म. टा. प्रतिनिधी, औरंगाबाद
शासकीय वैद्यकीय महाविद्यालय व रुग्णालयातील (घाटी) सीव्हीटीएस विभागातील कॅथलॅबचा सुटा भाग नादुरुस्त झाल्याने कॅथलॅब बंद पडली आहे. परिणामी, विभागातील अँजिओग्राफी व अँजिओप्लास्टीचे उपचार खंडित झाले आहेत.
वार्षिक देखभालीचे तब्बल ३६ लाख रुपये थकल्यामुळे संबंधित कंपनीने दुरुस्तीस स्पष्ट नकार दिला आहे आणि त्याचा फटका मात्र घाटीतील गोरगरीब रुग्णांना बसत आहे. धक्कादायक बाब म्हणजे डिसेंबरच्या हिवाळी अधिवेशनाआधी निधी मंजुरीची शक्यता कमी असल्याने तोपर्यंत ‘ग्राफी-प्लास्टी’सारखे महत्त्वपूर्ण उपचार बंद राहणार का, असा प्रश्न यानिमित्ताने उपस्थित होत आहेत. घाटीतील गोरगरीब रुग्णांना हृदयरोगाचे संपूर्ण उपचार मिळावेत, यासाठी दीर्घ प्रतिक्षेनंतर घाटीमध्ये दशकापूर्वी ‘उरोशल्यचिकित्सा आणि हृदयरोग अतिचिकित्सा विभाग’ (सीव्हीटीएस) सुरू करण्यात आला. सुसज्ज यंत्रसामुग्री व उपकरणांसह प्रशस्त इमारतीमध्ये विभाग सुरू झाला खरा; परंतु तज्ज्ञांची कायमस्वरुपी पदनिर्मिती व पदनियुक्ती न झाल्याने आतापर्यंत संपूर्ण विभाग हा मानद तज्ज्ञांवर तसेच बंधपत्रित डॉक्टरांवर खंडित स्वरुपात सुरू आहे. पदनिर्मिती अभावीच हा विभाग सरू झाल्यापासून अनेकदा विभागातील उपचार खंडित झाले. तरीही मागच्या वर्ष-दोन वर्षांपासून विभागामध्ये विविधांगी उपचार होत आहेत.
महत्त्वाचे म्हणजे अँजिओग्राफी, अँजिओप्लास्टीसह बायपास व हृदयाच्या इतर शस्त्रक्रियाही होत आहे. अशा स्थितीत विभाग काही प्रमाणात सुरळीत सुरू असल्याचे चित्र दिसत असतानाच मागच्या आठवड्यात कॅथलॅबचे सुटे भाग नादुरुस्त झाल्याने कॅथलॅब बंद पडली आहे. परिणामी, रुग्णांची दैनंदिन तपासणी, तसेच टुडी एको यासारखे अल्प प्रमाणातील उपचार विभागात होत असले तरी अँजिओग्राफी व अँजिओप्लास्टीसारखे महत्वपूर्ण उपचार खंडित झाले आहेत. कॅथलॅबच्या कंपनीशी करण्यात आलेल्या ‘कॉम्प्रिहॅन्सिव्ह मेन्टेनन्स कॉन्ट्रॅक्ट’चे (सीएमसी) जवळजवळ ३६ लाख रुपये थकल्यामुळे कंपनीने दुरुस्तीस नकार दिल्याचे समजते. यापैकी १८ लाख रुपये दिल्यानंतर कंपनी दुरुस्ती करुन देण्याची शक्यता व्यक्त होत असली तरी, तेवढा निधीदेखील मिळण्याची शक्यता कमीच असल्याचे सूत्रांनी सांगितले.
एक सिटी स्कॅन सुरू होणार
घाटीतील ६४ स्लाइस सिटी स्कॅन मशीन मागच्या दीड महिन्यापासून बंद पडलेले असताच, दुसरे एकमेव ६ स्लाइस मशीनदेखील मागच्या काही दिवसांपासून बंद पडले आहे. अर्थात, एकमेव मशीनवरील ताणामुळे दुसरे मशीनदेखील बंद पडण्याची शक्यता प्रकर्षाने व्यक्त होत होती आणि शेवटी झालेदेखील तसेच. सहा स्लाइस मशीनचे केबल तुटल्यामुळे एकमेव चालू स्थितीतील सिटी स्कॅन बंद पडले आहे. सुदैवाने मशीनचे केबल घाटीला नुकतेच प्राप्त झाले असून, गुरुवारपासून रुग्ण तपासणी सुरू होण्याची शक्यता व्यक्त होत आहे. मात्र ६४ स्लाइसची दुरुस्ती ही ‘सीएमसी’चे थकलेले २५ लाख रुपये दिल्याशिवाय कंपनीकडून होण्याची शक्यता कमीच असल्याचे सूत्रांनी सांगितले. त्यामुळे डिसेंबरपर्यंत सहा स्लाइस सिटी स्कॅनवरच रुग्णांचा भार राहण्याचे संकेत असून, तोपर्यंत ६ स्लाइस मशीन कितीदा बंद पडणार, असाही सवाल यानिमित्ताने उपस्थित होत आहे.
घाटीतील सर्वच नादुरुस्त यंत्रसामुग्री-उपकरणांच्या दुरुस्तीचे प्रस्ताव मागेच पाठवण्यात आलेले आहेत. डिसेंबरच्या पुररवणी अनुदानात निधी मिळण्याची शक्यता आहे. अर्थात, त्याआधी निधी मिळवण्यासाठी प्रयत्न सुरू आहेच. – डॉ. कानन येळीकर, अधिष्ठाता, घाटी
शासकीय वैद्यकीय महाविद्यालय व रुग्णालयातील (घाटी) सीव्हीटीएस विभागातील कॅथलॅबचा सुटा भाग नादुरुस्त झाल्याने कॅथलॅब बंद पडली आहे. परिणामी, विभागातील अँजिओग्राफी व अँजिओप्लास्टीचे उपचार खंडित झाले आहेत.
