म. टा. प्रतिनिधी, ठाणे
ठाण्यात आयोजित करण्यात आलेल्या सीकेपी खाद्यमहोत्सवाला अखेरच्या दिवशी वादाचे गालबोट लागले. खवय्यांसाठी आयोजित करण्यात आलेला हा महोत्सव व्यावसायिक असताना या ठिकाणी काही स्टॉलधारकांनी घरगुती सिलिंडर वापरल्यामुळे ही कारवाई करण्यात आली. अग्निशमन विभागाला मिळालेल्या माहितीवरून पथकाने घटनास्थळी पोहोचून येथील पाहणी केली. त्यावेळी घरगुती वापराचे पाच सिलिंडर जप्त करण्यात आले. तसेच त्यानंतर काही तासांमध्ये हा महोत्सव आवरण्यात आला, अशी माहिती ठाणे अग्निशमन विभागाचे प्रमुश शशिकांत काळे यांनी दिली.
ठाणे शहरातील खवय्यांना लज्जतदार खाद्याचा पुरेपूर आस्वाद देणारा सीकेपी खाद्यमहोत्सव खाद्यरसिकांसाठी मेजवानी ठरतो. २६ जानेवारीपासून हा महोत्सव सुरू होता. हा महोत्सव व्यावसायिक असल्यामुळे त्यामध्ये विविध स्टॉल्सवर गरमागरम खाद्याची विक्री करण्यात येत होती. त्यासाठी सिलिंडरचा वापर करण्यात येत होता. बंदिस्त हॉलमध्ये भरलेल्या या महोत्सवामध्ये काही स्टॉलधारकांनी घरगुती वापराचे सिलिंडर आणले होते. त्यामुळे उपस्थितांच्या जिवाला धोका निर्माण होण्याची शक्यता होती. याविषयी अग्निशमन विभागाकडे तक्रार आल्यानंतर दुपारी तीन वाजण्याच्या सुमारास या ठिकाणी जाऊन पाहणी करण्यात आली. त्यावेळी पाच सिलिंडर जप्त करण्यात आल्याची माहिती आपत्ती व्यवस्थापन विभागाकडून देण्यात आली. तर तक्रार आल्यानंतर हा महोत्सवावर कारवाई करण्यात आल्याची माहिती काळे यांनी दिली. या प्रकरणी आयोजक समीर गुप्ते यांच्याशी संपर्क साधण्याचा प्रयत्न केला असता होऊ शकला नाही.
ठाण्यात आयोजित करण्यात आलेल्या सीकेपी खाद्यमहोत्सवाला अखेरच्या दिवशी वादाचे गालबोट लागले. खवय्यांसाठी आयोजित करण्यात आलेला हा महोत्सव व्यावसायिक असताना या ठिकाणी काही स्टॉलधारकांनी घरगुती सिलिंडर वापरल्यामुळे ही कारवाई करण्यात आली. अग्निशमन विभागाला मिळालेल्या माहितीवरून पथकाने घटनास्थळी पोहोचून येथील पाहणी केली. त्यावेळी घरगुती वापराचे पाच सिलिंडर जप्त करण्यात आले. तसेच त्यानंतर काही तासांमध्ये हा महोत्सव आवरण्यात आला, अशी माहिती ठाणे अग्निशमन विभागाचे प्रमुश शशिकांत काळे यांनी दिली.
ठाणे शहरातील खवय्यांना लज्जतदार खाद्याचा पुरेपूर आस्वाद देणारा सीकेपी खाद्यमहोत्सव खाद्यरसिकांसाठी मेजवानी ठरतो. २६ जानेवारीपासून हा महोत्सव सुरू होता. हा महोत्सव व्यावसायिक असल्यामुळे त्यामध्ये विविध स्टॉल्सवर गरमागरम खाद्याची विक्री करण्यात येत होती. त्यासाठी सिलिंडरचा वापर करण्यात येत होता. बंदिस्त हॉलमध्ये भरलेल्या या महोत्सवामध्ये काही स्टॉलधारकांनी घरगुती वापराचे सिलिंडर आणले होते. त्यामुळे उपस्थितांच्या जिवाला धोका निर्माण होण्याची शक्यता होती. याविषयी अग्निशमन विभागाकडे तक्रार आल्यानंतर दुपारी तीन वाजण्याच्या सुमारास या ठिकाणी जाऊन पाहणी करण्यात आली. त्यावेळी पाच सिलिंडर जप्त करण्यात आल्याची माहिती आपत्ती व्यवस्थापन विभागाकडून देण्यात आली. तर तक्रार आल्यानंतर हा महोत्सवावर कारवाई करण्यात आल्याची माहिती काळे यांनी दिली. या प्रकरणी आयोजक समीर गुप्ते यांच्याशी संपर्क साधण्याचा प्रयत्न केला असता होऊ शकला नाही.