वातावरण निर्माण करण्यासाठीही पाकिस्तानला अमेरिकेची साथ द्यावी लागेल, असा अंदाज अमेरिकेतील पाकिस्तानचे माजी वरिष्ठ राजनैतिक अधिकारी हुसेन हक्कानी यांनी व्यक्त केला आहे. 'सुरक्षा साह्य निधीसाठीदेखील बायडन सरकार पाकिस्तानला आर्थिक मदत करणार नाही,' असेही त्यांनी सांगितले. अध्यक्षपदी जो बायडन यांची निवड झाल्याच्या पार्श्वभूमीवर हक्कानी यांनी ही शक्यता वर्तविली आहे.
वाचा: अमेरिकेच्या राष्ट्राध्यक्षपदी बायडन; 'असे' असेल परराष्ट्र धोरण?
विविध देशांच्या नेत्यांशी बायडन यांची चर्चा
अमेरिकेचे नवनिर्वाचित अध्यक्ष जो बायडन यांनी ऑस्ट्रेलिया, जपान आणि दक्षिण कोरियाच्या नेत्यांशी दूरध्वनीद्वारे संवाद साधला असून, हिंद-प्रशांत महासागर क्षेत्राची सुरक्षा व समृद्धी याबाबत चर्चादेखील केली. ऑस्ट्रेलियाचे पंतप्रधान स्कॉट मॉरिसन, जपानचे पंतप्रधान योशिहिदे सुगा आणि दक्षिण कोरियाचे अध्यक्ष मून जे-इन यांच्याशी बायडन यांनी बुधवारी चर्चा केली. संबंधित सर्वांनी बायडन यांचे अभिनंदन करण्यासाठी त्यांना दूरध्वनी केला होता. या वेळी बायडन यांनी त्यांच्याशी चर्चा केली.