‘पंतप्रधान नरेंद्र मोदी यांनी ठरविले आणि विरोधी पक्षाशी सल्लामसलत केल्यास राष्ट्रपती पदासाठीची निवडणूक बिनविरोध होऊ शकते,’ असे मत माजी केंद्रीय कृषीमंत्री आणि राष्ट्रवादी कॉँग्रेसचे अध्यक्ष शरद पवार यांनी व्यक्त केले.
Maharashtra Times25 Apr 2017, 7:10 am
सोलापूर
महाराष्ट्र टाइम्स.कॉमराष्ट्रपतिपदाची निवडणूक बिनविरोध शक्य
‘पंतप्रधान नरेंद्र मोदी यांनी ठरविले आणि विरोधी पक्षाशी सल्लामसलत केल्यास राष्ट्रपती पदासाठीची निवडणूक बिनविरोध होऊ शकते,’ असे मत माजी केंद्रीय कृषीमंत्री आणि राष्ट्रवादी कॉँग्रेसचे अध्यक्ष शरद पवार यांनी व्यक्त केले.
विधिमंडळ आणि संसदीय कारकिर्दीला ५० वर्षे पूर्ण झाल्याबद्दल आणि भारत सरकारकडून पद्मविभूषण पुरस्काराने सन्मानित केल्याबद्दल सोलापूर शहर आणि जिल्ह्याच्या वतीने आयोजित करण्यात आलेल्या नागरी सत्कार समारंभासाठी शरद पवार सोमवारी सोलापुरात आले होते. त्यावेळी त्यांनी सरकारी विश्रामगृहात पत्रकारांशी संवाद साधला. जून महिन्यात राष्ट्रपतिपदासाठी निवडणूक होत आहे आणि त्यासाठी आपल्या नावाची चर्चा सुरू असल्याबाबत विचारले असता शरद पवार म्हणाले, ‘मी राष्ट्रपतिपदासाठी इच्छुक नाही. ज्या पक्षाची लोकसभा-राज्यसभेतील सदस्य संख्या फक्त १४ आहे, त्या पक्षाने राष्ट्रपतिपदाचे स्वप्न पाहणे उचित नाही. स्वतःचा राष्ट्रपती निवडून आणण्याइतके पुरेसे संख्याबळ भाजपकडे आहे. मात्र, पंतप्रधान नरेंद्र मोदी यांनी विरोधी पक्षासमवेत चर्चा करून समन्वय साधल्यास राष्ट्रपतिपदाची निवडणूक बिनविरोध होऊ शकते.’
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.