म. टा. वृत्तसेवा, ठाणे
ठाणे अंमली पदार्थविरोधी पथकाने दोन महिन्यांपूर्वी २ हजार आणि पाचशेच्या बनावट नोटा पकडल्या होत्या. मात्र या नोटांमागील मुख्य सूत्रधाराचा शोध घेण्यासाठी पोलिस पथक पश्चिम बंगालला धडकले होते. मात्र आरोपी हाती लागले नसून नुकतेच हे पथक ठाण्यात परतले. परंतु बनावट नोटांच्या तस्करीत आरोपी सांकेतिक भाषेचा वापर करत असून मोबाइलमध्ये नंबर सेव्ह करण्यापासून ते पोलिसांसाठी आरोपींची सांकेतिक भाषा असल्याची बाब चौकशीत समोर आली आहे.
ठाणे रेल्वे स्थानक परिसरातून २९ डिसेंबर रोजी मोहमद बाबर सेराजूल अली (२६) याला अटक केली होती. मुंबईतील वडाळा भागात वास्तव्य करत असला तरी तो मूळचा पश्चिम बंगालमधील मालदा जिल्ह्यात राहतो. बाजारपेठेत बनावट नोटा वटवण्यासाठी आला होता. यावेळी त्याच्याकडे दोन लाखांच्या २ हजारांच्या ९३ आणि ५०० रुपयांच्या २७ बनावट नोटा मिळाल्या होत्या. वटवलेल्या बनावट नोटाही पोलिसांनी नंतर जप्त केल्या होत्या. बनावट नोटामागे पश्चिम बंगालचे मेहबूब जल्लाउद्दीन शेख आणि आलम शेख हे दोघे भाऊ सूत्रधार असल्याची माहिती मिळाल्यानंतर पोलिसांच्या पथकाने पश्चिम बंगालला धाव घेतली. मालदा जिल्ह्यात कालियाचेक पोलिस ठाण्याच्या हद्दीत धडकले होते. या पोलिस ठाण्यापासून बांगलादेशची बॉर्डर अत्यंत जवळ आहे. पथकाने दोन्ही आरोपींचा कसून शोध घेतला. मात्र आरोपी सापडले नाहीत. त्यामुळे पथक दोनच दिवसापूर्वी पुन्हा ठाण्यात दाखल झाले. मात्र बनावट नोटांच्या तस्करीची चौकशी करताना आरोपी सांकेतिक भाषा वापरत असल्याची बाब समोर आली.
ठाणे अंमली पदार्थविरोधी पथकाने दोन महिन्यांपूर्वी २ हजार आणि पाचशेच्या बनावट नोटा पकडल्या होत्या. मात्र या नोटांमागील मुख्य सूत्रधाराचा शोध घेण्यासाठी पोलिस पथक पश्चिम बंगालला धडकले होते. मात्र आरोपी हाती लागले नसून नुकतेच हे पथक ठाण्यात परतले. परंतु बनावट नोटांच्या तस्करीत आरोपी सांकेतिक भाषेचा वापर करत असून मोबाइलमध्ये नंबर सेव्ह करण्यापासून ते पोलिसांसाठी आरोपींची सांकेतिक भाषा असल्याची बाब चौकशीत समोर आली आहे.
ठाणे रेल्वे स्थानक परिसरातून २९ डिसेंबर रोजी मोहमद बाबर सेराजूल अली (२६) याला अटक केली होती. मुंबईतील वडाळा भागात वास्तव्य करत असला तरी तो मूळचा पश्चिम बंगालमधील मालदा जिल्ह्यात राहतो. बाजारपेठेत बनावट नोटा वटवण्यासाठी आला होता. यावेळी त्याच्याकडे दोन लाखांच्या २ हजारांच्या ९३ आणि ५०० रुपयांच्या २७ बनावट नोटा मिळाल्या होत्या. वटवलेल्या बनावट नोटाही पोलिसांनी नंतर जप्त केल्या होत्या. बनावट नोटामागे पश्चिम बंगालचे मेहबूब जल्लाउद्दीन शेख आणि आलम शेख हे दोघे भाऊ सूत्रधार असल्याची माहिती मिळाल्यानंतर पोलिसांच्या पथकाने पश्चिम बंगालला धाव घेतली. मालदा जिल्ह्यात कालियाचेक पोलिस ठाण्याच्या हद्दीत धडकले होते. या पोलिस ठाण्यापासून बांगलादेशची बॉर्डर अत्यंत जवळ आहे. पथकाने दोन्ही आरोपींचा कसून शोध घेतला. मात्र आरोपी सापडले नाहीत. त्यामुळे पथक दोनच दिवसापूर्वी पुन्हा ठाण्यात दाखल झाले. मात्र बनावट नोटांच्या तस्करीची चौकशी करताना आरोपी सांकेतिक भाषा वापरत असल्याची बाब समोर आली.