०१ ऑक्टोबर २०२०-२१ चे वार्षिक भविष्य

गायक, अभिनेता अमोल बावडेकर, राष्ट्रपती रामनाथ कोविंद यांचा जन्मदिवस आहे. यांसह आज वाढदिवस असणाऱ्या सर्वांना उज्ज्वल भविष्यासाठी उत्तमोत्तम हार्दिक शुभेच्छा...

आज जन्मदिवस असणाऱ्या व्यक्तींना आगामी वर्ष कसे असेल, याचा आचार्य कृष्णदत्त शर्मा यांनी घेतलेला हा आढावा...

आगामी वर्षात आपल्यावर गुरुचा विशेष प्रभाव राहील. ऑक्टोबर महिन्यात आपण घेत असलेली मेहनत, परिश्रम सर्वांसमोर येईल. बुद्धी, चातुर्य, कौशल्य यांमुळे हाती घेतलेली कामे सुलभतेने पार पडतील. नोव्हेंबर महिन्यात कष्टाचे चीज होईल.

ऑक्टोबर महिन्याचा पहिला दिवस कसा असेल? आजचे राशीभविष्य

डिसेंबर ते जानेवारी २०२१ या कालावधीत बहुतांश व्यक्तींना अनपेक्षित धनलाभाच्या संधी उपलब्ध होतील. फेब्रुवारी आणि मार्च महिन्यात छोटे प्रवास, देशाटन, धार्मिक यात्रा संभवतात. एप्रिल व मे महिन्यात आपल्या कार्यक्षेत्रावर मंगळ ग्रहाचा प्रामुख्याने प्रभाव जाणवेल. जून महिन्यात व्यापारी वर्ग नवीन कार्ययोजना अमलात आणू शकेल.

जुलै महिन्यात बहुतांश व्यक्तींचा बुद्धीबल, पराक्रमामुळे भाग्योदय होऊ शकेल. ऑगस्ट व सप्टेंबर महिन्यात अविवाहित व्यक्तींना विवाहाची स्थळे येतील. विद्यार्थ्यांनी नियोजन, व्यवस्थापन, मेहनत, परिश्रम केल्यास स्पर्धा परीक्षांमध्ये उत्तम यश प्राप्त होऊ शकेल. महिला वर्गासाठी आगामी वर्ष उत्तम व मनोकामना पूर्ण करणारे ठरू शकेल. विशेष परिणामांसाठी प्रत्येक मंगळवारी हनुमान पूजन व्रत हितकारक ठरू शकेल.