काश्मीर देणार नाही
श्रीनगर - काश्मीर ही काही वाटाघाटी करण्याची वस्तु नाही व पाकिस्तानच्या स्नेहाची किंमत म्हणूनही ते देता येणार नाही, असे काश्मीरचे मुख्यमंत्री जी. एम. सादिक यांनी आज सडेतोडपणे जाहीर केले. काश्मीर १९४७ मध्ये भारतात स्वेच्छेने सामील झाले आहे. हा इतिहास सांगताना श्री. सादिक म्हणाले की राष्ट्रीय परिषदेच्या नेतृत्वाने त्यावेळी स्वीकारलेली वाटचाल आता उलट दिशेने परतवता येणार नाही.
आधीचे ‘पांडुरंगपल्ली’
मिरज - आमचे संशोधनाचे काम चालू आहे. २० ते २५ फूट खोल खणल्यावर मिळालेले दगड, दगडी हत्यारे, मातीची भांडी यांचा अभ्यास आम्ही करत आहोत, असे डॉ. म. श्री. माटे व डॉ. मधुकर ढवळीकर यांनी म्हटले आहे. पंढरपूर येथे पुण्याच्या डेक्कन कॉलेजच्यावतीने प्राचीन इतिहास हा विषयाचा विशेध अभ्यास करण्यासाठी ते ठिकठिकाणी जाऊन उत्खनन करून माहिती जमवत आहेत. सध्या ते पंढरपूर येथे आहेत. हे दोघे संशोधक म्हणाले की उत्खननात सापडलेल्या एका बाराव्या शतकातील ताम्रपटात पंढरपूरचा ‘पांडुरंगपल्ली’ असा उल्लेख आढळतो.
जॉर्ज हॅरिसन मोहित
मुंबई - भारतीय सनईच्या सूरांनी बीटल जॉर्ज हॅरिसनला मोहिनी घातली आहे. विश्वविख्यात बीटल्स चौकडीपैकी जॉर्ज हॅरिसन मुंबईत दाखल झाला आहे. ‘वंडरवॉल’ या अॅलन फ्लोरच्या चित्रपटाचे पार्श्वसंगीत तयार करणे हा त्याच्या भेटीमागील उद्देश आहे. शुभ्र कुर्ता, अस्मानी रंगाची पॅन्ट, रॉ सिल्कचे जाकिट आणि काळ्या पट्ट्याच्या चपला असा पेहराव केलेल्या जॉर्जने सांगितले की सनईशिवाय सतार, वीणा, सारंगी आणि तबला ही वाद्ये त्याने संगीतासाठी निवडली आहेत.
‘रोगांचे कारण लोकसंख्या’
मुंबई - क्षयरोगाचे मूळ कारण वाढती लोकसंख्या व वाढत्या गलिच्छ वस्त्या हे असून क्षयरोग निर्मूलनाचा प्रश्न सोडवायचा असेल तर प्रथम लोकसंख्यावाढीच्या मुळावरच घाव घातला पाहिजे, असे महापौर डॉ. लिओ डिसोझा यांनी म्हटले आहे. क्षयरोग व छातीचे रोग यासंबंधीची एक परिषद आज येथे सुरू झाली. तीत ते बोलत होते.
श्रीनगर - काश्मीर ही काही वाटाघाटी करण्याची वस्तु नाही व पाकिस्तानच्या स्नेहाची किंमत म्हणूनही ते देता येणार नाही, असे काश्मीरचे मुख्यमंत्री जी. एम. सादिक यांनी आज सडेतोडपणे जाहीर केले. काश्मीर १९४७ मध्ये भारतात स्वेच्छेने सामील झाले आहे. हा इतिहास सांगताना श्री. सादिक म्हणाले की राष्ट्रीय परिषदेच्या नेतृत्वाने त्यावेळी स्वीकारलेली वाटचाल आता उलट दिशेने परतवता येणार नाही.
आधीचे ‘पांडुरंगपल्ली’
मिरज - आमचे संशोधनाचे काम चालू आहे. २० ते २५ फूट खोल खणल्यावर मिळालेले दगड, दगडी हत्यारे, मातीची भांडी यांचा अभ्यास आम्ही करत आहोत, असे डॉ. म. श्री. माटे व डॉ. मधुकर ढवळीकर यांनी म्हटले आहे. पंढरपूर येथे पुण्याच्या डेक्कन कॉलेजच्यावतीने प्राचीन इतिहास हा विषयाचा विशेध अभ्यास करण्यासाठी ते ठिकठिकाणी जाऊन उत्खनन करून माहिती जमवत आहेत. सध्या ते पंढरपूर येथे आहेत. हे दोघे संशोधक म्हणाले की उत्खननात सापडलेल्या एका बाराव्या शतकातील ताम्रपटात पंढरपूरचा ‘पांडुरंगपल्ली’ असा उल्लेख आढळतो.
जॉर्ज हॅरिसन मोहित
मुंबई - भारतीय सनईच्या सूरांनी बीटल जॉर्ज हॅरिसनला मोहिनी घातली आहे. विश्वविख्यात बीटल्स चौकडीपैकी जॉर्ज हॅरिसन मुंबईत दाखल झाला आहे. ‘वंडरवॉल’ या अॅलन फ्लोरच्या चित्रपटाचे पार्श्वसंगीत तयार करणे हा त्याच्या भेटीमागील उद्देश आहे. शुभ्र कुर्ता, अस्मानी रंगाची पॅन्ट, रॉ सिल्कचे जाकिट आणि काळ्या पट्ट्याच्या चपला असा पेहराव केलेल्या जॉर्जने सांगितले की सनईशिवाय सतार, वीणा, सारंगी आणि तबला ही वाद्ये त्याने संगीतासाठी निवडली आहेत.
‘रोगांचे कारण लोकसंख्या’
मुंबई - क्षयरोगाचे मूळ कारण वाढती लोकसंख्या व वाढत्या गलिच्छ वस्त्या हे असून क्षयरोग निर्मूलनाचा प्रश्न सोडवायचा असेल तर प्रथम लोकसंख्यावाढीच्या मुळावरच घाव घातला पाहिजे, असे महापौर डॉ. लिओ डिसोझा यांनी म्हटले आहे. क्षयरोग व छातीचे रोग यासंबंधीची एक परिषद आज येथे सुरू झाली. तीत ते बोलत होते.