मुंबई:
मुंबई विद्यापीठाच्या सिनेट निवडणुकीचा पहिला टप्पा सुरळीत पार पडल्यानंतर सर्वांचे लक्ष लागून राहिलेल्या सिनेट पदवीधर मतदारसंघाच्या निवडणुकीची घोषणा गुरुवारी करण्यात आली. ही निवडणूक २५ मार्च रोजी घेण्यात येणार असून, या निवडणूक प्रक्रियेचा कार्यक्रम २७ फेब्रुवारी रोजी जाहीर करण्यात येणार असल्याचे विद्यापीठाने जाहीर केले आहे.
मुंबई विद्यापीठाच्या सिनेट निवडणुकीचा पहिला टप्पा नुकताच पार पडला. कॉलेज प्राचार्य, कॉलेज मॅनेजमेंट आणि विद्यापीठ अध्यापक प्रवर्गासाठीचा हा टप्पा होता. मात्र कॉलेज प्राध्यापक आणि पदवीधर मतदारसंघाचा व्याप लक्षात घेता या दोन्ही निवडणुका दुसऱ्या टप्पात घेणार असल्याचे विद्यापीठाने जाहीर केले होते. त्यानुसार आता विद्यापीठाने सिनेट पदवीधर मतदारसंघाच्या निवडणुकीची घोषणा केली आहे. www.mu.ac.in या वेबसाइटवर सिनेट मतदारसंघाची मतदार यादी डाऊनलोड करता येईल. त्याचबरोबर विद्यापीठातील फोर्ट कॅम्पस येथे २५५० रु.ना ही यादी उपलब्ध होईल. सीडी स्वरूपातही यादी उपलब्ध असून, त्यासाठी २५० रु. आकारण्यात येतील. मतदानाची वेळ सकाळी ९ ते संध्याकाळी ५ अशी असेल. तर या निवडणुकीची अधिसूचना आणि निवडणूक कार्यक्रम २७ फेब्रुवारी रोजी विद्यापीठाच्या वेबसाइवर जाहीर करण्यात येईल.
'छात्रभारती' निवडणूक लढवणार
मुंबई विद्यापीठाच्या सिनेट निवडणुकीसाठी युवा सेना, महाराष्ट्र नवनिर्माण विद्यार्थी सेना, अखिल भारतीय विद्यार्थी परिषद यांसारख्या राजकीय पक्षांच्या विद्यार्थी संघटनांनी एकमेकांविरोधात रणशिंग फुंकले आहे. त्यातच छात्रभारती संघटनेनेही ही निवडणूक लढवण्याची घोषणा केली. ही निवडणूक पूर्ण ताकदीनिशी लढणार असल्याचे छात्रभारतीचे मुंबई अध्यक्ष सचिन बनसोडे यांनी संघटनेच्या सर्वसाधारण बेठकीत जाहीर केले.
मुंबई विद्यापीठाच्या सिनेट निवडणुकीचा पहिला टप्पा सुरळीत पार पडल्यानंतर सर्वांचे लक्ष लागून राहिलेल्या सिनेट पदवीधर मतदारसंघाच्या निवडणुकीची घोषणा गुरुवारी करण्यात आली. ही निवडणूक २५ मार्च रोजी घेण्यात येणार असून, या निवडणूक प्रक्रियेचा कार्यक्रम २७ फेब्रुवारी रोजी जाहीर करण्यात येणार असल्याचे विद्यापीठाने जाहीर केले आहे.
मुंबई विद्यापीठाच्या सिनेट निवडणुकीचा पहिला टप्पा नुकताच पार पडला. कॉलेज प्राचार्य, कॉलेज मॅनेजमेंट आणि विद्यापीठ अध्यापक प्रवर्गासाठीचा हा टप्पा होता. मात्र कॉलेज प्राध्यापक आणि पदवीधर मतदारसंघाचा व्याप लक्षात घेता या दोन्ही निवडणुका दुसऱ्या टप्पात घेणार असल्याचे विद्यापीठाने जाहीर केले होते. त्यानुसार आता विद्यापीठाने सिनेट पदवीधर मतदारसंघाच्या निवडणुकीची घोषणा केली आहे. www.mu.ac.in या वेबसाइटवर सिनेट मतदारसंघाची मतदार यादी डाऊनलोड करता येईल. त्याचबरोबर विद्यापीठातील फोर्ट कॅम्पस येथे २५५० रु.ना ही यादी उपलब्ध होईल. सीडी स्वरूपातही यादी उपलब्ध असून, त्यासाठी २५० रु. आकारण्यात येतील. मतदानाची वेळ सकाळी ९ ते संध्याकाळी ५ अशी असेल. तर या निवडणुकीची अधिसूचना आणि निवडणूक कार्यक्रम २७ फेब्रुवारी रोजी विद्यापीठाच्या वेबसाइवर जाहीर करण्यात येईल.
'छात्रभारती' निवडणूक लढवणार
मुंबई विद्यापीठाच्या सिनेट निवडणुकीसाठी युवा सेना, महाराष्ट्र नवनिर्माण विद्यार्थी सेना, अखिल भारतीय विद्यार्थी परिषद यांसारख्या राजकीय पक्षांच्या विद्यार्थी संघटनांनी एकमेकांविरोधात रणशिंग फुंकले आहे. त्यातच छात्रभारती संघटनेनेही ही निवडणूक लढवण्याची घोषणा केली. ही निवडणूक पूर्ण ताकदीनिशी लढणार असल्याचे छात्रभारतीचे मुंबई अध्यक्ष सचिन बनसोडे यांनी संघटनेच्या सर्वसाधारण बेठकीत जाहीर केले.