आजच्या सभेत औपचारिक घोषणा
म. टा. प्रतिनिधी, जळगाव
महापालिकेच्या स्थायी समिती व महिला बालकल्याण सभापतिपदाच्या निवडीसाठी आज (दि. १०) जिल्हाधिकारी किशोर राजे निंबाळकर यांच्या अध्यक्षतेखाली महापालिकेच्या सभागृहात दोन्ही सभा होत आहेत. अखेरच्या दिवसापर्यंत दोन्ही पदासाठी प्रत्येकी एकाच उमेदवारांचा अर्ज आल्याने स्थायी सभापतिपदी ज्योती इंगळे तर महिला बालकल्याण समिती सभापतिपदी राष्ट्रवादीच्या प्रतिभा कापसे बिनविरोध झाल्या आहेत. आजच्या सभेत औपचारिक घोषणेनंतर यावर शिक्कामोर्तब होणार आहे.
स्थायी समितीच्या ८ सदस्यांची मुदत संपल्याने त्यांनाही निवृत्त करण्यात आले होते. त्यानंतर संख्याबळानुसार आता नवीन ८ सदस्यांची निवड करण्यात आली असून, स्थायी समिती सभापती वर्षा खडके यांचादेखील कालावधी संपल्याने त्यांच्याजागी नवीन स्थायी सभापतींची निवड होणार आहे. यासाठी जिल्हाधिकारी किशोर राजे निंबाळकर यांच्या अध्यक्षतेखाली आज (दि. १०) सकाळी ११ वाजता निवडीसाठी विशेष सभा होणार आहे.
महापालिकेत असलेल्या खान्देश विकास आघाडी, सेना, मनसे, राष्ट्रवादी व जनक्रांती या सत्ताधारी युतीतर्फे शनिवारी (दि. ७) खाविआच्या ज्योती इंगळे यांनी स्थायी सभापतिपदासाठी २ तर राष्ट्रवादीच्या प्रतिभा कापसे यांनी महिला बालकल्याण सभापतिपदासाठी १ अर्ज नगरसचिव अनिल वानखेडे यांच्याकडे सादर केले होते. अर्ज सादर करण्याच्या अंतिम दिनी दुसरे कुठलेही अर्ज दाखल न झाल्याने ज्योती इंगळे व प्रतिभा कापसे दोन्ही बिनविरोध झाल्या.
म. टा. प्रतिनिधी, जळगाव
महापालिकेच्या स्थायी समिती व महिला बालकल्याण सभापतिपदाच्या निवडीसाठी आज (दि. १०) जिल्हाधिकारी किशोर राजे निंबाळकर यांच्या अध्यक्षतेखाली महापालिकेच्या सभागृहात दोन्ही सभा होत आहेत. अखेरच्या दिवसापर्यंत दोन्ही पदासाठी प्रत्येकी एकाच उमेदवारांचा अर्ज आल्याने स्थायी सभापतिपदी ज्योती इंगळे तर महिला बालकल्याण समिती सभापतिपदी राष्ट्रवादीच्या प्रतिभा कापसे बिनविरोध झाल्या आहेत. आजच्या सभेत औपचारिक घोषणेनंतर यावर शिक्कामोर्तब होणार आहे.
स्थायी समितीच्या ८ सदस्यांची मुदत संपल्याने त्यांनाही निवृत्त करण्यात आले होते. त्यानंतर संख्याबळानुसार आता नवीन ८ सदस्यांची निवड करण्यात आली असून, स्थायी समिती सभापती वर्षा खडके यांचादेखील कालावधी संपल्याने त्यांच्याजागी नवीन स्थायी सभापतींची निवड होणार आहे. यासाठी जिल्हाधिकारी किशोर राजे निंबाळकर यांच्या अध्यक्षतेखाली आज (दि. १०) सकाळी ११ वाजता निवडीसाठी विशेष सभा होणार आहे.
महापालिकेत असलेल्या खान्देश विकास आघाडी, सेना, मनसे, राष्ट्रवादी व जनक्रांती या सत्ताधारी युतीतर्फे शनिवारी (दि. ७) खाविआच्या ज्योती इंगळे यांनी स्थायी सभापतिपदासाठी २ तर राष्ट्रवादीच्या प्रतिभा कापसे यांनी महिला बालकल्याण सभापतिपदासाठी १ अर्ज नगरसचिव अनिल वानखेडे यांच्याकडे सादर केले होते. अर्ज सादर करण्याच्या अंतिम दिनी दुसरे कुठलेही अर्ज दाखल न झाल्याने ज्योती इंगळे व प्रतिभा कापसे दोन्ही बिनविरोध झाल्या.