म. टा. प्रतिनिधी, पुणे
बिकट परिस्थितीशी झुंज देऊन दहावीच्या परीक्षेत यशाचे उत्तुंग शिखर गाठणाऱ्या पंधरा गुणवंतांना ‘महाराष्ट्र टाइम्स’च्या वाचकांनी भरभरून कोटीमोलाची मदत केली असून, ती त्यांना आज, रविवारी समारंभपूर्वक प्रदान करण्यात येणार आहे. कर्तृत्व आणि दातृत्व यांचा मिलाफ असलेला ‘मटा हेल्पलाइन’चा हा कार्यक्रम सकाळी साडेदहा वाजता स. प. महाविद्यालयाच्या देवी रमाबाई सभागृहात होणार असून, त्यासाठी सर्वांना आग्रहाचे निमंत्रण आहे. माजी सनदी अधिकारी आणि ‘चाणक्य मंडल’चे संचालक अविनाश धर्माधिकारी या वेळी विद्यार्थ्यांशी संवाद साधणार आहेत.
प्रतिकूलतेवर मात करून यशस्वी झालेल्या गुणवंत विद्यार्थ्यांच्या उच्च शिक्षणाचे स्वप्न साकारण्यासाठी समाजाकडून मदत मिळवण्यासाठी ‘मटा हेल्पलाइन’चा उपक्रम राबवण्यात येतो. यंदा या उपक्रमासाठी पंधरा विद्यार्थ्यांची निवड करण्यात आली होती. त्या सर्वांना ‘मटा’च्या वाचकांनी अतिशय चांगली मदत केली आहे. त्यामुळे उच्च शिक्षणासाठीचा त्यांचा मार्ग सुकर होणार आहे. पुण्यासह पिंपरी-चिंचवड, जिल्हा आणि सोलापूर, सातारा अशा अनेक ठिकाणांहून वाचकांनी आवर्जून मदतीचे चेक ‘मटा’कडे पाठवले. खाऊचे पैसे, पहिल्या कमाईतील वाटा आणि पेन्शनच्या रकमेतील आशीर्वाद या गुणवंतांना देऊन ‘हेल्पलाइन’ला वाचकांनी भरभरून प्रतिसाद दिला. हे सर्व चेक आज अविनाश धर्माधिकारी यांच्या हस्ते या विद्यार्थ्यांना देण्यात येणार आहेत.
आर्थिक अडचण, शैक्षणिक साधने किंवा महागड्या क्लासेसमधील मार्गदर्शनाचा अभाव अशा परिस्थितीत जिद्दीने दिवसरात्र मेहनत करणाऱ्या या विद्यार्थ्यांची यशोगाथा खुद्द त्यांच्याच तोंडून ऐकणे, हाही हृदयस्पर्शी अनुभव असतो. त्यामुळेच या सोहळ्याला नेहमीच भावनेची किनार लाभते. त्याबरोबरच विद्यार्थ्यांमध्ये प्रिय ठरलेल्या धर्माधिकारी यांच्या प्रेरणादायी संवादाचीही मेजवानी या निमित्ताने उपस्थितांना मिळणार आहे. यापूर्वी या उपक्रमात सहभागी झालेल्या विद्यार्थ्यांच्या प्रगतीचाही आढावा या वेळी घेण्यात येणार आहे. या सोहळ्यासाठी सर्वांना ‘मटा’चे आग्रहपूर्वक निमंत्रण.
आजचा कार्यक्रम सर्वांसाठी खुला
स्थळ : देवी रमाबाई सभागृह, स. प. महाविद्यालय
प्रमुख पाहुणे : माजी सनदी अधिकारी आणि ‘चाणक्य मंडल’चे संचालक अविनाश धर्माधिकारी
वेळ : सकाळी १०.३०
बिकट परिस्थितीशी झुंज देऊन दहावीच्या परीक्षेत यशाचे उत्तुंग शिखर गाठणाऱ्या पंधरा गुणवंतांना ‘महाराष्ट्र टाइम्स’च्या वाचकांनी भरभरून कोटीमोलाची मदत केली असून, ती त्यांना आज, रविवारी समारंभपूर्वक प्रदान करण्यात येणार आहे. कर्तृत्व आणि दातृत्व यांचा मिलाफ असलेला ‘मटा हेल्पलाइन’चा हा कार्यक्रम सकाळी साडेदहा वाजता स. प. महाविद्यालयाच्या देवी रमाबाई सभागृहात होणार असून, त्यासाठी सर्वांना आग्रहाचे निमंत्रण आहे. माजी सनदी अधिकारी आणि ‘चाणक्य मंडल’चे संचालक अविनाश धर्माधिकारी या वेळी विद्यार्थ्यांशी संवाद साधणार आहेत.
प्रतिकूलतेवर मात करून यशस्वी झालेल्या गुणवंत विद्यार्थ्यांच्या उच्च शिक्षणाचे स्वप्न साकारण्यासाठी समाजाकडून मदत मिळवण्यासाठी ‘मटा हेल्पलाइन’चा उपक्रम राबवण्यात येतो. यंदा या उपक्रमासाठी पंधरा विद्यार्थ्यांची निवड करण्यात आली होती. त्या सर्वांना ‘मटा’च्या वाचकांनी अतिशय चांगली मदत केली आहे. त्यामुळे उच्च शिक्षणासाठीचा त्यांचा मार्ग सुकर होणार आहे. पुण्यासह पिंपरी-चिंचवड, जिल्हा आणि सोलापूर, सातारा अशा अनेक ठिकाणांहून वाचकांनी आवर्जून मदतीचे चेक ‘मटा’कडे पाठवले. खाऊचे पैसे, पहिल्या कमाईतील वाटा आणि पेन्शनच्या रकमेतील आशीर्वाद या गुणवंतांना देऊन ‘हेल्पलाइन’ला वाचकांनी भरभरून प्रतिसाद दिला. हे सर्व चेक आज अविनाश धर्माधिकारी यांच्या हस्ते या विद्यार्थ्यांना देण्यात येणार आहेत.
आर्थिक अडचण, शैक्षणिक साधने किंवा महागड्या क्लासेसमधील मार्गदर्शनाचा अभाव अशा परिस्थितीत जिद्दीने दिवसरात्र मेहनत करणाऱ्या या विद्यार्थ्यांची यशोगाथा खुद्द त्यांच्याच तोंडून ऐकणे, हाही हृदयस्पर्शी अनुभव असतो. त्यामुळेच या सोहळ्याला नेहमीच भावनेची किनार लाभते. त्याबरोबरच विद्यार्थ्यांमध्ये प्रिय ठरलेल्या धर्माधिकारी यांच्या प्रेरणादायी संवादाचीही मेजवानी या निमित्ताने उपस्थितांना मिळणार आहे. यापूर्वी या उपक्रमात सहभागी झालेल्या विद्यार्थ्यांच्या प्रगतीचाही आढावा या वेळी घेण्यात येणार आहे. या सोहळ्यासाठी सर्वांना ‘मटा’चे आग्रहपूर्वक निमंत्रण.
आजचा कार्यक्रम सर्वांसाठी खुला
स्थळ : देवी रमाबाई सभागृह, स. प. महाविद्यालय
प्रमुख पाहुणे : माजी सनदी अधिकारी आणि ‘चाणक्य मंडल’चे संचालक अविनाश धर्माधिकारी
वेळ : सकाळी १०.३०