पालकमंत्री एकनाथ शिंदे, खासदार डॉ. श्रीकांत शिंदे यांची उपस्थिती
म. टा. वृत्तसेवा, अंबरनाथ
अंबरनाथ नगरपरिषदेच्या नवीन प्रशासकीय इमारतीचे भूमिपूजन आज, रविवारी पालकमंत्री एकनाथ शिंदे यांच्या हस्ते दुपारी एक वाजता होणार आहे. जुन्या पालिका इमारतीच्या मागील बाजूस असलेल्या मैदान आणि पालिका वाहनांच्या गॅरेजच्या जागेवर ही प्रशासकीय इमारत उभी राहणार आहे. प्रशासकीय इमारतीच्या पाया खोदकामाला सुरुवात झाली असून हे एक औपचारिक भूमिपूजन असणार आहे.
वर्षभरात अंबरनाथकरांच्या सेवेत नवीन प्रशासकीय इमारत उभी राहणार असल्याचे मुख्याधिकाऱ्यांनी सांगितले. अंबरनाथ शहराची वाढती व्याप्ती तसेच वाढत्या लोकसंख्येचा ताण प्राशासकीय कामावरही येत आहे. तसेच सभागृहात नगरसेवकांची संख्याही वाढत आहे. नगरपालिकेच्या जुन्या इमारतीची दुरवस्था झाली आहे. त्यामुळे नवीन प्रशासकीय इमारतीचा प्रस्ताव मंजूर करण्यात आला होता. नवीन प्रशासकीय इमारत उभारण्यासाठी राज्य सरकारने ५ कोटींचा निधी दिला आहे. तर उर्वरित रक्कम पालिकेच्या तिजोरीतून खर्च केली जाणार आहे. या इमारतीच्या बांधणीसाठी आर अॅण्ड इन्फ्रा प्रोजेक्ट या कंपनीला प्रशासकीय इमारत बांधणीचे कंत्राट मिळाले असून साधारण ११ कोटी १५ लाख रुपयांचा निधी खर्च करत ही इमारत उभी राहणार आहे. नवीन इमारत ही कल्याण-बदलापूर या मार्गावर असणार आहे. या दुमजली इमारतीत नगराध्यक्ष, सभापती आणि सभागृह अशी भव्य दालने तयार करण्यात येणार आहेत. यावेळी पालकमंत्री एकनाथ शिंदे, खासदार डॉ. श्रीकांत शिंदे, आमदार डॉ. बालाजी किणीकर, नगराध्यक्षा, प्रज्ञा बनसोडे, आमदार किसन कथोरे, जिल्हाधिकारी डॉ. महेंद्र कल्याणकर आदी मान्यवर उपस्थित राहणार आहेत.
निमंत्रण पत्रिकेवर मानपानाचे नाट्य
प्रशासकीय इमारतीच्या भूमिपूजनाच्या निमंत्रणपत्रिकेवर सुरुवातीला सभापतींच्या नावाचा उल्लेख नव्हता. त्यामुळे विविध समित्यांच्या सभापतींनी नाराजी व्यक्त केल्यानंतर ऐनवेळी पालिकेने नवीन निमंत्रणपत्रिका तयार करत सभापतींचे नाव छापले. त्यामुळे प्रशासकीय इमारतीच्या भूमिपूजनाला राजकीय व्यक्तींच्या मानपानाच्या नाट्याची चर्चा शहरात रंगली होती.
इमारतीच्या कामाला विरोध
नवीन प्रशासकीय इमारतीच्या कामाला रिपाइं सेक्युलरचे अध्यक्ष श्याम गायकवाड तसेच कमलाकर सुर्यवंशी, बाळू मामा सूर्यराव यांनी विरोध दर्शवला असून काम थांबवण्याचा प्रयत्न केला. खोदकामाची रॉयल्टी भरली नसल्याचा मुद्दा उचलत ज्या ठिकाणी इमारतीचे काम सुरू आहे, तेथील डॉ. बाबासाहेब आंबेडकर उद्यान व सध्याच्या पालिकेसमोरील डॉ. बाबासाहेब आंबेडकर व महात्मा गांधी यांचा पुतळा हलवण्यासंदर्भात हरकत घेतली. मात्र पालिका प्रशासनाने उद्यान व पुतळ्यांना योग्य ती जागा देण्यात येणार असल्याचे सांगितले. त्यानंतर थांबविलेले काम पुन्हा सुरू करण्यात आले.
