अभ्यासक्रम रद्द करण्याच्या हालचाली, ‘मनविसे’चे आज आंदोलन
म. टा. प्रतिनिधी, मुंबई
वांद्रे येथील रहेजा स्कूल ऑफ आर्टस् या संस्थेमार्फत ६३ वर्षांपासून चालविण्यात येणारा ‘डिप्लोमा इन फाइन आर्टस्’ हा अभ्यासक्रम बंद करण्याच्या हालचाली कॉलेज प्रशासनातर्फे सुरू आहेत. यामुळे जवळपास १५ शिक्षक व ४५० विद्यार्थ्यांच्या भवितव्याचा प्रश्न निर्माण झाला आहे. या शिक्षकांनी बुधवारी मनसेचे अध्यक्ष राज ठाकरे यांच्याकडे धाव घेतली. त्यामुळे महाराष्ट्र नवनिर्माण विद्यार्थी सेना गुरुवारी कॉलेजसमोर आंदोलन करणार आहे.
रहेजा कॉलेज ऑफ आर्टस् कॉलेज १९५३पासून कार्यरत आहे. यासाठी १९७१मध्ये सरकारने कोट्यातून वांद्रे पूर्व येथे जागा दिली आहे. या अनुदानित कॉलेजमध्ये ‘एआयसीटीई’ अंतर्गत कोर्सेस चालू आहेत. मात्र सध्या कॉलेज स्थंलातरित करण्याच्या हालचाली सुरू आहेत. याअंतर्गत फाइन आर्टस् अभ्यासक्रमाला तात्पुरती स्थगिती द्यावी, अशी मागणी कला संचालनालयाकडे करण्यात आली होती; मात्र ती अमान्य करण्यात आली आहे. या पार्श्वभूमीवर कॉलेजच्या शिक्षकांच्या शिष्टमंडळाने राज यांची भेट घेऊन निवेदन दिले. राज एक कलाकार असून, त्यांना आमची व्यथा समजू शकते. त्यामुळे आम्ही त्यांची भेट घेतली, असे एका शिक्षकाने सांगितले.
कला संचालनालयातर्फे कॉलेज प्रशासनाला कॉलेज स्थलांतरित करण्यास मनाई केली असतानाही हा प्रकार सुरू आहे. त्यामुळे ‘मनविसे’तर्फे गुरुवारी कॉलेज प्रशासनाला जाब विचारणार आहे. प्रशासनाने आज, गुरुवारच्या बैठकीत योग्य निर्णय न घेतल्यास ‘मनविसे’ आक्रमकरीत्या आंदोलन करेल.
- सुधाकर तांबोळी, माजी सिनेट सदस्य
म. टा. प्रतिनिधी, मुंबई
वांद्रे येथील रहेजा स्कूल ऑफ आर्टस् या संस्थेमार्फत ६३ वर्षांपासून चालविण्यात येणारा ‘डिप्लोमा इन फाइन आर्टस्’ हा अभ्यासक्रम बंद करण्याच्या हालचाली कॉलेज प्रशासनातर्फे सुरू आहेत. यामुळे जवळपास १५ शिक्षक व ४५० विद्यार्थ्यांच्या भवितव्याचा प्रश्न निर्माण झाला आहे. या शिक्षकांनी बुधवारी मनसेचे अध्यक्ष राज ठाकरे यांच्याकडे धाव घेतली. त्यामुळे महाराष्ट्र नवनिर्माण विद्यार्थी सेना गुरुवारी कॉलेजसमोर आंदोलन करणार आहे.
रहेजा कॉलेज ऑफ आर्टस् कॉलेज १९५३पासून कार्यरत आहे. यासाठी १९७१मध्ये सरकारने कोट्यातून वांद्रे पूर्व येथे जागा दिली आहे. या अनुदानित कॉलेजमध्ये ‘एआयसीटीई’ अंतर्गत कोर्सेस चालू आहेत. मात्र सध्या कॉलेज स्थंलातरित करण्याच्या हालचाली सुरू आहेत. याअंतर्गत फाइन आर्टस् अभ्यासक्रमाला तात्पुरती स्थगिती द्यावी, अशी मागणी कला संचालनालयाकडे करण्यात आली होती; मात्र ती अमान्य करण्यात आली आहे. या पार्श्वभूमीवर कॉलेजच्या शिक्षकांच्या शिष्टमंडळाने राज यांची भेट घेऊन निवेदन दिले. राज एक कलाकार असून, त्यांना आमची व्यथा समजू शकते. त्यामुळे आम्ही त्यांची भेट घेतली, असे एका शिक्षकाने सांगितले.
कला संचालनालयातर्फे कॉलेज प्रशासनाला कॉलेज स्थलांतरित करण्यास मनाई केली असतानाही हा प्रकार सुरू आहे. त्यामुळे ‘मनविसे’तर्फे गुरुवारी कॉलेज प्रशासनाला जाब विचारणार आहे. प्रशासनाने आज, गुरुवारच्या बैठकीत योग्य निर्णय न घेतल्यास ‘मनविसे’ आक्रमकरीत्या आंदोलन करेल.
- सुधाकर तांबोळी, माजी सिनेट सदस्य