मायेचा पाझर म्हणजे माझी ताई ममता चव्हाण व भावोजी आप्पा चव्हाण. यांनी मला मुंबईला आणून माझ्या आयुष्याला आकार दिला. माझ्या शिक्षणाची सर्व जबाबदारी त्यांनी उचलली. माझं लग्न मे २००५मध्ये माझ्या ताईच्या पसंतीनेच तिच्या दिराच्या मुलीबरोबर झालं. आमच्या संसाराची सुरुवात ताईच्या घरातूनच झाली. सहा महिने एकही पैसा न घेता आम्हाला रहायला दिलं. माझी बायको मनमिळाऊ असल्यामुळे आम्हाला कोणतीच अडचण आली नाही. नंतर आम्हाला दोन मुलं झाली.
Maharashtra Times6 Jul 2017, 12:27 am
प्रसाद गावडे
महाराष्ट्र टाइम्स.कॉम मायेचा पाझर
मायेचा पाझर म्हणजे माझी ताई ममता चव्हाण व भावोजी आप्पा चव्हाण. यांनी मला मुंबईला आणून माझ्या आयुष्याला आकार दिला. माझ्या शिक्षणाची सर्व जबाबदारी त्यांनी उचलली. माझं लग्न मे २००५मध्ये माझ्या ताईच्या पसंतीनेच तिच्या दिराच्या मुलीबरोबर झालं. आमच्या संसाराची सुरुवात ताईच्या घरातूनच झाली. सहा महिने एकही पैसा न घेता आम्हाला रहायला दिलं. माझी बायको मनमिळाऊ असल्यामुळे आम्हाला कोणतीच अडचण आली नाही. नंतर आम्हाला दोन मुलं झाली. त्यांचं पण संगोपन ताई व भावोजींनी आपल्या मुलांप्रमाणे केलं. आजही माझी दोन्ही मुले माझ्या ताईला ‘आई’ म्हणतात. माझ्या दोन्ही मुलांचं संगोपन ताईने केल्यामुळे त्यांना कधीही आजी-आजोबांची कमतरता भासली नाही. माझे आई-वडील गावी असत व आम्ही दोघंही कामावर असल्यामुळे त्या दोघांनी आमच्या मुलांची जबाबदरी उचलली. माझा मोठा मुलगा तिसरीपर्यंत ताईच्या घरूनच शाळेत जाई. ताई त्याच्यासाठी सकाळीच उठून डब्बा बनवत असे व भावोजी त्याची बाकीची तयारी करून ठेवत. माझ्या छोट्या मुलाचंही याच प्रमाणे करतात. त्यामुळे माझी दोन्ही मुलं यांच्या प्रेमामुळे घरी यायला बघत नाहीत. भावोजींना मुलं काका म्हणतात व काका पण ते म्हणतील ते हट्ट पूर्ण करण्याचा प्रयत्न करतात. तसंच वेळेला आम्हालाही सांभाळून घेतात. अशी आईसारखी बहीण व वडिलांप्रमाणे भावोजी मिळणं हे आमचं भाग्यच आहे. ताईच्या मुलांनीही त्यांना भावंडाप्रमाणे वाढवलं. असं उत्तम व्यक्तीमत्व असणाऱ्या ताई व भावोजींचे 'मटा'च्या माध्यमातून आभार मानायचे आहेत. त्यांना उदंड आयुष्य लाभो ही ईश्वरचरणी प्रार्थना.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.