४ नोव्हेंबर २०१९ चे वार्षिक राशीभविष्य

अभिनेत्री तब्बू हिचा आज वाढदिवस. तब्बू आणि आज वाढदिवस असलेल्या सर्वांनाच वाढदिवसाच्या हार्दिक शुभेच्छा!

या वर्षीचे राशीस्वामी देव गुरु बृहस्पति असून दैत्य गुरु शुक्र यांचा प्रभाव दर्शविला जातो. त्यामुळे येणाऱ्या वर्षात संशयी वृत्ती बळावण्याचा सभंव आहे.

डिसेंबर- जानेवारीमध्ये जर आपण योग्य वेळेत आपली कामं पूर्ण केली नाहीत तर विश्वासघात होण्याची शक्यता आहे.

फेब्रुवारी- मार्चमध्ये एखाद्या शक्तिशाली व्यक्तीशी वैर महागात पडेल. त्यामुळे अशा व्यक्तींना विरोध करणं टाळा. एप्रिल २०२० मध्ये नियोजित कामांमध्ये थोडा बदल केल्यास लाभ संभवतो.

मे - जून हा काळ आरोग्यासाठी अनुकूल असणार नाही. जुलै महिन्यात रखडलेली कामं खर्च करून पूर्ण होतील. ऑगस्टपासून सप्टेंबरपर्यंत मंगल कार्याचा योग आहे.

ऑक्टोबरमध्ये पर्यटनाचा योग आहे. आपल्या आनंदासाठी पैसा खर्च करणे सार्थकी लागेल.