०२ जुलै २०२०-२१ चे वार्षिक राशीभविष्य

प्रसिद्ध मराठी अभिनेत्री हर्षदा खानविलकर आणि ज्येष्ठ अभिनेते रझा मुराद यांचा आज जन्मदिवस आहे. या दोघांसह आज वाढदिवस असणाऱ्यांना उज्ज्वल भविष्यासाठी उत्तमोत्तम हार्दिक शुभेच्छा...

आज वाढदिवस असणाऱ्यांना आगामी वर्ष कसे जाईल, याचा आचार्य कृष्णदत्त शर्मा यांनी घेतलेला आढावा...

तुळ: वैवाहिक जीवनातील विसंवाद संपतील; वाचा, आजचे राशीभविष्य

आगामी वर्षात आपल्यावर शुक्र, नेप्चुन आणि चंद्र या तीन ग्रहांचा प्रभाव राहील. जुलै महिन्यात जोखीम पत्करून केलेली कामे यश देतील. प्रसिद्धी, प्रतिष्ठा यांमध्ये वाढ होईल. ऑगस्ट आणि सप्टेंबर महिना उत्तम जाईल. मनोरंजनावर भर द्याल. अनेक मनोरंजक घटनाही घडण्याचा योग आहे.

ऑक्टोबर व नोव्हेंबर या कालावधीत बहुतांश व्यक्तींचे समृद्धीचे मार्ग प्रशस्त होतील. अनेक नव्या संधी प्राप्त होतील. डिसेंबर महिन्यात भाग्यवर्धक घटना घडतील. ग्रहमानाची पूर्ण साथ मिळण्याचे संकेत आहेत.

काय सांगता... सापशिडी खेळाचा शोध संत ज्ञानेश्वर माऊलींनी लावलाय!

जानेवारी ते फेब्रुवारी २०२१ या दरम्यानचा काळ विवाह करणाऱ्या व्यक्तींसाठी शुभवार्ता घेऊन येऊ शकतो. विवाहासाठी नवीन स्थळे येतील किंवा विवाहाची बोलणी पुढे सरकतील. मार्च व एप्रिल महिन्यात भाग्योदय, दान-धर्म यांमध्ये वाढ होण्याची चिन्हे आहेत. मे आणि जून महिन्यात जुने वाद संपुष्टात येतील. भांडणे मिटण्याचे योग आहेत. आगामी वर्ष महिलांसाठी आर्थिक समृद्धी आणि दाम्पत्य जीवन सुखकारक करणारे ठरू शकते. विद्यार्थ्यांचे मनोबल आणि आत्मविश्वास वाढेल. अपेक्षित यश मिळण्यासाठी श्रीयंत्राचे पूजन हितकारक ठरेल.