सेंच्युरियन :
दुसऱ्या कसोटीत दक्षिण आफ्रिकेने दिलेल्या २८७ धावांच्या लक्ष्याचा पाठलाग करताना भारताला सुरुवातीलाच तीन धक्के बसले आहेत. भारताची सलामीची जोडी तंबूत परतली असून पहिल्या डावात १५३ धावांची खेळी करून एकाकी किल्ला लढवणारा कर्णधार विराट कोहलीही बाद झाला आहे. भारताने चौथ्या दिवसअखेर ३ बाद ३५ धावा केल्या असून भारत विजयापासून अजूनही २५२ धावा दूर आहे.
चेतेश्वर पुजारा ११ तर पार्थिव पटेल ५ धावा करून खेळत आहेत. उद्या शेवटच्या दिवशी सर्वात आधी सामना वाचवण्याचे आव्हान भारतापुढे असणार आहे. यात बरीच मदार पुजारावर असणार आहे.
दक्षिण आफ्रिकेच्या संघाला २५८ धावांवर रोखल्यानंतर भारतीय गोटात आनंदाचे वातावरण होते मात्र २३ षटकांच्या खेळात भारताने मुरली विजय (९), लोकेश राहुल (४) आणि विराट कोहली (५) असे तीन आघाडीचे फलंदाज गमावल्याने हा आनंद क्षणिक ठरला आहे. भारताच्या हातात आता ७ गडी असून पुजारासह रोहित शर्मा, हार्दिक पंड्या आणि अश्विन यांना मैदानावर घाम गाळावा लागणार आहे. दक्षिण आफ्रिकेच्या भेदक माऱ्याचा यशस्वी प्रतिकार केला तरच भारत हा सामना जिंकू वा अनिर्णित राखू शकणार आहे.
भारत वि. दक्षिण आफ्रिका कसोटीचे संपूर्ण स्कोअरकार्ड
दुसऱ्या कसोटीत दक्षिण आफ्रिकेने दिलेल्या २८७ धावांच्या लक्ष्याचा पाठलाग करताना भारताला सुरुवातीलाच तीन धक्के बसले आहेत. भारताची सलामीची जोडी तंबूत परतली असून पहिल्या डावात १५३ धावांची खेळी करून एकाकी किल्ला लढवणारा कर्णधार विराट कोहलीही बाद झाला आहे. भारताने चौथ्या दिवसअखेर ३ बाद ३५ धावा केल्या असून भारत विजयापासून अजूनही २५२ धावा दूर आहे.
चेतेश्वर पुजारा ११ तर पार्थिव पटेल ५ धावा करून खेळत आहेत. उद्या शेवटच्या दिवशी सर्वात आधी सामना वाचवण्याचे आव्हान भारतापुढे असणार आहे. यात बरीच मदार पुजारावर असणार आहे.
दक्षिण आफ्रिकेच्या संघाला २५८ धावांवर रोखल्यानंतर भारतीय गोटात आनंदाचे वातावरण होते मात्र २३ षटकांच्या खेळात भारताने मुरली विजय (९), लोकेश राहुल (४) आणि विराट कोहली (५) असे तीन आघाडीचे फलंदाज गमावल्याने हा आनंद क्षणिक ठरला आहे. भारताच्या हातात आता ७ गडी असून पुजारासह रोहित शर्मा, हार्दिक पंड्या आणि अश्विन यांना मैदानावर घाम गाळावा लागणार आहे. दक्षिण आफ्रिकेच्या भेदक माऱ्याचा यशस्वी प्रतिकार केला तरच भारत हा सामना जिंकू वा अनिर्णित राखू शकणार आहे.
भारत वि. दक्षिण आफ्रिका कसोटीचे संपूर्ण स्कोअरकार्ड