वृत्तसंस्था, नवी दिल्ली
दुखापतीमुळे ऑस्ट्रेलियाचा तेज गोलंदाज मिचेल स्टार्कला भारत दौरा अर्धवट सोडून माघारी परतावे लागले आहे. मात्र त्याची गैरहजेरी ऑस्ट्रेलियाला सातत्याने जाणवेल, असे मत व्यक्त केले आहे ते ऑस्ट्रेलियाचा माजी कर्णधार मायकेल क्लार्कने. असो; पण यात भारताचा फायदा होणार हे महत्त्वाचे. उजव्या पायाला झालेल्या दुखापतीमुळे स्टार्क उर्वरित कसोटींना मुकणार आहे.
‘गुणवत्तेसह स्टार्ककडे एक्स फॅक्टर आहे, ज्याचा ऑस्ट्रेलियाला खूप फायदा होतो. आता त्याच्याऐवजी ऑस्ट्रेलियाला कुणाचा समावेश करणार हे ठाऊक नाही; पण भारताविरुद्धच्या या मालिकेतील उर्वरित कसोटींमध्ये स्टार्कची पोकळी जाणवेल हे नक्की. तसेच यामुळे ऑस्ट्रेलियाचे पुढील काम कठीण होणार आहे’, येथील एका कार्यक्रमादरम्यान मायकेल क्लार्कने सध्या सुरू असलेल्या गावस्कर-बॉर्डर ट्रॉफी सामन्याबद्दल आपली मते मांडली.
पुण्यातील कसोटी विजयाच्या गोड आठवणींच्या बळावर ऑस्ट्रेलिया तिसऱ्या रांची कसोटीला आत्मविश्वासाने सामोरा जाईल, असा विश्वास यावेळी क्लार्कने व्यक्त केला. डीआरएसवरून रंगलेल्या वादावर बोलणे त्याने प्रकर्षाने टाळले. मला याबाबत प्रश्न विचारू नका, असे त्याने स्पष्ट केले. मात्र विराट कोहलीच्या आक्रमक बाण्यावर क्लार्कने सकारात्मक भाष्य केले. त्याने आपल्या आक्रमकतेला अजिबात कमी करू नये, असे तो ठणकावून सांगतो. ‘आक्रमकता ही विराटची सर्वात मोठी ताकद आहे. ते अंगभूत आहे. त्याने त्याच्या या नैसर्गिक शैलीतच खेळावे’, असे क्लार्क म्हणतो. मध्यंतरी स्टीव्ह वॉ याने कोहलीने आक्रमकतेवर थोड्याप्रमाणात वेसण घालावे असे म्हटले होते.
यावर आपले मत वेगळे आहे, असे सांगत मायकेल क्लार्क म्हणतो, ‘प्रत्येकाचे आपले असे मत असते. स्टीव्हला तसे वाटत असेलही; पण माझ्या मते विराटला आक्रमक बाण्याने खेळल्यावर यश मिळत असेल तर विराटने तसेच खेळावे. मुळात विराटला आव्हाने आवडतात अन् सध्याचा भारत संघ कोणत्या शैलीत उत्तम खेळू शकतो हेदेखील तो जाणतो. त्यामुळे विराटने आपल्या आक्रमकतेला अंकुश लावू नये’.
पुजारासाठी कुंबळे डावखुरा
रांचीः स्टीव्ह ओकीफला खेळताना चेतेश्वर पुजारा अडखळतो. ही बाब लक्षात घेत भारताचा प्रशिक्षक अनिल कुंबळेने शुक्रवारी नवी शक्कल लढवली. त्याने पुजाराकडून तंत्र घोटवून घेतले. त्याच्या चुका सुधारण्याचा प्रयत्न केला; पण यासाठी कुंबळेने चक्क डाव्या हाताने मारा केला. पुणे कसोटी पुजारा अनुक्रमे ओकीफ व स्टार्क या डावखुऱ्या गोलंदाजांचा शिकार झाला होता. तर बेंगळुरूला त्याने ९२ धावांची खणखणीत भागीदारी केली. ज्याचा भारताच्या कसोटी विजयात महत्त्वाचा हातभार लागला.
