![according to ncbi study eating tomatoes can help reduce blood pressure and prevent the risk of heart attack and stroke according to ncbi study eating tomatoes can help reduce blood pressure and prevent the risk of heart attack and stroke](https://marathi.indiatimes.com/thumb/106994176/according-to-ncbi-study-eating-tomatoes-can-help-reduce-blood-pressure-and-prevent-the-risk-of-heart-attack-and-stroke-106994176.jpg?imgsize=992821&width=380&height=214&resizemode=75)
रक्तदाब कसा वाढतो किंवा कमी होतो? तर यासाठी सर्वप्रथम रक्तदाब म्हणजे काय ते समजून घ्या. तुमच्या नसांमध्ये वाहणारी रक्ताची शक्ती म्हणजे रक्तदाब होय. जेव्हा रक्तवाहिन्यांच्या आत रक्तदाब वाढतो तेव्हा हृदयाला पंपिंगमध्ये अधिक मेहनत करावी लागते. पण घाबरण्याची गरज नाही, कारण आहारात बदल करून त्यावर नियंत्रण ठेवता येते.
टोमॅटोने कमी होईल उच्च रक्तदाब
NCBI वर उपलब्ध अभ्यास असा दावा करतो की, टोमॅटो खाल्ल्याने रक्तदाब कमी होतो. या फूडमध्ये लाइकोपीन सोबत व्हिटॅमिन सी, पोटॅशियम, फोलेट इत्यादी असते त्यामुळे त्याचा रंग लाल असतो. हे लाइकोपीन हृदयासाठी खूप चांगले आहे आणि बीपीच्या रुग्णांना त्याचा फायदा होतो.
हृदय विकार असणाऱ्यांसाठी लाभदायक
पोटॅशियम, फोलेट, व्हिटॅमिन सी इत्यादी पोषक घटक हृदयाचे आरोग्य सुधारतात. टोमॅटोमध्ये असलेले अँटी-ऑक्सिडंट सेल्युलर नुकसानापासून संरक्षण करतात आणि तीव्र हृदयरोगाचा धोका कमी करतात. म्हणूनच हृदयरोग्यांनी समतोल आहारात टोमॅटो खावेत.
कोणतीही लक्षणे नाहीत
सेंटर फॉर डिसीज कंट्रोल अँड प्रिव्हेंशननुसार, उच्च रक्तदाबाची कोणतीही विशिष्ट लक्षणे नाहीत. म्हणूनच त्याला सायलेंट किलर म्हणतात. हा आजार आहे की नाही हे जाणून घेण्यासाठी तुम्हाला बीपी मोजावा लागेल. उच्च बीपीमध्ये लोकांना अस्वस्थता आणि घाम येणे यासारख्या समस्या नक्कीच दिसतात.
स्वत::ला लावा या सवयी
- वजन नियंत्रित करा
- नियमित व्यायाम करा
- मीठ आणि मांस यांचे सेवन कमी करा
- दारू आणि धूम्रपानापासून दूर राहा
- ताजी फळे आणि भाज्या खा
- तणाव आणि राग नियंत्रणात ठेवा