म.टा. प्रतिनिधी, नागपूर
इंग्रजी विषयाच्या ऑनलाइन टायपिंग परीक्षेत जवळपास १५ विद्यार्थ्यांना तांत्रिक अडचणींचा फटका बसला. दीड तास अधिकचा वेळ देऊन पुन्हा परीक्षा घेण्याची नामुष्की प्रशासनावर ओढवली. प्रशासनाच्या हलगर्जीपणाचा नाहक त्रास विद्यार्थ्यांना झाला. मात्र, त्यानंतर महाराष्ट्र राज्य परीक्षा परिषदेने सावरासावर करून विद्यार्थ्यांना दिलासा दिला.
राज्यात १७, १८ आणि १९ एप्रिल रोजी पहिल्यांदा ऑनलाइन इंग्रजी विषयावर टायपिंग परीक्षा घेण्यात आली. यात विद्यार्थ्यांनी सकाळी ९.३०, दुपारी १२ आणि २.३० वाजता या वेळेत परीक्षा दिल्या. आधीच सॉफ्टवेअर आणि विजेचा कधीही प्रश्न निर्माण होऊ शकतो, यासाठी महाराष्ट्र राज्य परीक्षा परिषदेने परीक्षेच्या दिवशी सायंकाळी ५ ते ६.३० ही वेळ राखीव ठेवली होती. त्याचा लाभ विद्यार्थ्यांना मिळाला. पहिल्यांदाच होणाऱ्या ऑनलाइन टायपिंग परीक्षेसाठी राज्यात ७८ आणि नागपूर जिल्ह्यात ३ परीक्षा केंद्र आहेत. शहरात कमला नेहरू आणि धनवटे नॅशनल कॉलेजमध्ये परीक्षा सुरू आहे. इंग्रजीच्या पेपरमध्ये विद्यार्थ्यांना वैकल्पिक, पत्र, ई-मेल, स्टेटमेंट आणि पॅसेज विषय देण्यात आले होते. इंग्रजीच्या पेपरमध्ये काही विद्यार्थ्यांना नवे की-बोर्ड असल्याने मजकूर टाइप करताना त्रास झाला होता. ही बाब विचारात संस्थेतील की-बोर्डची घेऊन येण्याची मुभा द्यावी, अशी मागणी विद्यार्थ्यांनी परिषदेकडे केली आहे. यावर सध्या विचार सुरू आहे. येत्या २३ आणि २४ एप्रिल रोजी मराठी आणि हिंदी विषयाची परीक्षा होणार आहे.
इंग्रजी विषयाच्या ऑनलाइन टायपिंग परीक्षेत जवळपास १५ विद्यार्थ्यांना तांत्रिक अडचणींचा फटका बसला. दीड तास अधिकचा वेळ देऊन पुन्हा परीक्षा घेण्याची नामुष्की प्रशासनावर ओढवली. प्रशासनाच्या हलगर्जीपणाचा नाहक त्रास विद्यार्थ्यांना झाला. मात्र, त्यानंतर महाराष्ट्र राज्य परीक्षा परिषदेने सावरासावर करून विद्यार्थ्यांना दिलासा दिला.
राज्यात १७, १८ आणि १९ एप्रिल रोजी पहिल्यांदा ऑनलाइन इंग्रजी विषयावर टायपिंग परीक्षा घेण्यात आली. यात विद्यार्थ्यांनी सकाळी ९.३०, दुपारी १२ आणि २.३० वाजता या वेळेत परीक्षा दिल्या. आधीच सॉफ्टवेअर आणि विजेचा कधीही प्रश्न निर्माण होऊ शकतो, यासाठी महाराष्ट्र राज्य परीक्षा परिषदेने परीक्षेच्या दिवशी सायंकाळी ५ ते ६.३० ही वेळ राखीव ठेवली होती. त्याचा लाभ विद्यार्थ्यांना मिळाला. पहिल्यांदाच होणाऱ्या ऑनलाइन टायपिंग परीक्षेसाठी राज्यात ७८ आणि नागपूर जिल्ह्यात ३ परीक्षा केंद्र आहेत. शहरात कमला नेहरू आणि धनवटे नॅशनल कॉलेजमध्ये परीक्षा सुरू आहे. इंग्रजीच्या पेपरमध्ये विद्यार्थ्यांना वैकल्पिक, पत्र, ई-मेल, स्टेटमेंट आणि पॅसेज विषय देण्यात आले होते. इंग्रजीच्या पेपरमध्ये काही विद्यार्थ्यांना नवे की-बोर्ड असल्याने मजकूर टाइप करताना त्रास झाला होता. ही बाब विचारात संस्थेतील की-बोर्डची घेऊन येण्याची मुभा द्यावी, अशी मागणी विद्यार्थ्यांनी परिषदेकडे केली आहे. यावर सध्या विचार सुरू आहे. येत्या २३ आणि २४ एप्रिल रोजी मराठी आणि हिंदी विषयाची परीक्षा होणार आहे.