लातूर
लातूर-नांदेड मार्गावर आज पहाटे चार वाजण्याच्या सुमारास क्रूझरला झालेल्या भीषण अपघातात ७ जण ठार, तर १३ जण जखमी झाले आहेत. जखमींना लातूरच्या वैद्यकीय महाविद्यालयाच्या रुग्णालयात दाखल करण्यात आलं आहे.
लातूर रोड रेल्वे स्थानकाहून प्रवाशांना घेऊन एक क्रूझर लातूरला निघाली होती. या गाडीत चालकासह दहाजण होते. कोळपा गावाजवळील एका पुलाच्या कडेला उभ्या असलेल्या आयशर टेम्पोला या क्रूझरनं समोरून धडक दिली. आयशरला धडकल्यानंतर ही क्रूझर समोरून येत असलेल्या दुसऱ्या क्रूझरलाही धडकली. या विचित्र अपघातात लातूर रोडहून येणाऱ्या क्रूझरचा अक्षरश: चक्काचूर झाला. त्यातील सात प्रवासी जागीच ठार झाले तर, चार जखमी झाले. दुसऱ्या क्रूझरमधील नऊ जण जखमी झाले आहेत. जखमींवर सर्वोपचार रूग्णालयात उपचार सुरू आहेत.
अपघातातील मृतांची नावे पुढीलप्रमाणे आहेत. विजय तुकाराम पांदे (वय ३०, रा. दापूर, ता. सिन्नर, जि. नाशिक), तुकाराम ज्ञानोबा दळवे (वय ३५, रा. दापेगाव, ता. औसा), उमाकांत सोपान कासले (वय ४०), मीना उमाकांत कासले (वय ४०, दोघेही रा. रेणापूर नाका, लातूर), शुभम शरद शिंदे (वय २४, रा. बेलपिंपळगाव, ता. जि. अहमदनगर), मनोज चंद्रकांत शिंदे (वय २५, रा. वैशालीनगर, बाभळगाव) व दत्तू बळीराम शिंदे (वय ३५, रा. हिंपळनरी, ता. मुखेड, जि. नांदेड)
लातूर-नांदेड मार्गावर आज पहाटे चार वाजण्याच्या सुमारास क्रूझरला झालेल्या भीषण अपघातात ७ जण ठार, तर १३ जण जखमी झाले आहेत. जखमींना लातूरच्या वैद्यकीय महाविद्यालयाच्या रुग्णालयात दाखल करण्यात आलं आहे.
लातूर रोड रेल्वे स्थानकाहून प्रवाशांना घेऊन एक क्रूझर लातूरला निघाली होती. या गाडीत चालकासह दहाजण होते. कोळपा गावाजवळील एका पुलाच्या कडेला उभ्या असलेल्या आयशर टेम्पोला या क्रूझरनं समोरून धडक दिली. आयशरला धडकल्यानंतर ही क्रूझर समोरून येत असलेल्या दुसऱ्या क्रूझरलाही धडकली. या विचित्र अपघातात लातूर रोडहून येणाऱ्या क्रूझरचा अक्षरश: चक्काचूर झाला. त्यातील सात प्रवासी जागीच ठार झाले तर, चार जखमी झाले. दुसऱ्या क्रूझरमधील नऊ जण जखमी झाले आहेत. जखमींवर सर्वोपचार रूग्णालयात उपचार सुरू आहेत.
अपघातातील मृतांची नावे पुढीलप्रमाणे आहेत. विजय तुकाराम पांदे (वय ३०, रा. दापूर, ता. सिन्नर, जि. नाशिक), तुकाराम ज्ञानोबा दळवे (वय ३५, रा. दापेगाव, ता. औसा), उमाकांत सोपान कासले (वय ४०), मीना उमाकांत कासले (वय ४०, दोघेही रा. रेणापूर नाका, लातूर), शुभम शरद शिंदे (वय २४, रा. बेलपिंपळगाव, ता. जि. अहमदनगर), मनोज चंद्रकांत शिंदे (वय २५, रा. वैशालीनगर, बाभळगाव) व दत्तू बळीराम शिंदे (वय ३५, रा. हिंपळनरी, ता. मुखेड, जि. नांदेड)