पिंपरी:
घरात न सांगता निघून गेलेल्या सतरा वर्षाच्या मुलीवर तिघांनी बलात्कार केल्याचा धक्कादायक प्रकार उघडकीस आला आहे. तीन वेगवेगळ्या ठिकाणी उबर चालकासह तिघांनी हा प्रकार केला असून, यातील दोघांना अटक करण्यात आली आहे. ११ सप्टेंबर ते १३ ऑक्टोबर दरम्यान ही घटना घडली. एका बेपत्ता महिलेचा शोध घेत असताना हा सर्व प्रकार उडकीस आला आहे.
अब्दुल अहमद शेख (वय ३३, रा. काटे वस्ती, दिघी) व विजय हनुमंत ननवरे (वय ३०, रा. चक्रपाणी वसाहत, भोसरी) या दोघांना आळंदी पोलिसांनी अटक केली आहे. तर एकजण फरारी आहे. या प्रकरणी पीडित मुलीच्या आईने फिर्याद दिली आहे. पोलिसांनी दिलेल्या माहितीनुसार, आळंदी पोलिस ठाण्याच्या हद्दीतून एक सतरा वर्षाची मुलगी बेपत्ता झाली होती. तर निगडी यमुनानगर येथूनही एक महिला बेपत्ता झाली असून, तिचा शोध निगडी पोलिस घेत होते.
निगडी पोलिसांना आळंदी येथून बेपत्ता झालेली मुलगी सापडली.
त्या मुलीला आळंदी पोलिसांकडे सुपूर्त करण्यात आले. महिला पोलिस कर्मचाऱ्यांनी व पीडितेच्या आईने तिला विश्वासात घेऊन एवढे दिवस कुठे होतीस, अशी विचारपूस केली. तेव्हा सर्व प्रकार उघडकीस आला. पीडिता राहत्या घरातून पायी चालत विश्रांतवाडी येथे जात असताना तिला रामचंद्र नावाच्या कारचालकाने गाडीत बसवून चंदननगर येथील लॉजवर नेले व तेथे तिच्यावर बलात्कार केला. त्यानंतर दुसऱ्या दिवशी त्याने तिला विमाननगर येथे सोडले.
तेथे ओला-उबर कारचालक अब्दुल शेख हा भेटला. त्याने तिची चौकशी करून त्याच्या घरी नेले. काही दिवस घरी ठेऊन चक्रपाणी वसाहत भोसरी येथे राहणाऱ्या त्याचा मित्र विजय ननवरे याच्या घरी सोडले. विजय याने मुलीवर दोन दिवस अत्याचार केले. काही दिवसांनी अब्दुल शेख हा मित्रास भेटण्यास आला. त्यावेळी अब्दुल यानेही तिच्यावर अत्याचार केले. त्यानंतर दोन तीन दिवसांनी तिला या दोघांनी सोडून दिले, अशी माहिती पीडित मुलीने पोलिसांना दिली. आळंदी पोलिसांनी पीडितेच्या बेपत्ता प्रकरणात अपहरणाचा गुन्हा दाखल केला होता. त्यामध्ये आता वाढ करून, बाल लैंगिक अत्याचार व बलात्कारासह अन्य गुन्ह्यांची वाढ करण्यात आली आहे. वरिष्ठ निरीक्षक रवींद्र चौधर तपास करीत आहेत.
घरात न सांगता निघून गेलेल्या सतरा वर्षाच्या मुलीवर तिघांनी बलात्कार केल्याचा धक्कादायक प्रकार उघडकीस आला आहे. तीन वेगवेगळ्या ठिकाणी उबर चालकासह तिघांनी हा प्रकार केला असून, यातील दोघांना अटक करण्यात आली आहे. ११ सप्टेंबर ते १३ ऑक्टोबर दरम्यान ही घटना घडली. एका बेपत्ता महिलेचा शोध घेत असताना हा सर्व प्रकार उडकीस आला आहे.
अब्दुल अहमद शेख (वय ३३, रा. काटे वस्ती, दिघी) व विजय हनुमंत ननवरे (वय ३०, रा. चक्रपाणी वसाहत, भोसरी) या दोघांना आळंदी पोलिसांनी अटक केली आहे. तर एकजण फरारी आहे. या प्रकरणी पीडित मुलीच्या आईने फिर्याद दिली आहे. पोलिसांनी दिलेल्या माहितीनुसार, आळंदी पोलिस ठाण्याच्या हद्दीतून एक सतरा वर्षाची मुलगी बेपत्ता झाली होती. तर निगडी यमुनानगर येथूनही एक महिला बेपत्ता झाली असून, तिचा शोध निगडी पोलिस घेत होते.
निगडी पोलिसांना आळंदी येथून बेपत्ता झालेली मुलगी सापडली.
त्या मुलीला आळंदी पोलिसांकडे सुपूर्त करण्यात आले. महिला पोलिस कर्मचाऱ्यांनी व पीडितेच्या आईने तिला विश्वासात घेऊन एवढे दिवस कुठे होतीस, अशी विचारपूस केली. तेव्हा सर्व प्रकार उघडकीस आला. पीडिता राहत्या घरातून पायी चालत विश्रांतवाडी येथे जात असताना तिला रामचंद्र नावाच्या कारचालकाने गाडीत बसवून चंदननगर येथील लॉजवर नेले व तेथे तिच्यावर बलात्कार केला. त्यानंतर दुसऱ्या दिवशी त्याने तिला विमाननगर येथे सोडले.
तेथे ओला-उबर कारचालक अब्दुल शेख हा भेटला. त्याने तिची चौकशी करून त्याच्या घरी नेले. काही दिवस घरी ठेऊन चक्रपाणी वसाहत भोसरी येथे राहणाऱ्या त्याचा मित्र विजय ननवरे याच्या घरी सोडले. विजय याने मुलीवर दोन दिवस अत्याचार केले. काही दिवसांनी अब्दुल शेख हा मित्रास भेटण्यास आला. त्यावेळी अब्दुल यानेही तिच्यावर अत्याचार केले. त्यानंतर दोन तीन दिवसांनी तिला या दोघांनी सोडून दिले, अशी माहिती पीडित मुलीने पोलिसांना दिली. आळंदी पोलिसांनी पीडितेच्या बेपत्ता प्रकरणात अपहरणाचा गुन्हा दाखल केला होता. त्यामध्ये आता वाढ करून, बाल लैंगिक अत्याचार व बलात्कारासह अन्य गुन्ह्यांची वाढ करण्यात आली आहे. वरिष्ठ निरीक्षक रवींद्र चौधर तपास करीत आहेत.