म. टा. वृत्तसेवा, अंबरनाथ
अंबरनाथ नगरपरिषदेच्या नवीन प्रशासकीय इमारतीचे भूमिपूजन आज, रविवारी पालकमंत्री एकनाथ शिंदे यांच्या हस्ते दुपारी एक वाजता होणार आहे. जुन्या पालिका इमारतीच्या मागील बाजूस असलेल्या मैदान आणि पालिका वाहनांच्या गॅरेजच्या जागेवर ही प्रशासकीय इमारत उभी राहणार आहे. प्रशासकीय इमारतीच्या पाया खोदकामाला सुरुवात झाली असून हे एक औपचारिक भूमिपूजन असणार आहे.
वर्षभरात अंबरनाथकरांच्या सेवेत नवीन प्रशासकीय इमारत उभी राहणार असल्याचे मुख्याधिकाऱ्यांनी सांगितले. अंबरनाथ शहराची वाढती व्याप्ती तसेच वाढत्या लोकसंख्येचा ताण प्राशासकीय कामावरही येत आहे. तसेच सभागृहात नगरसेवकांची संख्याही वाढत आहे. नगरपालिकेच्या जुन्या इमारतीची दुरवस्था झाली आहे. त्यामुळे नवीन प्रशासकीय इमारतीचा प्रस्ताव मंजूर करण्यात आला होता. नवीन प्रशासकीय इमारत उभारण्यासाठी राज्य सरकारने ५ कोटींचा निधी दिला आहे. तर उर्वरित रक्कम पालिकेच्या तिजोरीतून खर्च केली जाणार आहे. या इमारतीच्या बांधणीसाठी आर अॅण्ड इन्फ्रा प्रोजेक्ट या कंपनीला प्रशासकीय इमारत बांधणीचे कंत्राट मिळाले असून साधारण ११ कोटी १५ लाख रुपयांचा निधी खर्च करत ही इमारत उभी राहणार आहे. नवीन इमारत ही कल्याण-बदलापूर या मार्गावर असणार आहे. या दुमजली इमारतीत नगराध्यक्ष, सभापती आणि सभागृह अशी भव्य दालने तयार करण्यात येणार आहेत. यावेळी पालकमंत्री एकनाथ शिंदे, खासदार डॉ. श्रीकांत शिंदे, आमदार डॉ. बालाजी किणीकर, नगराध्यक्षा, प्रज्ञा बनसोडे, आमदार किसन कथोरे, जिल्हाधिकारी डॉ. महेंद्र कल्याणकर आदी मान्यवर उपस्थित राहणार आहेत.
निमंत्रण पत्रिकेवर मानपानाचे नाट्य
प्रशासकीय इमारतीच्या भूमिपूजनाच्या निमंत्रणपत्रिकेवर सुरुवातीला सभापतींच्या नावाचा उल्लेख नव्हता. त्यामुळे विविध समित्यांच्या सभापतींनी नाराजी व्यक्त केल्यानंतर ऐनवेळी पालिकेने नवीन निमंत्रणपत्रिका तयार करत सभापतींचे नाव छापले. त्यामुळे प्रशासकीय इमारतीच्या भूमिपूजनाला राजकीय व्यक्तींच्या मानपानाच्या नाट्याची चर्चा शहरात रंगली होती.
इमारतीच्या कामाला विरोध
नवीन प्रशासकीय इमारतीच्या कामाला रिपाइं सेक्युलरचे अध्यक्ष श्याम गायकवाड तसेच कमलाकर सुर्यवंशी, बाळू मामा सूर्यराव यांनी विरोध दर्शवला असून काम थांबवण्याचा प्रयत्न केला. खोदकामाची रॉयल्टी भरली नसल्याचा मुद्दा उचलत ज्या ठिकाणी इमारतीचे काम सुरू आहे, तेथील डॉ. बाबासाहेब आंबेडकर उद्यान व सध्याच्या पालिकेसमोरील डॉ. बाबासाहेब आंबेडकर व महात्मा गांधी यांचा पुतळा हलवण्यासंदर्भात हरकत घेतली. मात्र पालिका प्रशासनाने उद्यान व पुतळ्यांना योग्य ती जागा देण्यात येणार असल्याचे सांगितले. त्यानंतर थांबविलेले काम पुन्हा सुरू करण्यात आले.