म. टा. प्रतिनिधी, कोल्हापूर
‘कागद उत्पादक कंपन्यांनी हातमिळवणी करुन भाव वाढविले आहेत. शिवाय कागदाचे मोठ्या प्रमाणात उत्पादन करणाऱ्या बल्लारपूर व तमिळनाडू या दोन कारखाने बंद पडल्यामुळे त्याचा अवाजवी फायदा काही कंपन्यांनी उचलला आहे. त्यामुळे मुद्रक व प्रकाशकांना वह्या, पुस्तके व उत्तरपत्रिकेसारख्या वस्तूंवरील भाव वाढविण्याशिवाय पर्याय नसल्याचे संकेत मुद्रक व्यावसासिकांची शिखर संस्था असणाऱ्या ऑल इडिया फेडरेशन ऑफ मास्टर प्रिंटर्सचे सरचिटणीस आनंद लिमये यांनी दिले.
कोल्हापूर जिल्हा मुद्रक संघातर्फे मुद्रण व्यावसायिकांचा मेळावा आयोजित केला होता. दिगंबर जैन बोर्डिंगमधील सभागृहात कार्यक्रम झाला. यावेळी एक जुलैपासून लागू होत असलेल्या वस्तू व सेवा कराबाबत (जीएसटी) विक्रीकर विभागाचे उपायुक्त सचिन जोशी यांनी मार्गदर्शन केले. तर कोरल ड्रॉ कंपनीने कोरल ड्रॉ सॉफ्टवेअरविषयी माहिती दिली. कंपनीने सध्या पायरेटेड सॉफ्टवेअर संदर्भात शोधमोहीम राबवली आहे. या सॉफ्टवेअरचा परवाना घेणाऱ्या व्यावसायिकांना कंपनीकडून सवलती देण्यात आल्या.
लिमये म्हणाले, ‘परदेशातून आयात कागदावर कर आकारणीच्या विचित्र धोरणासंदर्भात सरकारशी चर्चा केली आहे. आयात कागदावर कर आकारणी व छापील वस्तू करविरहीत आणण्यास मुभा या धोरणामुळे मुद्रण व्यवसायावर विपरित परिणाम होणार आहे. नवीन आणि प्रगती तंत्रज्ञान भारतात येणे गरजेचे आहे. त्यासाठी चायना विद्यापीठातील तंत्रज्ञान शिकण्यासाठी तेथील विद्यापीठांशी चर्चा केली आहे. मुद्रक व्यावसायिकांसमोर अनेक समस्या आहेत. प्रिंटीग हा व्यवसाय सेवा की उत्पादनात मोडतो याविषयी अजूनही सरकार संभ्रमात आहे. सरकारने मुद्रक व्यावसायिकांच्या प्रश्नाकडे गांभीर्याने लक्ष दिले पाहिजे.’
विक्रीकर उपायुक्त सचिन जोशी म्हणाले, ‘जीएसटी करप्रणालीमुळे आर्थिक विकास दर वाढणार आहे. जीएसटी करप्रणालीविषयी जागृती करण्यासाठी मोहीम सुरु आहे. एक जुलैपासून प्रत्यक्ष परिणाम दिसू लागतील.’
कोल्हापूर जिल्हा मुद्रक संघाचे अध्यक्ष प्रदीप पडवळे यांनी प्रास्ताविक केले. निहाल शिपूरकर यांनी सूत्रसंचालन केले. महाराष्ट्र मुद्रण परिषदेचे बाळासाहेब आंबेकर, कोषाध्यक्ष कमलेश धारगळकर, जिल्हा उपाध्यक्ष संजय थोरवत, सचिव सतीश पाध्ये. अभिजित पडवळे, अंजुम तांबोळी, सुनील नसिराबादकर, शरद गोसावी, आर. डी. पाटील, प्रकाश करंबळकर, रणजित पोवार, सिध्देश पाटील आदी उपस्थित होते.
