म. टा. वृत्तसेवा, अंबरनाथ
अंबरनाथ येथील चिखलोली भागात असलेल्या गार्डियन डेण्टल कॉलेजला राज्याच्या आरोग्य विज्ञान विद्यापीठाने दणका दिला आहे. वारंवार संधी देऊनही कॉलेजकडून विद्यापीठ अधिनियम संलग्नीकरणाच्या अटींची पूर्तता करण्यात न आल्याने अखेर या शैक्षणिक वर्षापासून हे कॉलेज विद्यापीठापासून अंसलग्नीत करण्यात आल्याची माहिती माहितीच्या अधिकारात समोर आली.
अंबरनाथ येथील पश्चिम भागात असलेले शान एज्युकेशन सोसायटीचे गार्डियन डेण्टल कॉलेज सुरुवातीपासूनच वादाच्या भोवऱ्यात सापडले आहे. कॉलेजच्या इमारतीच्या बांधकाम परवानगीच्या प्रकरणात तर हे कॉलेज पाडण्याचे आदेशच तत्कालीन मुख्याधिकारी गणेश देशमुख यांनी दिले होते. तसेच विद्यापीठाच्या नियमांचे पालन न केल्याप्रकरणी महाराष्ट्र आरोग्य विज्ञान विद्यापीठाने कॉलेजची विद्यापीठाशी असलेली कायमस्वरूपी संलग्नता धोक्यात आली होती. कायद्याच्या आधारामुळे कॉलेजच्या बांधकामाला मिळालेला दिलासा आणि विद्यापीठाने अंश संलग्नता कायम ठेवण्याचा दिलेला निर्णय यामुळे या कॉलेजचे भवितव्य काही काळ टिकले होते. मात्र विद्यापीठाने कॉलेजला नियमांची पूर्तता करण्याचे आदेशही दिले होते. यात प्राध्यापक वर्गाची नियुक्त करणे, विद्यार्थिनींसाठी वसतिगृहाची व्यवस्था करणे, अभ्यासक्रमाशी निगडीत सर्व साहित्य पुरवणे आणि विद्यार्थ्यांच्या इतर सुविधांना पुरवण्यांसंदर्भात विद्यापीठाचे आदेश पाळण्यात गार्डियन डेण्टल कॉलेज अपयशी ठरल्याचे समोर आले. त्यामुळे २०१७-१८च्या शैक्षणिक वर्षापासून पुढे डेण्टल कॉलेज विद्यापीठापासून असंलग्नीत करण्यात आले आहे, अशी माहिती माहितीच्या अधिकारात समोर आली. त्यामुळे विद्यापीठाच्या या निर्णयामुळे या कॉलेजमध्ये वैद्यकीय शिक्षण घेत असलेल्या विद्यार्थ्यांना इतर कॉलेजमध्ये स्थलांतरित करण्याचे आदेशही विद्यापीठाने दिले आहेत. मात्र कॉलेजच्या या चुकांमुळे विद्यार्थ्यांवर याचा परिणाम होत असल्याने विद्यार्थ्यांमध्ये कॉलेज प्रशासनाविरोधात नाराजीचे वातावरण आहे.
अंबरनाथ येथील चिखलोली भागात असलेल्या गार्डियन डेण्टल कॉलेजला राज्याच्या आरोग्य विज्ञान विद्यापीठाने दणका दिला आहे. वारंवार संधी देऊनही कॉलेजकडून विद्यापीठ अधिनियम संलग्नीकरणाच्या अटींची पूर्तता करण्यात न आल्याने अखेर या शैक्षणिक वर्षापासून हे कॉलेज विद्यापीठापासून अंसलग्नीत करण्यात आल्याची माहिती माहितीच्या अधिकारात समोर आली.
अंबरनाथ येथील पश्चिम भागात असलेले शान एज्युकेशन सोसायटीचे गार्डियन डेण्टल कॉलेज सुरुवातीपासूनच वादाच्या भोवऱ्यात सापडले आहे. कॉलेजच्या इमारतीच्या बांधकाम परवानगीच्या प्रकरणात तर हे कॉलेज पाडण्याचे आदेशच तत्कालीन मुख्याधिकारी गणेश देशमुख यांनी दिले होते. तसेच विद्यापीठाच्या नियमांचे पालन न केल्याप्रकरणी महाराष्ट्र आरोग्य विज्ञान विद्यापीठाने कॉलेजची विद्यापीठाशी असलेली कायमस्वरूपी संलग्नता धोक्यात आली होती. कायद्याच्या आधारामुळे कॉलेजच्या बांधकामाला मिळालेला दिलासा आणि विद्यापीठाने अंश संलग्नता कायम ठेवण्याचा दिलेला निर्णय यामुळे या कॉलेजचे भवितव्य काही काळ टिकले होते. मात्र विद्यापीठाने कॉलेजला नियमांची पूर्तता करण्याचे आदेशही दिले होते. यात प्राध्यापक वर्गाची नियुक्त करणे, विद्यार्थिनींसाठी वसतिगृहाची व्यवस्था करणे, अभ्यासक्रमाशी निगडीत सर्व साहित्य पुरवणे आणि विद्यार्थ्यांच्या इतर सुविधांना पुरवण्यांसंदर्भात विद्यापीठाचे आदेश पाळण्यात गार्डियन डेण्टल कॉलेज अपयशी ठरल्याचे समोर आले. त्यामुळे २०१७-१८च्या शैक्षणिक वर्षापासून पुढे डेण्टल कॉलेज विद्यापीठापासून असंलग्नीत करण्यात आले आहे, अशी माहिती माहितीच्या अधिकारात समोर आली. त्यामुळे विद्यापीठाच्या या निर्णयामुळे या कॉलेजमध्ये वैद्यकीय शिक्षण घेत असलेल्या विद्यार्थ्यांना इतर कॉलेजमध्ये स्थलांतरित करण्याचे आदेशही विद्यापीठाने दिले आहेत. मात्र कॉलेजच्या या चुकांमुळे विद्यार्थ्यांवर याचा परिणाम होत असल्याने विद्यार्थ्यांमध्ये कॉलेज प्रशासनाविरोधात नाराजीचे वातावरण आहे.