Congress Ex Minister Late Bhaisaheb Sawants Grandson Vikrant Sawant Will Join Shivsena
भाई सावंत यांचा नातू शिवसेनेच्या वाटेवर
महाराष्ट्राचे माजी आरोग्य मंत्री, काँग्रेसचे दिग्गज नेते दिवंगत भाईसाहेब सावंत यांचे नातू विक्रांत सावंत हे शिवसेनेतून आपल्या राजकारणाचा श्रीगणेशा करण्याच्या तयारीत आहेत. विक्रांत यांनी मातोश्री निवासस्थानी शिवसेना पक्षप्रमुख उद्धव ठाकरे यांची भेट घेऊन शिवसेनेत काम करण्याची इच्छा व्यक्त केली. यावेळी उद्धव यांनीही त्यांना भावी वाटचालीसाठी शुभेच्छा दिल्या.
महाराष्ट्र टाइम्स.कॉमभाई सावंत यांचा नातू शिवसेनेच्या वाटेवर
महाराष्ट्राचे माजी आरोग्य मंत्री, काँग्रेसचे दिग्गज नेते दिवंगत भाईसाहेब सावंत यांचे नातू विक्रांत सावंत हे शिवसेनेतून आपल्या राजकारणाचा श्रीगणेशा करण्याच्या तयारीत आहेत. विक्रांत यांनी मातोश्री निवासस्थानी शिवसेना पक्षप्रमुख उद्धव ठाकरे यांची भेट घेऊन शिवसेनेत काम करण्याची इच्छा व्यक्त केली. यावेळी उद्धव यांनीही त्यांना भावी वाटचालीसाठी शुभेच्छा दिल्या. दरम्यान, काँग्रेसचा वारसा असलेल्या विक्रांत यांचा शिवसेना प्रवेश झाल्यास सिंधुदुर्गातील राजकीय समीकरणं येत्या काळात मोठ्या प्रमाणात बदलण्याची शक्यता आहे.
शैक्षणिक संस्थांच्या माध्यमातून शिक्षण क्षेत्रात सक्रिय असलेले उच्चशिक्षित विक्रांत सावंत हे मराठा मोर्चाच्या नेतृत्वामुळे चर्चेत आले होते. त्याचवेळी ते राजकारणात प्रवेश करणार आहेत, अशीही चर्चा होती. भाईसाहेबांचा वारसा पुढे नेत विक्रांत हे काँग्रेसमधूनच आपली राजकीय वाटचाल सुरू करतील असेही बोलले जात होते. मात्र, या सर्व शक्यतांना विक्रांत यांच्या उद्धवभेटीने पूर्णविराम मिळाल्यात जमा आहे.
विक्रांत सावंत यांनी मंगळवारी दुपारी उद्धव यांची भेट घेतली. शिवसेना सचिव तथा खासदार विनायक राऊत तसेच शिवसेनेचे सिंधुदुर्ग जिल्हा संपर्क प्रमुख अरूण दुधवडकर यावेळी उपस्थित होते. या भेटीत विक्रांत यांनी सिंधुदुर्ग जिल्ह्याच्या विकासासाठी शिवसेनेकडून चाललेल्या प्रयत्नांबद्दल आभार व्यक्त करत आपले आजोबा भाईसाहेब सावंत यांच्या स्वप्नातील सिंधुदुर्गासाठी योगदान देण्याची इच्छा व्यक्त केली. त्याला उद्धव ठाकरे यांनी सकारात्मक प्रतिसाद दिला. त्यानुसार विक्रांत हे लवकरच अधिकृतरित्या शिवसेनेत प्रवेश करणार असून त्यांच्याकडे सिंधुदुर्ग जिल्ह्यातील एखादी महत्त्वाची जबाबदारी शिवसेनेकडून सोपवली जाण्याची शक्यता आहे.
सिंधुदुर्गात शिवसेनेला बळ
सिंधुदुर्ग जिल्ह्यात बराच काळ काँग्रेसचं एकहाती वर्चस्व पाहायला मिळालं. यात दिवंगत भाई सावंत यांचा महत्त्वाचा वाटा होता. त्यांच्याच काळात जिल्ह्यात पक्षाला उभारी मिळाली. अर्थात त्यातूनच भाई सतत राज्याच्या राजकीय वर्तुळात महत्त्वाच्या स्थानी राहिले. भाई सावंत यांनी राज्याचे आरोग्यमंत्रीपद सांभाळताना ग्रामीण भागात आरोग्य विषयक सुविधा निर्माण करण्यात मोलाची कामगिरी बजावली. त्यांच्याच प्रयत्नातून सिंधुदुर्ग जिल्ह्यातील सावंतवाडी येथे भाईसाहेब सावंत आयुर्वेदिक महाविद्यालयाची निर्मिती झाली होती. तर त्यांच्या पश्चात त्यांचे पुत्र विकास सावंत यांनीही निष्ठेने काँग्रेस पक्षात काम केले. जिल्हा बँक संचालक, जिल्हा परिषदेचे सभापती, राज्य सहकारी बँक असोसिएशनचे उपाध्यक्ष अशी अनेक पदे त्यांनी भुषविली. सध्या ते काँग्रेसचे प्रदेश समिती सदस्यही आहे. असे असताना त्यांचा मुलगा मात्र शिवसेनेचा भगवा खांद्यावर घेण्यासाठी सज्ज झाला आहे. भाई सावंत यांची तिसरी पिढी विक्रांत सावंत यांच्या रूपाने शिवसेनेतून राजकारण करणार हे जवळपास निश्चित झाले आहे. विक्रांत यांचा शिवसेना प्रवेश झाल्यास सिंधुदुर्गात तो काँग्रेससाठी मोठा धक्का ठरणार आहे. सिंधुदुर्गात सध्या काँग्रेस नेते नारायण राणे विरुद्ध शिवसेना असा संघर्ष आहे. या संघर्षात विक्रांत यांच्यासारखा युवा नेता ताफ्यात आल्यास शिवसेनेचं बळ आणखी वाढणार आहे.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.