मेनरोड
कारवाई केव्हा?
एकीकडे करोनाचा प्रादुर्भाव वाढतच आहे. दुसरीकडे बाजारपेठेतील गर्दी अद्याप कमी झालेली नाही. त्यामुळे मोठ्या प्रमाणात वाहतूक कोंडी होत आहे. मात्र, पोलिसांनी अजूनही बेशिस्त वाहनचालकांवर कारवाई सुरू केलेली नाही. त्यामुळे अनेकांचे फावते आहे.
- योगेश शिंदे
- -
इंदिरानगर
दुरुस्ती गरजेची
शहरात मान्सून पूर्व कामे अजूनही सुरूच आहेत. महावितरणतर्फे झाडांच्या फांद्या छाटल्या जात आहेत. मात्र, अनेक भागातील वीजेच्या डीपी खुल्या आहेत. त्यामुळे ऐन पावसाळ्यात अपघाताची शक्यता नाकारता येत नाही. महावितरणने डीपीच्या दुरूस्तीकडे लक्ष द्यायला हवे.
- राजेंद्र जोशी
- -
शालिमार
सुरक्षेचे काय?
परशुराम सायखेडकर नाट्यगृहाकडून नेहरू उद्यानाकडे जाणाऱ्या रस्त्यावरील विद्युत खांब वाकलेला आहे. या खांबाजवळ अनेकदा कचरा साचलेला असतो. काहीजण या ठिकाणी सिगारेट ओढतात. त्यामुळे शॉर्टसर्किट होण्याचा धोका अधिक आहे. याकडे प्रशासनाने लक्ष देणे अपेक्षित आहे. विद्युत सुरक्षेसाठी उपाययोजना करावी.
- अंशुमन शिरोरे
- -
पाथर्डीरोड
पथदीप बंद
वडाळा-पाथर्डी रोड इंदिरानगरमधील सदिच्छा नगर कॉर्नर ते सुदर्शन कॉलनी रस्त्यावर पथदीप बंद आहेत. गेल्या दीड वर्षांपासून या ठिकाणी पथदीप बंद आहेत. मात्र, प्रशासन याकडे लक्ष देत नाही. कित्येक महिने हे दिवे बंद आहेत. पावसाळ्यात या ठिकाणी अपघात होण्याची शक्यता नाकारता येत नाही. प्रशासनाकडे वेळीच लक्ष द्यायला हवे.
- शरदचंद्र भालेराव
- -
नाशिक
निर्बंध वाढवावे
शहरात करोना रुग्णांची संख्या दिवसेंदिवस वाढत आहे. मात्र शहरातील बाजारपेठेतील गर्दी वाढतच आहे. यामुळे करोनाचा प्रादुर्भाव अधिक वाढू शकतो. प्रशासनाने करोनाची रुग्णसंख्या कमी होईपर्यंत पुन्हा निर्बंध वाढविण्याची आवश्यकता आहे.
- आकाश घाडगे