०४ ऑगस्ट २०२०-२१ चे वार्षिक भविष्य

ज्येष्ठ अभिनेते, लेखक दिलीप प्रभावळकर, दिग्दर्शक राजेश देशपांडे, बॉलिवूड अभिनेता अरबाज खान यांचा आज जन्मदिवस आहे. यांच्यासह आज वाढदिवस असणाऱ्यांना उज्ज्वल भविष्यासाठी उत्तमोत्तम हार्दिक शुभेच्छा...

महाराष्ट्र टाइम्स.कॉम

आज जन्मदिवस असलेल्या व्यक्तींना आगामी वर्ष कसे जाईल, याचा आचार्य कृष्णदत्त शर्मा यांनी घेतलेला हा आढावा...

आगामी वर्षात आपल्यावर मंगळ आणि चंद्र या दोन ग्रहांचा प्रामुख्याने प्रभाव राहील. बुद्धिचातुर्याच्या जोरावर केलेली कामे यश देतील. ऑगस्ट आणि सप्टेंबर महिन्यात अचानक धनसंचयात वृद्धी होण्याची शक्यता. प्रलंबित येणी प्राप्त होण्याचे योग. लाभाच्या संधी उपलब्ध होतील.

'या' राशींच्या व्यक्तींचा इच्छापूर्ती दिवस; वाचा, आजचे राशीभविष्य

ऑक्टोबर व नोव्हेंबर महिन्यात मंगळ ग्रहाचा आपल्या कार्यक्षेत्रावर मुख्यत्वे करून प्रभाव राहील. डिसेंबर ते जानेवारी २०२१ पर्यंत हा प्रभाव कायम राहून परिस्थिती सामान्य असेल. फेब्रुवारी आणि मार्च महिन्यात व्यापार, उद्योग वा व्यवसायात नव्या योजना आणू शकाल. नवे करार, नव्या संधी उपलब्ध होतील. एप्रिल महिन्यात बहुतांश व्यक्तींचा भाग्योदय होण्याचे संकेत आहे. पुरुषार्थ आणि बुद्धी वृद्धिंगत होईल.

मे आणि जून महिन्यात धनलाभाचे उत्तम योग आहेत. आगामी वर्ष विद्यार्थ्यांसाठी उत्साहवर्धक असेल. महिलांना दाम्पत्य जीवन सुखकारक करणारे तसेच सुख आणि समृद्धीदायक आगामी वर्ष ठरू शकेल. शक्य असल्यास नियमितपणे दर शनिवारी हनुमानाला तेल अर्पण करावे.