खरेतर पुणे कसोटीनंतरच पुजाराने चुकांवर तोडगा शोधण्यासाठी संघ व्यवस्थापनाची मदत घ्यायला सुरुवात केली होती. भारत-ऑस्ट्रेलिया मालिकेतील तिसऱ्या रांची कसोटीला १६ मार्चपासून सुरुवात होईल.
स्टार्क मुकणार
रांचीः उजव्या पायाला झालेल्या दुखापतीमुळे ऑस्ट्रेलियाचा प्रमुख तेज गोलंदाज मिचेल स्टार्क भारताविरुद्धच्या उर्वरित दोन कसोटींना मुकणार आहे. त्याची अनुपस्थिती पाहुण्या ऑस्ट्रेलियाला मोठ्या प्रमाणात जाणवेल; कारण गोलंदाजीसह फलंदाजीतही स्टार्क ऑस्ट्रेलियासाठी किफायतशीर ठरतो.
ऑस्ट्रेलियाने बाजी मारलेल्या पुणे कसोटीत स्टार्कचे अर्धशतक फायद्याचे ठरले होते. स्टार्कऐवजी कुणाची निवड झाली आहे, हे अद्याप सांगण्यात आले नसले तरी जॅक्सन बर्ड या राखीव तेज गोलंदाजाचा पर्याय ऑस्ट्रेलियापुढे आहे.
लेहमनऐवजी सॅकर
बेंगळुरूः यंदा ऑक्टोबरमध्ये आयोजित केलेल्या भारतातील वनडे मालिकेसाठी ऑस्ट्रेलिया संघाच्या प्रशिक्षकपदाची जबाबदारी पार पाडतील ते सध्याचे सहाय्यक प्रशिक्षक डेव्हिड सॅकर. या दरम्यान लेहमन सुटीवर असल्याने सॅकर ऑस्ट्रेलियाला मुख्य प्रशिक्षक म्हणून मार्गदर्शन करतील. सॅकर यांनी याआधी इंग्लंड संघाच्या गोलंदाजी प्रशिक्षकाची भूमिकादेखील पार पाडली आहे.
दुखापतीमुळे ऑस्ट्रेलियाचा तेज गोलंदाज मिचेल स्टार्कला भारत दौरा अर्धवट सोडून माघारी परतावे लागले आहे. मात्र त्याची गैरहजेरी ऑस्ट्रेलियाला सातत्याने जाणवेल, असे मत व्यक्त केले आहे ते ऑस्ट्रेलियाचा माजी कर्णधार मायकेल क्लार्कने. असो; पण यात भारताचा फायदा होणार हे महत्त्वाचे. उजव्या पायाला झालेल्या दुखापतीमुळे स्टार्क उर्वरित कसोटींना मुकणार आहे.
‘गुणवत्तेसह स्टार्ककडे एक्स फॅक्टर आहे, ज्याचा ऑस्ट्रेलियाला खूप फायदा होतो. आता त्याच्याऐवजी ऑस्ट्रेलियाला कुणाचा समावेश करणार हे ठाऊक नाही; पण भारताविरुद्धच्या या मालिकेतील उर्वरित कसोटींमध्ये स्टार्कची पोकळी जाणवेल हे नक्की. तसेच यामुळे ऑस्ट्रेलियाचे पुढील काम कठीण होणार आहे’, येथील एका कार्यक्रमादरम्यान मायकेल क्लार्कने सध्या सुरू असलेल्या गावस्कर-बॉर्डर ट्रॉफी सामन्याबद्दल आपली मते मांडली.
पुण्यातील कसोटी विजयाच्या गोड आठवणींच्या बळावर ऑस्ट्रेलिया तिसऱ्या रांची कसोटीला आत्मविश्वासाने सामोरा जाईल, असा विश्वास यावेळी क्लार्कने व्यक्त केला. डीआरएसवरून रंगलेल्या वादावर बोलणे त्याने प्रकर्षाने टाळले. मला याबाबत प्रश्न विचारू नका, असे त्याने स्पष्ट केले. मात्र विराट कोहलीच्या आक्रमक बाण्यावर क्लार्कने सकारात्मक भाष्य केले. त्याने आपल्या आक्रमकतेला अजिबात कमी करू नये, असे तो ठणकावून सांगतो. ‘आक्रमकता ही विराटची सर्वात मोठी ताकद आहे. ते अंगभूत आहे. त्याने त्याच्या या नैसर्गिक शैलीतच खेळावे’, असे क्लार्क म्हणतो. मध्यंतरी स्टीव्ह वॉ याने कोहलीने आक्रमकतेवर थोड्याप्रमाणात वेसण घालावे असे म्हटले होते.
