म. टा. प्रतिनिधी, औरंगाबाद
झूम एअरवेजच्या दिल्ली - औरंगाबाद - दिल्ली ही विमानसेवा ऑक्टोबरअखेरीस सुरू होण्याची शक्यता मावळली आहे. उडान योजनेंतर्गत या विमान सेवेला ‘डीजीसीए’कडून (डायरेक्टर जनरल ऑफ सिव्हिल एव्हिऐशन) अद्याप परवानगी मिळालेली नाही.
केंद्र शासनाने छोट्या शहरांतून विमान सेवा वाढविण्यासाठी उडान योजनेची सुरवात केली. या योजनेंतर्गत औरंगाबादहून विमान सेवा सुरू करण्याबाबत दिल्लीच्या झूम एअरवेज कंपनीने तयारी दर्शविली होती. कंपनीने औरंगाबादसह अन्य शहरांतून विमान सेवा सुरू करण्याबाबत अधिकृत घोषणाही वेबसाइटवर केली आहे.
झूम एअरवेजने औरंगाबाद - दिल्ली - औरंगाबाद विमानसेवेचा प्रस्ताव डीजीसीए कार्यालयात सादर केला आहे. त्याला अद्याप मंजुरी मिळालेली नाही. यामुळे ऑक्टोबरअखेर ही विमानसेवा सुरू होण्याची शक्यता मावळली आहे.
असा होता प्रस्ताव
झूम एअरवेजकडून सादर करण्यात आलेल्या प्रस्तावात दिल्लीहून संध्याकाळी पाचच्या सुमारास विमान निधेल. ते औरंगाबादला रात्री आठच्या सुमारास पोचेल. औरंगाबादहून पावणेनऊच्या सुमारास विमान निघून ते दिल्लीत रात्री सव्वादहाच्या सुमारास पोचेल, असे वेळापत्रक नमूद केले आहे. त्याला अद्याप मान्यता मिळाली नसल्याची माहिती सूत्रांनी दिली.
झूम एअरवेजचा प्रस्ताव डीजीसीएकडे सादर करण्यात आला आहे. कंपनीने त्यांच्या वेबसाइटवरून विमानसेवा सुरू होणार असल्याची अधिकृत घोषणा केली आहे. यामुळे ही सेवा निश्चितच लवकर सुरू होईल.
- डी. जी. साळवे, विमानतळ संचालक, औरंगाबाद विमानतळ प्राधिकरण
झूम एअरवेजच्या दिल्ली - औरंगाबाद - दिल्ली ही विमानसेवा ऑक्टोबरअखेरीस सुरू होण्याची शक्यता मावळली आहे. उडान योजनेंतर्गत या विमान सेवेला ‘डीजीसीए’कडून (डायरेक्टर जनरल ऑफ सिव्हिल एव्हिऐशन) अद्याप परवानगी मिळालेली नाही.
केंद्र शासनाने छोट्या शहरांतून विमान सेवा वाढविण्यासाठी उडान योजनेची सुरवात केली. या योजनेंतर्गत औरंगाबादहून विमान सेवा सुरू करण्याबाबत दिल्लीच्या झूम एअरवेज कंपनीने तयारी दर्शविली होती. कंपनीने औरंगाबादसह अन्य शहरांतून विमान सेवा सुरू करण्याबाबत अधिकृत घोषणाही वेबसाइटवर केली आहे.
झूम एअरवेजने औरंगाबाद - दिल्ली - औरंगाबाद विमानसेवेचा प्रस्ताव डीजीसीए कार्यालयात सादर केला आहे. त्याला अद्याप मंजुरी मिळालेली नाही. यामुळे ऑक्टोबरअखेर ही विमानसेवा सुरू होण्याची शक्यता मावळली आहे.
असा होता प्रस्ताव
झूम एअरवेजकडून सादर करण्यात आलेल्या प्रस्तावात दिल्लीहून संध्याकाळी पाचच्या सुमारास विमान निधेल. ते औरंगाबादला रात्री आठच्या सुमारास पोचेल. औरंगाबादहून पावणेनऊच्या सुमारास विमान निघून ते दिल्लीत रात्री सव्वादहाच्या सुमारास पोचेल, असे वेळापत्रक नमूद केले आहे. त्याला अद्याप मान्यता मिळाली नसल्याची माहिती सूत्रांनी दिली.
झूम एअरवेजचा प्रस्ताव डीजीसीएकडे सादर करण्यात आला आहे. कंपनीने त्यांच्या वेबसाइटवरून विमानसेवा सुरू होणार असल्याची अधिकृत घोषणा केली आहे. यामुळे ही सेवा निश्चितच लवकर सुरू होईल.
- डी. जी. साळवे, विमानतळ संचालक, औरंगाबाद विमानतळ प्राधिकरण