‘कागद उत्पादक कंपन्यांनी हातमिळवणी करुन भाव वाढविले आहेत. शिवाय कागदाचे मोठ्या प्रमाणात उत्पादन करणाऱ्या बल्लारपूर व तमिळनाडू या दोन कारखाने बंद पडल्यामुळे त्याचा अवाजवी फायदा काही कंपन्यांनी उचलला आहे. त्यामुळे मुद्रक व प्रकाशकांना वह्या, पुस्तके व उत्तरपत्रिकेसारख्या वस्तूंवरील भाव वाढविण्याशिवाय पर्याय नसल्याचे संकेत मुद्रक व्यावसासिकांची शिखर संस्था असणाऱ्या ऑल इडिया फेडरेशन ऑफ मास्टर प्रिंटर्सचे सरचिटणीस आनंद लिमये यांनी दिले.
कोल्हापूर जिल्हा मुद्रक संघातर्फे मुद्रण व्यावसायिकांचा मेळावा आयोजित केला होता. दिगंबर जैन बोर्डिंगमधील सभागृहात कार्यक्रम झाला. यावेळी एक जुलैपासून लागू होत असलेल्या वस्तू व सेवा कराबाबत (जीएसटी) विक्रीकर विभागाचे उपायुक्त सचिन जोशी यांनी मार्गदर्शन केले. तर कोरल ड्रॉ कंपनीने कोरल ड्रॉ सॉफ्टवेअरविषयी माहिती दिली. कंपनीने सध्या पायरेटेड सॉफ्टवेअर संदर्भात शोधमोहीम राबवली आहे. या सॉफ्टवेअरचा परवाना घेणाऱ्या व्यावसायिकांना कंपनीकडून सवलती देण्यात आल्या.
लिमये म्हणाले, ‘परदेशातून आयात कागदावर कर आकारणीच्या विचित्र धोरणासंदर्भात सरकारशी चर्चा केली आहे. आयात कागदावर कर आकारणी व छापील वस्तू करविरहीत आणण्यास मुभा या धोरणामुळे मुद्रण व्यवसायावर विपरित परिणाम होणार आहे. नवीन आणि प्रगती तंत्रज्ञान भारतात येणे गरजेचे आहे. त्यासाठी चायना विद्यापीठातील तंत्रज्ञान शिकण्यासाठी तेथील विद्यापीठांशी चर्चा केली आहे. मुद्रक व्यावसायिकांसमोर अनेक समस्या आहेत. प्रिंटीग हा व्यवसाय सेवा की उत्पादनात मोडतो याविषयी अजूनही सरकार संभ्रमात आहे. सरकारने मुद्रक व्यावसायिकांच्या प्रश्नाकडे गांभीर्याने लक्ष दिले पाहिजे.’
विक्रीकर उपायुक्त सचिन जोशी म्हणाले, ‘जीएसटी करप्रणालीमुळे आर्थिक विकास दर वाढणार आहे. जीएसटी करप्रणालीविषयी जागृती करण्यासाठी मोहीम सुरु आहे. एक जुलैपासून प्रत्यक्ष परिणाम दिसू लागतील.’
कोल्हापूर जिल्हा मुद्रक संघाचे अध्यक्ष प्रदीप पडवळे यांनी प्रास्ताविक केले. निहाल शिपूरकर यांनी सूत्रसंचालन केले. महाराष्ट्र मुद्रण परिषदेचे बाळासाहेब आंबेकर, कोषाध्यक्ष कमलेश धारगळकर, जिल्हा उपाध्यक्ष संजय थोरवत, सचिव सतीश पाध्ये. अभिजित पडवळे, अंजुम तांबोळी, सुनील नसिराबादकर, शरद गोसावी, आर. डी. पाटील, प्रकाश करंबळकर, रणजित पोवार, सिध्देश पाटील आदी उपस्थित होते.