चिपळूण : कोकण रेल्वे मार्गावरील आडवली स्थानकावर लूप लाइनचे काम केले जाणार आहे. त्यासाठी निवसर ते विलवडे स्थानकांदरम्यान मेगाब्लॉक घेतला जाणार असल्याने उद्या, शुक्रवारी रात्री पावणेबारापासून शनिवारी सकाळी पावणेआठपर्यंत असे आठ तास कोकण रेल्वेची वाहतूक मंदावणार आहे. याचा परिणाम मुंबई-मंगळुरू, गांधीग्राम-नागरकोईल, कोचुवेल्ली-डेहराडून, दादर-सावंतवाडी तुतारी, एर्नाकुलम-हजरत निजामुद्दीन मंगला, एल.टी.टी.-मडगाव डबल डेकर, कोचुवेल्ली-इंदूर, मडगाव-रत्नागिरी आणि रत्नागिरी-मडगाव या एक्स्प्रेस गाड्यांच्या वाहतुकीवर होणार आहे.
कोकण रेल्वेवर उद्या आठ तासांचा ब्लॉक
कोकण रेल्वे मार्गावरील आडवली स्थानकावर लूप लाइनचे काम केले जाणार आहे...
महाराष्ट्र टाइम्स.कॉम 26 Dec 2019, 4:00 am