नवी दिल्ली: चेंडू कुरतडल्याच्या प्रकरणात अडकलेला ऑस्ट्रेलियाचा उपकर्णधार डेव्हिड वॉर्नर याला त्याच्या गैरवर्तनाचा आणखी एक फटका बसला आहे. आयसीसीनं दंडाचा दणका दिल्यानंतर वॉर्नरला आता आयपीएलमधील हैदराबाद सनरायजर्स संघाच्या कर्णधारपदाचा राजीनामा द्यावा लागला आहे.
हैदराबाद संघाचे सीईओ के. शंगमुगमनं यांनी ट्विट करून ही माहिती दिली. 'क्रिकेटमधील सध्याच्या घडामोडींच्या पार्श्वभूमीवर वॉर्नरनं कर्णधारपदावरून दूर होण्याचा निर्णय घेतला आहे. नव्या कर्णधाराच्या नावाची घोषणा लवकरच केली जाईल,' असं त्यांनी म्हटलं आहे.
चेंडू कुरतडल्याच्या प्रकरणात दोषी ठरलेला ऑस्ट्रेलियन संघाचा कर्णधार स्टीव्ह स्मिथ यानं कालच राजस्थान रॉयल्सचं कर्णधारपद सोडलं होतं. त्यानंतर हैदराबाद संघाच्या व्यवस्थापनावर साऱ्यांच्या नजरा खिळल्या होत्या. अखेर हैदराबादनंही राजस्थानच्या मार्गानं जात नेतृत्व बदलण्याचा निर्णय घेतल्याचं स्पष्ट झालं आहे.
शिखर धवन यांच्याकडं धुरा?
वॉर्नरच्या गच्छंतीनंतर हैदराबादची धुरा कोण सांभाळणार, याबाबत संघानं अद्याप ठोस कुठलेही संकेत दिलेले नाहीत. मात्र, टीम इंडियाचा धडाकेबाज फलंदाज शिखर धवन याच्या गळ्यात हैदराबादच्या कर्णधारपदाची माळ पडू शकते, असं बोललं जात आहे.
हैदराबाद संघाचे सीईओ के. शंगमुगमनं यांनी ट्विट करून ही माहिती दिली. 'क्रिकेटमधील सध्याच्या घडामोडींच्या पार्श्वभूमीवर वॉर्नरनं कर्णधारपदावरून दूर होण्याचा निर्णय घेतला आहे. नव्या कर्णधाराच्या नावाची घोषणा लवकरच केली जाईल,' असं त्यांनी म्हटलं आहे.
चेंडू कुरतडल्याच्या प्रकरणात दोषी ठरलेला ऑस्ट्रेलियन संघाचा कर्णधार स्टीव्ह स्मिथ यानं कालच राजस्थान रॉयल्सचं कर्णधारपद सोडलं होतं. त्यानंतर हैदराबाद संघाच्या व्यवस्थापनावर साऱ्यांच्या नजरा खिळल्या होत्या. अखेर हैदराबादनंही राजस्थानच्या मार्गानं जात नेतृत्व बदलण्याचा निर्णय घेतल्याचं स्पष्ट झालं आहे.
शिखर धवन यांच्याकडं धुरा?
वॉर्नरच्या गच्छंतीनंतर हैदराबादची धुरा कोण सांभाळणार, याबाबत संघानं अद्याप ठोस कुठलेही संकेत दिलेले नाहीत. मात्र, टीम इंडियाचा धडाकेबाज फलंदाज शिखर धवन याच्या गळ्यात हैदराबादच्या कर्णधारपदाची माळ पडू शकते, असं बोललं जात आहे.