सोलापूर : 'एकादशीच्या दिवशी चांद्रयान अंतराळात सोडल्यानेच अमेरिकेची चांद्रमोहीम यशस्वी झाली,' असे अजब तर्कट शिवप्रतिष्ठान हिंदुस्थानचे संस्थापक संभाजी भिडे यांनी मांडले. या वक्तव्यामुळे भिडेंवर चौफेर टीका होत आहे. नवरात्रीमध्ये शिवप्रतिष्ठानच्या वतीने दुर्गामाता दौडीचे आयोजन करण्यात आले आहे. त्याच्या तयारीसाठी आयोजित करण्यात आलेल्या बैठकीला मार्गदर्शन करताना संभाजी भिडे यांनी हा अजब दावा केला. भिडे म्हणाले, 'ब्रह्मांडातील नक्षत्रांची स्थिती एकादशीला संतुलित असते. त्यामुळेच अमेरिकेने एकादशीच्या दिवशी त्यांचे चांद्रयान अंतराळात सोडल्याने त्यांची मोहीम यशस्वी झाली. भारतीय कालमापन पद्धतीमुळेच हे शक्य झाले. भारतीय कालमापन पद्धतीत एका सेकंदाचा हजारावा भाग मोजण्याची क्षमता आहे. त्यामुळेच चांद्रमोहीम राबविताना अमेरिकेने आपल्या कालमापन पद्धतीचा आधार घेतला. चंद्रावर उपग्रह सोडण्याचे अमेरिकेचे ३८ प्रयत्न अयशस्वी ठरले. त्यानंतर नासाच्या वैज्ञानिकांनी आपल्या कालमापन पद्धतीचा अभ्यास केला आणि एकादशीच्या दिवशी उपग्रह अंतराळात सोडून चांद्रयान मोहीम फत्ते केली.'
एकादशीला यान सोडल्याने अमेरिकेला यश
'एकादशीच्या दिवशी चांद्रयान अंतराळात सोडल्यानेच अमेरिकेची चांद्रमोहीम यशस्वी झाली,' असे अजब तर्कट शिवप्रतिष्ठान हिंदुस्थानचे संस्थापक संभाजी भिडे ...
महाराष्ट्र टाइम्स.कॉम 10 Sep 2019, 4:00 am