म.टा. प्रतिनिधी, नागपूर
नागपूर महापालिका निवडणूक ऐन तोंडावर आली असताना प्रशासनाकडे ६०० ईव्हीएम (बॅलेट युनिट) कमी असल्याचे पुढे आले आहे. १५१ जागांसाठी १ हजार १४१ उमेदवार रिंगणात असून, या सर्व उमेदवारांची नावे ‘ईव्हीएम’वर आणण्यासाठी ९ हजार ६०० बॅलेट युनिटची गरज आहे. कंट्रोल युनिट पुरेसे असून, बॅलेट युनिटची गरज पूर्ण करण्यासाठी निवडणूक आयोगाकडे पत्रव्यवहार करण्यात आला आहे.
नागपूर महापालिका निवडणुकीसाठी २१ फेब्रुवारी रोजी मतदान घेण्यात येणार आहे. ७ फेब्रुवारी रोजी उमेदवारी अर्ज मागे घेण्याचा अंतिम दिवस होता. १५१ जागांसाठी १२ झोनमधून १ हजार ८१३ उमेदवारांनी अर्ज दाखल केले होते. यापैकी ४३३ उमेदवारांनी अर्ज मागे घेतल्यानंतर १ हजार १४१ उमेदवार रिंगणात आहेत. या सर्व उमेदवारांची नावे ईव्हीएमवर आणण्यासाठी ९ हजार ६०० बॅलेट युनिटची गरज आहे. एका कंट्रोल युनिटला चार बॅलेट युनिट जोडल्या जातात. यानुसार ३ हजार ८० कंट्रोल युनिटची गरज पडणार आहे. मनपा प्रशासनाकडे ३ हजार २०० कंट्रोल युनिट आहेत. बॅलेट छपाईचे काम सुरू असल्याचे मनपा प्रशासनाकडून सांगण्यात आले.
अनेक प्रभागांत लागणार चार ईव्हीएम
उमेदवारांच्या संख्येनुसार चार जागांवर उमेदवारांची आखणी करण्यात येणार आहे. अ, ब, क आणि ड नुसार उमेदवारांची नोंद करण्यात येणार आहे. प्रभाग क्रमांक ३, ६, ९, ५ आणि २० या ठिकाणी उमेदवारांची संख्या अधिक असल्याने इथे चार मशिनी लागणार आहेत. एका ईव्हीएमवर १६ बटना असतात. त्यापैकी एक बटन ‘नोटा’चे आणि अखेरचे बटन बंद राखीव असते. उमेदवारांसाठी १४ बटना वापरण्यात येणार आहेत.
...म्हणून लागणार जास्त
एका मशिनीवर १४ उमेदवारांची नोंद होणार आहे. यानुसार ४२ उमेदवरांसाठी तीन ईव्हीएम लागायला हव्या होत्या. मात्र, काही प्रभागांमध्ये ४२ उमेदवार असूनही तिथे चार ईव्हीएम लागत आहेत. उमेदवारांचे अ, ब, क, ड असे चार वर्ग करण्यात आले आहेत. ४२ उमेदवार असलेल्या एका प्रभागात अ मध्ये १२, ब मध्ये ८ क मध्ये ७ आणि ड मध्ये १५ उमेदवार आहेत. अ मध्ये १२ उमेदवारांची नावे नोंदविल्यानंतर एकट बटन नोटासाठी आणि दुसऱ्या उमेदवारांची नावे सुरू करण्यापूर्वी एक बटन रिकामे सोडावे लागते. त्यामुळे या प्रभागात एक ईव्हीएम जास्त लागणार आहेत. अशी स्थिती अनेक प्रभागांत निर्माण झाली असल्याने ईव्हीएमची गरज अधिक पडली असल्याचे मनपा प्रशासनाने कळविले आहे.
नागपूर महापालिका निवडणूक ऐन तोंडावर आली असताना प्रशासनाकडे ६०० ईव्हीएम (बॅलेट युनिट) कमी असल्याचे पुढे आले आहे. १५१ जागांसाठी १ हजार १४१ उमेदवार रिंगणात असून, या सर्व उमेदवारांची नावे ‘ईव्हीएम’वर आणण्यासाठी ९ हजार ६०० बॅलेट युनिटची गरज आहे. कंट्रोल युनिट पुरेसे असून, बॅलेट युनिटची गरज पूर्ण करण्यासाठी निवडणूक आयोगाकडे पत्रव्यवहार करण्यात आला आहे.
नागपूर महापालिका निवडणुकीसाठी २१ फेब्रुवारी रोजी मतदान घेण्यात येणार आहे. ७ फेब्रुवारी रोजी उमेदवारी अर्ज मागे घेण्याचा अंतिम दिवस होता. १५१ जागांसाठी १२ झोनमधून १ हजार ८१३ उमेदवारांनी अर्ज दाखल केले होते. यापैकी ४३३ उमेदवारांनी अर्ज मागे घेतल्यानंतर १ हजार १४१ उमेदवार रिंगणात आहेत. या सर्व उमेदवारांची नावे ईव्हीएमवर आणण्यासाठी ९ हजार ६०० बॅलेट युनिटची गरज आहे. एका कंट्रोल युनिटला चार बॅलेट युनिट जोडल्या जातात. यानुसार ३ हजार ८० कंट्रोल युनिटची गरज पडणार आहे. मनपा प्रशासनाकडे ३ हजार २०० कंट्रोल युनिट आहेत. बॅलेट छपाईचे काम सुरू असल्याचे मनपा प्रशासनाकडून सांगण्यात आले.
अनेक प्रभागांत लागणार चार ईव्हीएम
उमेदवारांच्या संख्येनुसार चार जागांवर उमेदवारांची आखणी करण्यात येणार आहे. अ, ब, क आणि ड नुसार उमेदवारांची नोंद करण्यात येणार आहे. प्रभाग क्रमांक ३, ६, ९, ५ आणि २० या ठिकाणी उमेदवारांची संख्या अधिक असल्याने इथे चार मशिनी लागणार आहेत. एका ईव्हीएमवर १६ बटना असतात. त्यापैकी एक बटन ‘नोटा’चे आणि अखेरचे बटन बंद राखीव असते. उमेदवारांसाठी १४ बटना वापरण्यात येणार आहेत.
...म्हणून लागणार जास्त
एका मशिनीवर १४ उमेदवारांची नोंद होणार आहे. यानुसार ४२ उमेदवरांसाठी तीन ईव्हीएम लागायला हव्या होत्या. मात्र, काही प्रभागांमध्ये ४२ उमेदवार असूनही तिथे चार ईव्हीएम लागत आहेत. उमेदवारांचे अ, ब, क, ड असे चार वर्ग करण्यात आले आहेत. ४२ उमेदवार असलेल्या एका प्रभागात अ मध्ये १२, ब मध्ये ८ क मध्ये ७ आणि ड मध्ये १५ उमेदवार आहेत. अ मध्ये १२ उमेदवारांची नावे नोंदविल्यानंतर एकट बटन नोटासाठी आणि दुसऱ्या उमेदवारांची नावे सुरू करण्यापूर्वी एक बटन रिकामे सोडावे लागते. त्यामुळे या प्रभागात एक ईव्हीएम जास्त लागणार आहेत. अशी स्थिती अनेक प्रभागांत निर्माण झाली असल्याने ईव्हीएमची गरज अधिक पडली असल्याचे मनपा प्रशासनाने कळविले आहे.