०१ डिसेंबर २०२०-२१ चे वार्षिक भविष्य

अभिनेत्री मयुरी वाघ, ज्येष्ठ सामाजिक कार्यकर्त्या मेधा पाटकर, वृत्तनिवेदिका शिबानी जोशी, भाजप नेत्या शायना एन. सी., भारतीय क्रिकेटपटू मोहम्मद कैफ यांचा वाढदिवस आहे. यांसह आज जन्मदिवस असलेल्यांना उज्ज्वल भविष्यासाठी उत्तमोत्तम हार्दिक शुभेच्छा...

आज जन्मतिथी असणाऱ्या व्यक्तींना आगामी वर्ष कसे जाईल, याचा आचार्य कृष्णदत्त शर्मा यांनी घेतलेला हा आढावा...

आगामी वर्षात आपल्यावर मंगळ, बुध, चंद्र या तीन ग्रहांचा प्रामुख्याने प्रभाव राहील. डिसेंबर महिन्यात आयात-निर्यात क्षेत्रात कार्यरत असणाऱ्यांना काही ना काही समस्यांना सामोरे जावे लागू शकेल. जानेवारी २०२१ मध्ये व्यापार, उद्योग, व्यवसायाच्या उत्तम संधी प्राप्त होऊ शकतील.

मिथुन : गुंतवणुकीत तज्ज्ञांचा सल्ला घ्या; वाचा, आजचे राशीभविष्य

फेब्रुवारी महिन्यात आर्थिक आघाडी कष्टकारक ठरू शकेल. मार्च व एप्रिल महिन्यात बहुतांश व्यक्तींचा भाग्योदय होण्याचे योग प्रबळ होऊ शकतात. मे महिन्यात कार्यकौशल्य, नियोजन, एकाग्रता यांतून सुरुवातीला कठीण वाटणारी कामे सुलभतेने पार पडू शकतील. जून व जुलै महिन्यात जीवन स्तर उंचावू शकेल. आपल्या कामाचे सर्वत्र कौतुक, प्रशंसा होईल.

ऑगस्ट व सप्टेंबर महिना सामान्य असेल. ऑक्टोबर आणि नोव्हेंबर महिन्यात चांगल्या कामासाठी पैसे खर्च होतील. मान, सन्मान, कीर्ती वृद्धिंगत होईल. आगामी वर्ष महिलांसाठी सुख, समृद्धीकारक सिद्ध होऊ शकेल. विद्यार्थ्यांनी केवळ अभ्यासवर लक्ष केंद्रीत करून वाढीव मेहनत व परिश्रम घेतल्यास अपेक्षित यश साध्य होऊ शकेल.