State Government Clears Proposal Of Nightlife In Mumbai
आता मुंबई झोपणार नाही... 'नाइट लाइफ'ला राज्य मंत्रिमंडळाची मंजुरी
देशाची आर्थिक राजधानी असलेल्या मुंबईत येत्या २७ जानेवारीपासून 'नाइट लाइफ' सुरू होणार आहे. राज्याचे पर्यावरणमंत्री आदित्य ठाकरे यांच्या संकल्पनेतील या योजनेला राज्य मंत्रिमंडळानं आज मंजुरी दिली. या निर्णयानुसार मुंबईतील हॉटेल्स, रेस्टॉरंट व दुकानं २४ तास सुरू राहणार आहेत. मात्र, पब आणि बारसाठी वेळेची मर्यादा पूर्वीप्रमाणेच कायम राहणार आहे.
महाराष्ट्र टाइम्स.कॉम22 Jan 2020, 5:48 pm
मुंबई: देशाची आर्थिक राजधानी असलेल्या मुंबईत येत्या २७ जानेवारीपासून 'नाइट लाइफ' सुरू होणार आहे. राज्याचे पर्यावरणमंत्री आदित्य ठाकरे यांच्या संकल्पनेतील या योजनेला राज्य मंत्रिमंडळानं आज मंजुरी दिली. या निर्णयानुसार मुंबईतील हॉटेल्स, रेस्टॉरंट व दुकानं २४ तास सुरू राहणार आहेत. मात्र, पब आणि बारसाठी वेळेची मर्यादा पूर्वीप्रमाणेच कायम राहणार आहे.
महाराष्ट्र टाइम्स.कॉम
गृहमंत्री अनिल देशमुख व आदित्य ठाकरे यांनी स्वत: या निर्णयाची माहिती दिली. नाइट लाइफमुळं पोलिसांवर कोणताही ताण येणार नाही. तसंच, कायदा व सुव्यवस्थेचा प्रश्न निर्माण होणार नाही, असं देशमुख यांनी सांगितलं. नाइट लाइफ सुरू झाली तरी पब आणि बारला पूर्वीप्रमाणेच वेळेची मर्यादा राहील. पब आणि बार दीड वाजेपर्यंतच सुरू राहतील, असं त्यांनी स्पष्ट केलं. 'नाइट लाइफ' सुरू होणार असली तरी दुकानं उघडी ठेवण्याची सक्ती कुणावरही केली जाणार नाही. ती बाब पूर्णपणे ऐच्छिक असेल, असंही त्यांनी स्पष्ट केलं. आठवड्याभरात आस्थापन कोणत्या दिवशी बंद ठेवायचे, याचा निर्णय व्यावसायिकांचा असणार आहे.
'नाइट लाइफ'मुळं मुंबईत गुन्हेगारी वाढणार असल्याचा आरोप आदित्य ठाकरे यांनी स्पष्ट शब्दांत फेटाळून लावला. 'नाइट लाइफ हा रोजगाराच्या संधी देण्याचा एक प्रयत्न आहे. या प्रयोगावर टीका करणाऱ्यांनी या संदर्भातील शासन निर्णय वाचला असता तर त्यांनी अशी टीका केली नसती. वाचूनही ते टीका करत असतील तर तो त्यांच्या राजकारणाचा भाग आहे. मुंबईतील कायदा-सुव्यवस्थेबाबत बोलणाऱ्यांनी आधी जेएनयू व दिल्ली सांभाळावी. विद्यापीठं सुरळीत चालवावीत, मग मुंबईबद्दल बाता माराव्यात, संही त्यांनी सुनावलं.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.