मटा ऑनलाइन वृत । मुंबई
महापालिका निवडणुकीचं बिगूल वाजल्यानं युतीची वाट न पाहता मुंबईत केलेल्या विकास कामांचा गाजावाजा करण्यासाठी शिवसेनेने 'डिड, यू नो?' ही थीम घेऊन मुंबईभर पोस्टरबाजी केली आहे. शिवसेनेच्या या पोस्टरबाजीवर नेहमीप्रमाणं भाजप पलटवार करेल असं वाटत असतानाच राष्ट्रवादी काँग्रेसनं सेनेला जोरदार प्रत्यूत्तर देत सर्वांनाच आश्चर्याचा धक्का दिला आहे. 'डिड, यू नो?' हीच थीम घेऊन राष्ट्रवादीनं पोस्टरच्या माध्यमातून शिवसेनेच्या विकासकामांची पोलखोल करुन निवडणुकीच्या रणधुमाळीत उडी घेतली आहे.
महापालिका निवडणुकीत युती करण्यासाठी शिवसेना आणि भाजपमध्ये चर्चेचे गुऱ्हाळ सुरू होतयं. पण दोन्ही बाजुच्या कार्यकर्त्यांनी या युतीला विरोध केल्यानं युतीच घोडं मध्येच अडण्याची चिन्हे आहेत. त्यातच शिवसेनेचे खासदार संजय राऊत यांनी भाजपबरोबर फरफटत जाणार नसल्याचं सांगत युतीच्या बोलणीत मिठाचा खडा टाकला आहे. या पार्श्वभूमीवर युतीची वाट बघत न बसता गेल्या पाच वर्षात केलेल्या कामाची आणि होऊ घातलेल्या कामांची मुंबईकरांना माहिती करून देण्यासाठी शिवसेनेने पोस्टर कँम्पेन सुरू केली आहे. त्यासाठी 'करून दाखवलं'च्या धर्तीवर मराठी अस्मितेचं राजकारण करणाऱ्या शिवसेनेनं 'डिड, यू नो?' ही इंग्रजाळलेली थीम घेऊन पोस्टर मोहिम सुरू केली आहे. त्यात कोस्टल रोड, मध्यवैतरणा धरण, मुंबईतील रुग्णालये, जलबोगदे आणि थीमपार्कची माहिती देण्यात आली आहे. शिवसेनाच कशी मुंबईचा विकास करू शकते आणि शिवसेनेच्या हातीच मुंबई कशी सुरक्षित आहे, हे सांगण्याचा प्रयत्न यातून करण्यात आला आहे.
निघणार सुसाट पण कुठं खड्ड्यात?
तर राष्ट्रवादीनंही 'डिड, यू नो?' ही थीम घेऊन शिवसेनेच्या या पोस्टर कँम्पेनची खिल्ली उडवली आहे. राष्ट्रवादीनं मुंबईत ही पोस्टर झळकावली असून शिवसेनेनं कशी मुंबईची वाट लावली हे या पोस्टरमधून दाखविण्यात आलं आहे. '२२ वर्ष मुंबई खड्ड्यात आहे, मग निघणार सुसाट पण कुठं खड्ड्यात?' असं शरसंधानच राष्ट्रवादीनं या पोस्टरमधून शिवसेनेवर साधलं आहे. सेनेनं १६०० कोटींचा रस्ते आणि ३००० कोटींचा खड्डे दुरुस्ती घोटाळा केल्याचा आरोप करतानाच नवी मुंबई, पुणे आणि पिंपरी-चिंचवडमध्ये राष्ट्रवादीची सत्ता आहे, या शहरातील रस्त्यांसारखे रस्ते शिवसेना बनवू शकते काय? असा सवालही या पोस्टर वॉरद्वारे करण्यात आला आहे.
महापालिका निवडणुकीचं बिगूल वाजल्यानं युतीची वाट न पाहता मुंबईत केलेल्या विकास कामांचा गाजावाजा करण्यासाठी शिवसेनेने 'डिड, यू नो?' ही थीम घेऊन मुंबईभर पोस्टरबाजी केली आहे. शिवसेनेच्या या पोस्टरबाजीवर नेहमीप्रमाणं भाजप पलटवार करेल असं वाटत असतानाच राष्ट्रवादी काँग्रेसनं सेनेला जोरदार प्रत्यूत्तर देत सर्वांनाच आश्चर्याचा धक्का दिला आहे. 'डिड, यू नो?' हीच थीम घेऊन राष्ट्रवादीनं पोस्टरच्या माध्यमातून शिवसेनेच्या विकासकामांची पोलखोल करुन निवडणुकीच्या रणधुमाळीत उडी घेतली आहे.
महापालिका निवडणुकीत युती करण्यासाठी शिवसेना आणि भाजपमध्ये चर्चेचे गुऱ्हाळ सुरू होतयं. पण दोन्ही बाजुच्या कार्यकर्त्यांनी या युतीला विरोध केल्यानं युतीच घोडं मध्येच अडण्याची चिन्हे आहेत. त्यातच शिवसेनेचे खासदार संजय राऊत यांनी भाजपबरोबर फरफटत जाणार नसल्याचं सांगत युतीच्या बोलणीत मिठाचा खडा टाकला आहे. या पार्श्वभूमीवर युतीची वाट बघत न बसता गेल्या पाच वर्षात केलेल्या कामाची आणि होऊ घातलेल्या कामांची मुंबईकरांना माहिती करून देण्यासाठी शिवसेनेने पोस्टर कँम्पेन सुरू केली आहे. त्यासाठी 'करून दाखवलं'च्या धर्तीवर मराठी अस्मितेचं राजकारण करणाऱ्या शिवसेनेनं 'डिड, यू नो?' ही इंग्रजाळलेली थीम घेऊन पोस्टर मोहिम सुरू केली आहे. त्यात कोस्टल रोड, मध्यवैतरणा धरण, मुंबईतील रुग्णालये, जलबोगदे आणि थीमपार्कची माहिती देण्यात आली आहे. शिवसेनाच कशी मुंबईचा विकास करू शकते आणि शिवसेनेच्या हातीच मुंबई कशी सुरक्षित आहे, हे सांगण्याचा प्रयत्न यातून करण्यात आला आहे.
निघणार सुसाट पण कुठं खड्ड्यात?
तर राष्ट्रवादीनंही 'डिड, यू नो?' ही थीम घेऊन शिवसेनेच्या या पोस्टर कँम्पेनची खिल्ली उडवली आहे. राष्ट्रवादीनं मुंबईत ही पोस्टर झळकावली असून शिवसेनेनं कशी मुंबईची वाट लावली हे या पोस्टरमधून दाखविण्यात आलं आहे. '२२ वर्ष मुंबई खड्ड्यात आहे, मग निघणार सुसाट पण कुठं खड्ड्यात?' असं शरसंधानच राष्ट्रवादीनं या पोस्टरमधून शिवसेनेवर साधलं आहे. सेनेनं १६०० कोटींचा रस्ते आणि ३००० कोटींचा खड्डे दुरुस्ती घोटाळा केल्याचा आरोप करतानाच नवी मुंबई, पुणे आणि पिंपरी-चिंचवडमध्ये राष्ट्रवादीची सत्ता आहे, या शहरातील रस्त्यांसारखे रस्ते शिवसेना बनवू शकते काय? असा सवालही या पोस्टर वॉरद्वारे करण्यात आला आहे.