या लेखाद्वारे केसांच्या वाढीसाठी पूर्णतः नैसर्गिक (Home Remedies For Hair Growth) आणि प्रभावी असलेल्या उपायाबाबत आपण माहिती जाणून घेणार आहोत. या नैसर्गिक उपचारामुळे तुम्हाला आपल्या केसांमध्ये सकारात्मक बदल अनुभवायला मिळतील. शिवाय केस मजबूत आणि चमकदार सुद्धा होतील.
(लांबसडक केस मिळवण्यासाठी आठवड्यातून दोनदा नक्की करा हे काम, जाणून घ्या नैसर्गिक उपाय)
तेल तयार करण्यासाठी लागणारी सामग्री
केसांच्या वाढीसाठी घरच्या घरी तेल तयार करण्यासाठी आपल्याला तीन नैसर्गिक सामग्री आवश्यक आहेत. या तिन्ही सामग्री तुम्हाला आपल्या घरामध्ये सहजरित्या आढळतात.
- कांदा
- नारळाचे तेल
- कोरफड जेल
या सामग्री एकत्रित करून आपल्याला केसांसाठी तेल तयार करायचे आहे. ज्याद्वारे आपल्या केसांना पोषण तत्त्वांचा पुरवठा होईल आणि केसांची वाढ होण्यासही मदत मिळेल.
(केसांची वाढ लवकरात लवकर व्हावी, अशी इच्छा आहे? मग करा ‘व्हिटॅमिन ई’युक्त हे उपाय)सर्वप्रथम कांद्याचा रस काढा
हेअर ग्रोथ ऑइल तयार करण्यासाठी सर्वप्रथम कांदा सोला आणि किसून घ्या. हवे असल्यास आपण मिक्सरच्या भांड्यामध्येही कांदा वाटून रस काढू शकता. अथवा शक्य असल्यास ज्युसरचाही उपयोग करू शकता. तुम्हाला सोपी वाटणारी पद्धत निवडावी.
(श्रद्धा कपूरची त्वचा आहे प्रचंड संवेदनशील, रॅशेज व निस्तेजपणा दूर करण्यासाठी करते हे काम)
कोरफड
- तुमच्या घरामध्ये कोरफडीचे रोपटे असल्यास उत्तम अथवा बाजारातून कोरफड विकत घ्या. कोरफडीच्या गराचे मध्यम आकाराचे तुकडे कापून घ्या. जेणेकरून यातील पोषण तत्त्व सहजरित्या तेलामध्ये मिक्स होतील. आपल्या आवश्यकतेनुसार सर्व सामग्रींचे प्रमाण ठरवावे. केवळ दोन आठवडे पुरेल एवढंच तेल तयार करावे.
- यानंतर एका भांड्यामध्ये नारळाचे तेल घ्या आणि गरम करत ठेवा. कोरफडीचे गर नारळाच्या तेलामध्ये योग्य पद्धतीने शिजतील एवढ्या प्रमाणात तेल घ्यावे. पाच मिनिटे तेल गरम करा. यानंतर गॅस बंद करून तेल थंड होण्यास ठेवून द्यावे.
(त्वचा व केसही दिसतील चमकदार, सौंदर्य खुलवण्यासाठी जाणून घ्या हा नैसर्गिक उपाय)
कांद्याचा रस मिक्स करा
- थंड झालेले तेल गाळून घ्या आणि स्प्रे बॉटलमध्ये भरा. आता या तेलामध्ये कांद्याचा रस मिक्स करा. दोन्ही सामग्री नीट एकजीव होण्यासाठी बॉटल हलवा.
- केसांच्या वाढीसाठी घरगुती नैसर्गिक तेल तयार झाले आहे.
- आठवड्यातून दोनदा या तेलाने केसांचा मसाज करावा. ३० ते ४० मिनिटांनंतर हर्बल शॅम्पूने केस स्वच्छ धुऊन घ्यावेत.
(आलिया भट या आयुर्वेदिक नियमांचं करते अनुसरण, चिरतरुण व फिट राहण्यासाठी तुम्हीही फॉलो करा टिप्स)
केस सुकवण्याची योग्य पद्धत
- केस धुतल्यानंतर ते नैसर्गिक स्वरुपातच सुकवणे केसांच्या आरोग्यासाठी लाभदायक असते. हेअर ड्रायरचा उपयोग करणं टाळा. कारण यामुळे केसांचे नुकसान अधिक होते. तसंच तेलाद्वारे केसांना मिळालेल्या पोषण तत्त्वांवरही ड्रायरच्या हीटमुळे वाईट परिणाम होतात. हे नुकसान टाळण्यासाठी केस नैसर्गिक स्वरुपातच सुकवावेत.
- उन्हाळ्यामध्ये या तेलाचा आठवड्यातून तिनदा उपयोग करावा. कारण हिवाळ्याच्या तुलनेत लोक उन्हाळ्यामध्ये सर्वाधिक वेळा हेअर वॉश करतात.
- केसांशी संबंधित समस्या दूर करण्यासाठी हा नैसर्गिक उपाय निमयित करावा.
NOTE केसांशी संबंधित कोणतेही उपाय करण्यापूर्वी आपल्या ओळखीच्या डॉक्टरांचा सल्ला घेणे आवश्यक आहे. तसंच दुसऱ्या व्यक्तीचे हेअर केअर रुटीन फॉलो करण्याची चूक करू नये.