नॉटिंगहॅम
वर्ल्डकप स्पर्धेच्या दुसऱ्या सामन्यात वेस्ट इंडिजने पाकिस्तानवर ७ गडी राखून दणदणीत विजय प्राप्त केला आहे. पाकिस्ताननं दिलेलं १०५ धावांचं कमकुवत लक्ष्य वेस्ट इंडिजने १४ व्या षटकात गाठलं. वेस्ट इंडिजचा तडाखेबाद फलंदाज ख्रिस गेलनं ३४ चेंडूत ३ षटकार आणि ६ चौकारांच्या जोरावर खणखणीत अर्धशतक ठोकलं, तर निकोलस पूरन याने नाबाद ३४ धावांची खेळी साकारून संघाच्या विजयावर शिक्कामोर्तब केलं.
वर्ल्डकप: वेस्ट इंडिज विरुद्ध पाकिस्तान स्कोअरकार्ड
पाकिस्तानकडून एकट्या मोहम्मद आमीर याने ३ विकेट्स घेतले. तत्पूर्वी, वेस्ट इंडिजच्या गोलंदाजांनी पाकिस्तानची दाणादाण उडवली. पाकिस्तानला अवघ्या १०५ धावांवर गुंडाळण्याचा पराक्रम वेस्ट इंडिजच्या गोलंदाजांनी केला. वेस्ट इंडिजकडून ओशान थॉमसने सर्वाधिक ४ विकेट्स घेतल्या, तर कर्णधार जेसन होल्डरने पाकच्या ३ फलंदाजांना माघारी धाडलं. वेस्ट इंडिजच्या प्रभावी माऱ्यापुढे पाकिस्तानच्या फलंदाजांनी नांगी टाकली. पाकिस्तानच्या फलंदाजांचा बाऊन्सर गोलंदाजीवर उडणारा गोंधळ यावेळी पुन्हा एकदा अधोरेखित झाला. पाकिस्तानचा एकही फलंदाज खेळपट्टीवर जम बसवू शकला नाही. थॉमस आणि होल्डरनं केलेल्या टीच्चून माऱ्यापुढं पाकचा एकेक फलंदाजनं तंबूची वाट धरली. पाकला सर्वबाद १०५ धावा करता आल्या. पाकिस्तानच्या फक्त चार फलंदाजांना दोन अंकी आकडा गाठता आला. यात बाबर आझम आणि फखर जमान यांनी प्रत्येकी २२ धावांची केलेली खेळी ही सर्वाधिक वैयक्तिक खेळी होती. मोहम्मद हाफीने १६ तर वहाब रियाझने १८ धावा केल्या. इतर सर्व फलंदाज स्वस्तात बाद झाले.
सामनावीर: ओशान थॉमस (५.४ षटकांत २७ धावा देत ४ विकेट्स)
वर्ल्डकप स्पर्धेच्या दुसऱ्या सामन्यात वेस्ट इंडिजने पाकिस्तानवर ७ गडी राखून दणदणीत विजय प्राप्त केला आहे. पाकिस्ताननं दिलेलं १०५ धावांचं कमकुवत लक्ष्य वेस्ट इंडिजने १४ व्या षटकात गाठलं. वेस्ट इंडिजचा तडाखेबाद फलंदाज ख्रिस गेलनं ३४ चेंडूत ३ षटकार आणि ६ चौकारांच्या जोरावर खणखणीत अर्धशतक ठोकलं, तर निकोलस पूरन याने नाबाद ३४ धावांची खेळी साकारून संघाच्या विजयावर शिक्कामोर्तब केलं.
वर्ल्डकप: वेस्ट इंडिज विरुद्ध पाकिस्तान स्कोअरकार्ड
पाकिस्तानकडून एकट्या मोहम्मद आमीर याने ३ विकेट्स घेतले. तत्पूर्वी, वेस्ट इंडिजच्या गोलंदाजांनी पाकिस्तानची दाणादाण उडवली. पाकिस्तानला अवघ्या १०५ धावांवर गुंडाळण्याचा पराक्रम वेस्ट इंडिजच्या गोलंदाजांनी केला. वेस्ट इंडिजकडून ओशान थॉमसने सर्वाधिक ४ विकेट्स घेतल्या, तर कर्णधार जेसन होल्डरने पाकच्या ३ फलंदाजांना माघारी धाडलं. वेस्ट इंडिजच्या प्रभावी माऱ्यापुढे पाकिस्तानच्या फलंदाजांनी नांगी टाकली. पाकिस्तानच्या फलंदाजांचा बाऊन्सर गोलंदाजीवर उडणारा गोंधळ यावेळी पुन्हा एकदा अधोरेखित झाला. पाकिस्तानचा एकही फलंदाज खेळपट्टीवर जम बसवू शकला नाही. थॉमस आणि होल्डरनं केलेल्या टीच्चून माऱ्यापुढं पाकचा एकेक फलंदाजनं तंबूची वाट धरली. पाकला सर्वबाद १०५ धावा करता आल्या. पाकिस्तानच्या फक्त चार फलंदाजांना दोन अंकी आकडा गाठता आला. यात बाबर आझम आणि फखर जमान यांनी प्रत्येकी २२ धावांची केलेली खेळी ही सर्वाधिक वैयक्तिक खेळी होती. मोहम्मद हाफीने १६ तर वहाब रियाझने १८ धावा केल्या. इतर सर्व फलंदाज स्वस्तात बाद झाले.
सामनावीर: ओशान थॉमस (५.४ षटकांत २७ धावा देत ४ विकेट्स)