- नाव - प्राची जलानी
- प्रोफेशन - मार्केटिंग स्पेशलिस्ट
- वय - 26 वर्षे
- शहर - वडोदरा, गुजरात
- वाढलेले वजन - 90 किलो
- कमी केलेले वजन - 32 किलो
- वजन कमी करण्यासाठी लागलेला वेळ - 11 महिने
अशी झाली वेट लॉस जर्नीची सुरूवात
प्राची सांगते की तिला PCOS चा त्रास होता ज्याचा तिच्या आरोग्यावर खूप वाईट परिणाम होत होता. यानंतर तिला कोरोना काळात लागू करण्यात आलेल्या लॉकडाऊनमध्ये लक्षात आलं की तिचं वजन प्रमाणाबाहेर वाढलं आहे. ती सांगते की अति खाण्यापिण्यामुळे आणि कोणत्याही शारीरिक हालचाली न केल्यामुळे वजन वाढत होते. तिला तिचे आवडते कपडेही घालता येत नव्हते. ती बिघडलेल्या बॉडी शेपमुळे अजिबात खुश नव्हती. यानंतर तिने वजन कमी करण्याचा निर्णय घेतला. ती म्हणते की ते खूप कठीण होते यात शंका नाही पण ती तिचं ध्येय गाठण्यासाठी खूप फोकस आणि पॅशनेट होती.
असा होता प्राचीचा डाएट प्लान
प्राचीच्या म्हणण्यानुसार, तिने आपल्या खाण्यापिण्याच्या सवयींमध्ये काही खास बदल केले. तेही असे बदल जे ती बराच काळ फॉलो करू शकेल. यामध्ये तिने फॅड डाएटचा अजिबात अवलंब केला नाही. त्याऐवजी तिने स्वतःसाठी कस्टमाइज्ड डाएट तयार केला.
- नाश्ता -
ती दररोज अंडी खायची, त्यात ती कधी उकडलेले अंडे तर कधी ऑम्लेट बनवून खायची. याशिवाय कॉम्प्लेक्स कार्बोहायड्रेट असलेले पदार्थ, तसेच काही आरोग्यदायी स्निग्ध पदार्थ जसे की तूप, चीज, लोणी इत्यादी खात असे. याशिवाय ती नारळपाणी किंवा कलिंगडाचा ज्यूस पित असे.
- दुपारचे जेवण -
बाजरी, ज्वारी किंवा मिश्र धान्यांपासून बनवलेल्या चपात्या खात असे. यासोबत ती विविध भाज्या व सॅलेड खात असे. याशिवाय ती आतड्यातील चांगले बॅक्टेरिया वाढवण्यासाठी आणि पचनक्रिया सुधारण्यासाठी ताक किंवा दह्याचे सेवन करत असे.
- रात्रीचे जेवण -
प्रोटीनची गरज पूर्ण करण्यासाठी ती रात्री डाळी आणि ग्रेनचं सेवन करत असे. याशिवाय तिचे लक्ष जेवणाचे प्रमाण कमी न करता योग्य जेवण खाण्यावर होते. या मंत्रानेच प्राचीला वजन कमी करण्यात मदत केली.
- पोस्ट डिनर -
जर तिला गोड खाण्याची इच्छा झाली तर ती घरी तयार केलेले चॉकलेट कोटेड शुगर फ्री डेट बॉल्स खात असे
वर्कआउट मील
- प्री वर्कआऊट मील - ती घरीच व्यायाम करत असे. व्यायामापूर्वी ती काहीही खात नसे.
- वर्कआऊटनंतरचे मील - शरीराला प्रोटीनची पूर्तता व्हावी आणि स्नायू बनावेत यासाठी ती वर्कआउटनंतर 2 अंडी खात असे.
- चीट डे - आपल्या वेट लॉस जर्नी दरम्यान तिला वाटलेच नाही की तिला चीट डे ची गरज आहे. या काळात तिला जंक फूड खाण्याची इच्छा झाली तरी ती नाचणीच्या पिठाचा पिझ्झा किंवा कमी कॅलरीज आइस्क्रीम बनवून खात असे.
- लो कॅलरीयुक्त पाककृती - दाल चिला, बेरीज, स्मूदी बाऊल, नाचणी डोसा, नारळाची चटणी, अंडी, हिरव्या भाज्या आणि डाळ इत्यादी.
वर्कआउट
प्राची सांगते की सुरुवातीला काही काळ ती फक्त योग्य खाण्यापिण्यावर आणि चांगल्या सवयी फॉलो करण्यावरच ठाम राहिली. पण काही वेळाने तिने 20 मिनिटे व्यायाम सुरू केला. यामध्ये ती हाई इंटेंसिटी एक्सरसाइज करत असे. वर्कआऊट केल्याने केवळ वजनच कमी होत नाही तर उलट तणावातून मुक्त होण्यासही मदत मिळते असे तिचे म्हणणे आहे.
फिटनेस सीक्रेट
प्राचीच्या मते, शाश्वत आणि निरोगी जीवनशैली फॉलो करत राहणे हाच स्वतःला तंदुरुस्त ठेवण्याचा आणि वजन कमी करण्याचा एकमेव मार्ग आहे. त्याचवेळी ती मानते की प्रत्येक व्यक्तीचे आरोग्य आणि शरीर वेगवेगळे असते. अशा परिस्थितीत शरीराची मागणी समजून घेणे आवश्यक आहे. म्हणूनच प्राची म्हणते की सर्वप्रथम आपल्या शरीराचे ऐका आणि मगच तुमचे वेटलॉसचे ध्येय ठरवा.
जीवनशैलीमध्ये केले हे बदल
वजन कमी करण्यासाठी तिने कोणताही फॅड डाएट फॉलो केला नसल्याचे प्राचीने सांगितले. त्याऐवजी तिने एक अशा जीवनशैलीचा प्लान तयार केला जो ती दीर्घकाळ फॉलो करू शकते. यामध्ये तिने रिफाइंड फूड आणि प्रोसेस्ड फूडला पूर्णपणे बाय बाय म्हटले. तसेच घरच्या जेवणाला प्राधान्य दिले. याशिवाय तिचे म्हणणे आहे की अन्नाच्या प्रमाणावर नाही तर हेल्दी खाण्यावर भर द्यावा.
Note – वर सांगितलेला अनुभव हा तुमच्यासाठी सुद्धा लाभदायक असेलच असे नाही. त्यामुळे वरील टिप्स जशाच्या तशा फॉलो न करता तज्ज्ञ व जाणकारांचा सल्ला घ्या आणि तुमच्या शारीरिक स्थितीनुसार योग्य डाएट आणि वर्कआउट प्लान तयार करूनच वजन कमी करण्याचा प्रवास सुरु करा.