म. टा. प्रतिनिधी, नागपूर
एअरपोर्ट साउथ ते खापरी हा मार्ग पूर्ण करून २०१७ मध्येच मेट्रो रेल्वेची ट्रायल सुरू करण्याचे नियोजन करण्यात आले आहे. निर्धारित केलेल्या मुदतीच्या आतच मेट्रो धावावी, यासाठी महामेट्रोच्या अधिकाऱ्यांमध्ये तारेवरची कसरत सुरू आहे. ३० जूनचे उद्दिष्ट दिल्यानंतर आता पुन्हा महिन्याभराने उद्दिष्ट वाढवून देऊन मार्ग पूर्ण करण्याचे निर्देश महामेट्रोच्या वरिष्ठांकडून देण्यात आले आहे.
ऑटोमोटिव्ह चौक ते मिहान आणि प्रजापतीनगर ते लोकमान्य नगर या ३८ किलोमीटरच्या मार्गावर मेट्रो रेल्वे धावणार आहे. प्रकल्पाचे सुमारे ३५ टक्क्यांपेक्षा अधिक काम आतापर्यंत पूर्ण झाले असले तरी एअरपोर्ट साउथ ते खापरी या पाच किमीच्या मार्गावर मेट्रो रेल्वे याच वर्षी धावणार आहे. मुदतीच्या आतच काम पूर्ण व्हावे, यासाठी मेट्रोच्या कार्यालयांमध्ये वेळेची जाणीव करून देणारे काउंटडाऊन लावण्यात आले आहे. ९० दिवस पूर्वी म्हणजे ३० जून २०१७ रोजी हे काम पूर्ण होण्याची मुदत देण्यात आली होती. आता पुन्हा ही मुदत वाढवून देण्यात आली आहे. काम पूर्ण करण्यासाठी आता पुन्हा १ महिन्याचे उद्दिष्ट देण्यात आले आहे.
जुलैपर्यंत पूर्ण मार्ग तयार होऊन वीजेच्या तारा टाकण्याचे कामही पूर्ण होणार आहे. ऑगस्टपर्यंत स्टेशनवरील कामही पूर्ण होईल. हैदराबादवरून कोच आणून सप्टेंबरमध्ये प्रत्यक्ष चालविण्याचे उद्दिष्ट आता ठेवण्यात आले आहे. कमिश्नर ऑफ मेट्रो रेल सेफ्टी यांच्याकडून या मार्गाचे परीक्षण करण्यात येईल. त्यानंतर त्यांच्याकडून ग्रीन सिग्नल मिळाल्यानंतर प्रत्यक्षात या मार्गावर मेट्रो रेल्वे धावण्यात येणार असल्याचे महामेट्रोकडून सांगण्यात आले.
उद्दिष्ट गाठण्यासाठी धावपळ
एअरपोर्ट साउथ ते खापरी या पाच किमीच्या मार्गावर तीन स्टेशन येणार आहेत. एअरपोर्ट साउथ, न्यू एअरपोर्ट आणि खापरी अशी स्टेशनची नावे आहेत. एअरपोर्ट साउथ ते न्यू एअरपोर्ट हा मार्ग दीड किलोमीटरचा आहे. न्यूएअरपोर्ट ते खापरी हा मार्ग २ किलोमीटरचा आहे. मिहान डेपोपर्यंत जाण्यासाठी आणखी १.३ कोलोमीटरचा मार्ग असेल. एअरपोर्ट साउथ ते एअरपोर्टपर्यंत जाण्यासाठी ३०० मीटरचा रिव्हर्ससाठी मार्ग तयार करण्यात येत आहे. मेट्रो रेल्वेचा साडेतीन किलोमीटरचा मार्ग तयार झाला असला तरी प्रत्यक्ष मेट्रो रेल्वे धावण्यासाठी विजेची आवश्यकता आहे. त्यामुळे ओएचई (ओव्हर हेड इलेक्ट्रिक) विजेचे खांब उभे करण्यात आले आहे. विजेच्या तारा टाकण्याचे कामही अंतिम टप्प्यात आहे. मेट्रोला वीजपुरवठा व्हावा, यासाठी मिहान डेपो येथे पॉवर हाऊस तयार करण्यात आले आहे. या पॉवर हाऊसपर्यंत वीज पोहोचविण्यासाठी वापरण्यात येणारे केबलही सुरक्षित राहावे, यासाठी अॅस्थेटिक केबल ट्रेचा वापर करण्यात येत आहे. डेपोवर विजेच्या तारा लावण्याचे काम सध्या सुरू आहे. कामाचा वेग अधिक वाढवा, अशा सूचना वरिष्ठांकडून देण्यात आल्या आहे.
