कोल्हापूर
लोकसभा निवडणुकीच्या आचारसंहितेची अंमलबजावणी करताना महापालिकेच्या अतिक्रमण निर्मूलन विभागाने शहरातील होर्डिंग्ज, बॅनर, झेंडे, पोस्टर हटविले. राजारामपुरी, महाद्वार रोड, सानेगुरुजी वसाहत या मुख्य मार्गावर अतिक्रमण निर्मूलन मोहीम राबवण्यात आली. राजारामपुरी, महाद्वार रोड, सानेगुरुजी वसाहत, गांधी मैदान परिसरासह केएमटीच्या ११ बसस्टॉपवरील फलक हटवण्यात आले. बुधवारच्या कारवाईत १८२ होर्डिंग्ज, लहान-मोठे २७५ बॅनर्स व ९० झेंडे काढून टाकण्यात आले.