वार्षिक देखभालीचे तब्बल ३६ लाख रुपये थकल्यामुळे संबंधित कंपनीने दुरुस्तीस स्पष्ट नकार दिला आहे आणि त्याचा फटका मात्र घाटीतील गोरगरीब रुग्णांना बसत आहे. धक्कादायक बाब म्हणजे डिसेंबरच्या हिवाळी अधिवेशनाआधी निधी मंजुरीची शक्यता कमी असल्याने तोपर्यंत ‘ग्राफी-प्लास्टी’सारखे महत्त्वपूर्ण उपचार बंद राहणार का, असा प्रश्न यानिमित्ताने उपस्थित होत आहेत. घाटीतील गोरगरीब रुग्णांना हृदयरोगाचे संपूर्ण उपचार मिळावेत, यासाठी दीर्घ प्रतिक्षेनंतर घाटीमध्ये दशकापूर्वी ‘उरोशल्यचिकित्सा आणि हृदयरोग अतिचिकित्सा विभाग’ (सीव्हीटीएस) सुरू करण्यात आला. सुसज्ज यंत्रसामुग्री व उपकरणांसह प्रशस्त इमारतीमध्ये विभाग सुरू झाला खरा; परंतु तज्ज्ञांची कायमस्वरुपी पदनिर्मिती व पदनियुक्ती न झाल्याने आतापर्यंत संपूर्ण विभाग हा मानद तज्ज्ञांवर तसेच बंधपत्रित डॉक्टरांवर खंडित स्वरुपात सुरू आहे. पदनिर्मिती अभावीच हा विभाग सरू झाल्यापासून अनेकदा विभागातील उपचार खंडित झाले. तरीही मागच्या वर्ष-दोन वर्षांपासून विभागामध्ये विविधांगी उपचार होत आहेत.
महत्त्वाचे म्हणजे अँजिओग्राफी, अँजिओप्लास्टीसह बायपास व हृदयाच्या इतर शस्त्रक्रियाही होत आहे. अशा स्थितीत विभाग काही प्रमाणात सुरळीत सुरू असल्याचे चित्र दिसत असतानाच मागच्या आठवड्यात कॅथलॅबचे सुटे भाग नादुरुस्त झाल्याने कॅथलॅब बंद पडली आहे. परिणामी, रुग्णांची दैनंदिन तपासणी, तसेच टुडी एको यासारखे अल्प प्रमाणातील उपचार विभागात होत असले तरी अँजिओग्राफी व अँजिओप्लास्टीसारखे महत्वपूर्ण उपचार खंडित झाले आहेत. कॅथलॅबच्या कंपनीशी करण्यात आलेल्या ‘कॉम्प्रिहॅन्सिव्ह मेन्टेनन्स कॉन्ट्रॅक्ट’चे (सीएमसी) जवळजवळ ३६ लाख रुपये थकल्यामुळे कंपनीने दुरुस्तीस नकार दिल्याचे समजते. यापैकी १८ लाख रुपये दिल्यानंतर कंपनी दुरुस्ती करुन देण्याची शक्यता व्यक्त होत असली तरी, तेवढा निधीदेखील मिळण्याची शक्यता कमीच असल्याचे सूत्रांनी सांगितले.
एक सिटी स्कॅन सुरू होणार
घाटीतील ६४ स्लाइस सिटी स्कॅन मशीन मागच्या दीड महिन्यापासून बंद पडलेले असताच, दुसरे एकमेव ६ स्लाइस मशीनदेखील मागच्या काही दिवसांपासून बंद पडले आहे. अर्थात, एकमेव मशीनवरील ताणामुळे दुसरे मशीनदेखील बंद पडण्याची शक्यता प्रकर्षाने व्यक्त होत होती आणि शेवटी झालेदेखील तसेच. सहा स्लाइस मशीनचे केबल तुटल्यामुळे एकमेव चालू स्थितीतील सिटी स्कॅन बंद पडले आहे. सुदैवाने मशीनचे केबल घाटीला नुकतेच प्राप्त झाले असून, गुरुवारपासून रुग्ण तपासणी सुरू होण्याची शक्यता व्यक्त होत आहे. मात्र ६४ स्लाइसची दुरुस्ती ही ‘सीएमसी’चे थकलेले २५ लाख रुपये दिल्याशिवाय कंपनीकडून होण्याची शक्यता कमीच असल्याचे सूत्रांनी सांगितले. त्यामुळे डिसेंबरपर्यंत सहा स्लाइस सिटी स्कॅनवरच रुग्णांचा भार राहण्याचे संकेत असून, तोपर्यंत ६ स्लाइस मशीन कितीदा बंद पडणार, असाही सवाल यानिमित्ताने उपस्थित होत आहे.
घाटीतील सर्वच नादुरुस्त यंत्रसामुग्री-उपकरणांच्या दुरुस्तीचे प्रस्ताव मागेच पाठवण्यात आलेले आहेत. डिसेंबरच्या पुररवणी अनुदानात निधी मिळण्याची शक्यता आहे. अर्थात, त्याआधी निधी मिळवण्यासाठी प्रयत्न सुरू आहेच. – डॉ. कानन येळीकर, अधिष्ठाता, घाटी