एअरपोर्ट साउथ ते खापरी हा मार्ग पूर्ण करून २०१७ मध्येच मेट्रो रेल्वेची ट्रायल सुरू करण्याचे नियोजन करण्यात आले आहे. निर्धारित केलेल्या मुदतीच्या आतच मेट्रो धावावी, यासाठी महामेट्रोच्या अधिकाऱ्यांमध्ये तारेवरची कसरत सुरू आहे. ३० जूनचे उद्दिष्ट दिल्यानंतर आता पुन्हा महिन्याभराने उद्दिष्ट वाढवून देऊन मार्ग पूर्ण करण्याचे निर्देश महामेट्रोच्या वरिष्ठांकडून देण्यात आले आहे.
ऑटोमोटिव्ह चौक ते मिहान आणि प्रजापतीनगर ते लोकमान्य नगर या ३८ किलोमीटरच्या मार्गावर मेट्रो रेल्वे धावणार आहे. प्रकल्पाचे सुमारे ३५ टक्क्यांपेक्षा अधिक काम आतापर्यंत पूर्ण झाले असले तरी एअरपोर्ट साउथ ते खापरी या पाच किमीच्या मार्गावर मेट्रो रेल्वे याच वर्षी धावणार आहे. मुदतीच्या आतच काम पूर्ण व्हावे, यासाठी मेट्रोच्या कार्यालयांमध्ये वेळेची जाणीव करून देणारे काउंटडाऊन लावण्यात आले आहे. ९० दिवस पूर्वी म्हणजे ३० जून २०१७ रोजी हे काम पूर्ण होण्याची मुदत देण्यात आली होती. आता पुन्हा ही मुदत वाढवून देण्यात आली आहे. काम पूर्ण करण्यासाठी आता पुन्हा १ महिन्याचे उद्दिष्ट देण्यात आले आहे.
जुलैपर्यंत पूर्ण मार्ग तयार होऊन वीजेच्या तारा टाकण्याचे कामही पूर्ण होणार आहे. ऑगस्टपर्यंत स्टेशनवरील कामही पूर्ण होईल. हैदराबादवरून कोच आणून सप्टेंबरमध्ये प्रत्यक्ष चालविण्याचे उद्दिष्ट आता ठेवण्यात आले आहे. कमिश्नर ऑफ मेट्रो रेल सेफ्टी यांच्याकडून या मार्गाचे परीक्षण करण्यात येईल. त्यानंतर त्यांच्याकडून ग्रीन सिग्नल मिळाल्यानंतर प्रत्यक्षात या मार्गावर मेट्रो रेल्वे धावण्यात येणार असल्याचे महामेट्रोकडून सांगण्यात आले.
उद्दिष्ट गाठण्यासाठी धावपळ
एअरपोर्ट साउथ ते खापरी या पाच किमीच्या मार्गावर तीन स्टेशन येणार आहेत. एअरपोर्ट साउथ, न्यू एअरपोर्ट आणि खापरी अशी स्टेशनची नावे आहेत. एअरपोर्ट साउथ ते न्यू एअरपोर्ट हा मार्ग दीड किलोमीटरचा आहे. न्यूएअरपोर्ट ते खापरी हा मार्ग २ किलोमीटरचा आहे. मिहान डेपोपर्यंत जाण्यासाठी आणखी १.३ कोलोमीटरचा मार्ग असेल. एअरपोर्ट साउथ ते एअरपोर्टपर्यंत जाण्यासाठी ३०० मीटरचा रिव्हर्ससाठी मार्ग तयार करण्यात येत आहे. मेट्रो रेल्वेचा साडेतीन किलोमीटरचा मार्ग तयार झाला असला तरी प्रत्यक्ष मेट्रो रेल्वे धावण्यासाठी विजेची आवश्यकता आहे. त्यामुळे ओएचई (ओव्हर हेड इलेक्ट्रिक) विजेचे खांब उभे करण्यात आले आहे. विजेच्या तारा टाकण्याचे कामही अंतिम टप्प्यात आहे. मेट्रोला वीजपुरवठा व्हावा, यासाठी मिहान डेपो येथे पॉवर हाऊस तयार करण्यात आले आहे. या पॉवर हाऊसपर्यंत वीज पोहोचविण्यासाठी वापरण्यात येणारे केबलही सुरक्षित राहावे, यासाठी अॅस्थेटिक केबल ट्रेचा वापर करण्यात येत आहे. डेपोवर विजेच्या तारा लावण्याचे काम सध्या सुरू आहे. कामाचा वेग अधिक वाढवा, अशा सूचना वरिष्ठांकडून देण्यात आल्या आहे.