यावर आपले मत वेगळे आहे, असे सांगत मायकेल क्लार्क म्हणतो, ‘प्रत्येकाचे आपले असे मत असते. स्टीव्हला तसे वाटत असेलही; पण माझ्या मते विराटला आक्रमक बाण्याने खेळल्यावर यश मिळत असेल तर विराटने तसेच खेळावे. मुळात विराटला आव्हाने आवडतात अन् सध्याचा भारत संघ कोणत्या शैलीत उत्तम खेळू शकतो हेदेखील तो जाणतो. त्यामुळे विराटने आपल्या आक्रमकतेला अंकुश लावू नये’.
पुजारासाठी कुंबळे डावखुरा
रांचीः स्टीव्ह ओकीफला खेळताना चेतेश्वर पुजारा अडखळतो. ही बाब लक्षात घेत भारताचा प्रशिक्षक अनिल कुंबळेने शुक्रवारी नवी शक्कल लढवली. त्याने पुजाराकडून तंत्र घोटवून घेतले. त्याच्या चुका सुधारण्याचा प्रयत्न केला; पण यासाठी कुंबळेने चक्क डाव्या हाताने मारा केला. पुणे कसोटी पुजारा अनुक्रमे ओकीफ व स्टार्क या डावखुऱ्या गोलंदाजांचा शिकार झाला होता. तर बेंगळुरूला त्याने ९२ धावांची खणखणीत भागीदारी केली. ज्याचा भारताच्या कसोटी विजयात महत्त्वाचा हातभार लागला.
खरेतर पुणे कसोटीनंतरच पुजाराने चुकांवर तोडगा शोधण्यासाठी संघ व्यवस्थापनाची मदत घ्यायला सुरुवात केली होती. भारत-ऑस्ट्रेलिया मालिकेतील तिसऱ्या रांची कसोटीला १६ मार्चपासून सुरुवात होईल.
स्टार्क मुकणार
रांचीः उजव्या पायाला झालेल्या दुखापतीमुळे ऑस्ट्रेलियाचा प्रमुख तेज गोलंदाज मिचेल स्टार्क भारताविरुद्धच्या उर्वरित दोन कसोटींना मुकणार आहे. त्याची अनुपस्थिती पाहुण्या ऑस्ट्रेलियाला मोठ्या प्रमाणात जाणवेल; कारण गोलंदाजीसह फलंदाजीतही स्टार्क ऑस्ट्रेलियासाठी किफायतशीर ठरतो.
ऑस्ट्रेलियाने बाजी मारलेल्या पुणे कसोटीत स्टार्कचे अर्धशतक फायद्याचे ठरले होते. स्टार्कऐवजी कुणाची निवड झाली आहे, हे अद्याप सांगण्यात आले नसले तरी जॅक्सन बर्ड या राखीव तेज गोलंदाजाचा पर्याय ऑस्ट्रेलियापुढे आहे.
लेहमनऐवजी सॅकर
बेंगळुरूः यंदा ऑक्टोबरमध्ये आयोजित केलेल्या भारतातील वनडे मालिकेसाठी ऑस्ट्रेलिया संघाच्या प्रशिक्षकपदाची जबाबदारी पार पाडतील ते सध्याचे सहाय्यक प्रशिक्षक डेव्हिड सॅकर. या दरम्यान लेहमन सुटीवर असल्याने सॅकर ऑस्ट्रेलियाला मुख्य प्रशिक्षक म्हणून मार्गदर्शन करतील. सॅकर यांनी याआधी इंग्लंड संघाच्या गोलंदाजी प्रशिक्षकाची भूमिकादेखील पार पाडली आहे.